Portugaleteko zenbait gazte eragilek liburutegia sinbolikoki okupatu zuten ekainaren 2an, herrian antzematen dituzten zerbitzu publikoetako gabeziak azaleratzeko helburuarekin. "Aginteari desobedientzia" egiteaz akustatuta, Barakaldoko epaitegian deklaratu beharko dute parte hartu zuten hamahiru gazteek urriaren 14an.
“Portugalete Publikorantz” kanpainaren baitan, zerbitzu publikoetako gabeziak salatzea zen protestaren helburua, uda aurreko azterketa garaiaz baliatuz. Deialdia Eraikitzen, Ernai eta Ikasle Abertzaleek egin zuten. Ekintzarekin bukatu nahi izan zutenean, identifikazioa erakutsi arte liburutegitik ateratzen ez zietela utzi azaldu dute.
Besteak beste, "eskaintza euskaldun zabalagoa" eta "liburutegiko ordutegi zabalagoa" eskatzeagatik epaituko dituztela salatu dute gazteek. Zerbitzu publikoekin benetan konprometitzea eskatu diote Udalari, "kalitatezkoak, anitzak eta herritarren beharrei egokituak” izan behar direla adierazita.
Halaber, herriko udaltzainen jarrera salatu dute. Horiek identifikatu zituzten gazteak eta auzi judiziala abiarazi. Udaltzaingoa “herritarren kontrako talde poliziala” ezin dela izan esan dute gazteek.
Ekainaren 2ko okupazioaren bideo-bilduma ikusgai dato Topatu.info-n. Bestetik, ondorengo prentsaurrekoa zabaldu dute epaituak izango diren gazteek:
Eraikinetik ateratzeko agindua eman diete Zestoako Gazte Asanbladako kideei, eta prozesuaren gastuak ordaintzera zigortu dituzte. Gaztetxearen defentsan mobilizatzera deitu dute igandean, otsailak 4, Zestoako plazatik.
Zestoako Elizondo eraikina gaztetxe berri gisa okupatu zuen Gazte Asanbladak. Eraikina Elizaren jabetzakoa da, eta gotzaindegiak gaztetxearen aurkako prozedura abian du. Protesta ekintzak nagusitu dira azken asteetan, igandean Zestoako elizan, esaterako. Zestoako Udalak adierazi... [+]
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.