ARGIA.eus

2020ko maiatzaren 31

LGBT komunitateari zuzendutako ikastetxea Erresuma Batuan?

  • Manchesterren (Erresuma Batua) ikasle lesbiana, gay, bisexual eta transgeneroentzako lehenengo ikastetxe publikoa zabal dezakete datozen hiru urteetan.

Nerea Ibarzabal Salegi @ibarnere
2015eko urtarrilaren 20a
New Yorkeko Harvey Milk ikastetxea da LGBT komunitateari zuzendutako lehenengoa. (Arg: Fdzeta)

LGBT Youth Northwest ongintzako erakundeak iragarri du proiektua. Hala ere, momentuz “plan bat” bakarrik dela azpimarratu dute, eta LGBT komunitateko kideen artean kontsulta prozesu bat hasi dute erabakia zehaztu ahal izateko, El Paísen arabera

Egitea erabakiko balitz, eskola hori “zentro alternatibo” bat izango litzatekeela esan du Sally Carrek, erakundeko zuzendariak. “40 ikasle hartuko genituzke, genero eta sexualitate mota guztietakoak. Homofobiarik gabeko gunea izango litzateke”.

Babesa ala isolamendua?

LGBT ikasleek jasaten duten bullyinga saihestea izango da eskola espezializatuaren helburua. Inkestek diotenez, jazarpena pairatzen duten ikasleen %41ek bere buruaz beste egitea pentsatu dute edo saiatu egin dira.

Hala ere, ikastetxe berezietan sailkatzeak kolektibo hori gizartetik isolatzea ekar dezake, eta ez luke balioko gainerakoen homofobia sendatzeko. Amelia Lee, LGBT Youth Northwest erakundeko arduradunetako bat kontziente da horretaz. “Ez da gure asmoa mundutik aldendutako inguru seguru bat sortzea. Baina gure hezkuntza sistemak ez ditu asetzen barne-gatazkak dituzten gazteen beharrak”.

Bi aukera ikusten ditu Leek: “Eskola guztiak inklusiboak izan arte itxaron dezakegu, edo onartu dezakegu oraindik ez garela horraino iritsi, eta ikastetxe espezializatuak behar ditugula momentuz”.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: LGBTI  |  Hezkuntza  |  Erresuma Batua

LGBTI kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude