“Urtez urte olagarroa gutxitu egin da, zerbait gertatzen da itsasoko urarekin, hori argi da”
Manuela Jauregi arrantzalea da eta duela 25 urtetik hona, bere senarrarekin batera olagarroa eta eguneko arraina harrapatzen aritzen da Getarian, Manuela itsasontzian. Mattin Jauregirekin mintzatu da ontzi barrutik, eta azken urteetan sumatu dituen aldaketak azaldu ditu.
25 urtean bizimodua atera ahal izan dutela azaldu du Jauregik: "Getarian arrantza giroa dago, jatetxe onak ere bai, leku estrategikoa da eta gustatzen zaigu mundu hau". Bere amona Manuelaren omenez jarri dio izena itsasontziari: "Baserritarra zen, emakume langilea", nabarmendu du.
Olagarroa arrantzatzeko teknika azaldu du Jauregik: otarretan harrapatzen dute, arroketako arrantza da eta uda hasieran eta udazkenean egin izan dute eguneko arrantza hori. Gero eta olagarro gutxiago dagoela ohartarazi du: "Konturatu gara urtez urte gutxitzen joan dela, ez dakigu zergatik. Zerbait gertatzen da itsasoan, argi da. Gehien bat bost urtetik hona nabaritu dut itsasoak eduki duen aldaketa. Ez naiz biologoa, ez dakit gai horietan, baina guk ikusten duguna da aldaketa egon dela urarekin. Ez dakigu nondik doan arazoa baina arazo bat dagoela eta latza, bai".
Olagarroa jateko ohitura azken urteetan zabaldu dela kontatu du. Jaten den guzti horretatik eurek harrapatzen dutena "portzentaje oso txikia" dela adierazi du eta oso leku zehatzetan saltzen dutela, inguruko jatetxeetan, bertako produktua erosten dutenetan. Hemen jaten dugun olagarro gehiena kanpotik dator: Marokotik eta abar.
Garai batean portuan bertan saltzen zuten egunean arrantzatutako arrain gehiena: "Ohitura hori bazegoen, inguruko jendea gerturatzen zen eta eguneko arrain freskoa bertan saltzen zen. Orain arazo asko daude gauza horiek egiteko, lizentziak, Sanidadea, baimenak...". Zuzeneko salmenta hori desagertu egin da eta Jauregik jatetxeei saltzen die arrantzatutakoa.
Atzetik ez du erreleborik ikusten arrantzan: "Jendea jada ez dago arrantzarako prest. Ikuspuntua aldatu egin da. Jendea ari da erretiroa hartzen (itsasoan lehenxeago egiten da zeren bizimodua gogorra da eta pertsona gastatu egiten da) eta pixkanaka pixkanaka, ba, arrantzaleok desagertzen joango gara". Beste baldintza batzuk balira lanerako, jendea animatuko litzatekeela esan du: "Batetik ez dago arrantzarik eta bestetik egoera honekin, normala da inor ez animatzea jarraitzera".
Eurek ere beren jarduna murriztu behar izan dute: lehen bost astegunetan ateratzen ziren eta orain bostetik hirutan. Beste bi egunetan "lehorreko lanak" egiten dituzte: sareak josi, otarrak konpondu... "Lanak itsasontziak asko ditu", esan du Jauregik. Eta ez omen die merezi egunero irtetea, gasoila eta gainerako gastuak murriztea erabaki dute, "eta horrekin, aurrera jarraitzea".
Sentitzen dut, baina kosta egiten zait sinestea. Yeray Alvarez Athleticeko jokalariak analisi batean positibo eman izanak berriro azaleratu du kirolean existitzen den dopinaren inguruko eztabaida. Eliteko kirolean, hobeto esanda; eta horra hor auziaren gakoa. Kirolari... [+]
Herritar talde batek bainua hartzen zegoela gorpua aurkitu eta Polizia deitu zuen. Iruñera eraman dute gorpua autopsia egiteko, eta heriotzaren zergatia argitzeko. Gizonak 51 urte zituen.
Arabiar Emirerri Batuen bitartekaritzarekin lortu dute preso trukea gauzatzea. Zelenskik adierazi du Ukrainak "askatasunaren alde" borrokatzen jarraituko duela, herrialdeak independentzia aldarrikatu zuenetik 34 urte bete direnean: "Bakea behar dugu, eta gure... [+]
Gazako osasun zentro nagusia bonbardatu du Israelek. Hildakoen artean lau kazetari daude, Reuters, AP, Al Jazeera eta NBCkoak.
Futbola herriaren opioa zela zioten batzuk; garrantzitsuak ez diren gauzetan garrantzitsuena dela pentsatzen dute hainbatek; kapitalismo basatienarekin lotzen duenik ere bada… Nire iritziz, gizartearen isla soila da; herritarron gabezia eta arazo askoren isla.
Ez zait... [+]
Hizkuntzalari ospetsu José Ignacio Hualdek hiru joera nagusi bereizi ditu euskaldun berrien artean, batuarekiko harremanari dagokionez: euskalki biziko herrietan, gazteek etxean euskalkia darabilte eta eskolan batua; gaztelaniaz hitz egiten den hiriguneetan, gehienek batua... [+]
Azkenaldian buruari bueltak ematen ari natzaio, hezkuntza publikoaren egoerari. Aurtengo ikasturteko greba garaiak pasa dira eta lan hitzarmen berria sinatu zela denboratxo bat igaro da. Irakasleoi, onerako eta txarrerako, garai hartako odol beroa hoztu zaigula esango nuke. Ez... [+]
Ez diote ezeri muzin egin nahi opor giroan: natura, aisialdia eta gogoeta izango dira ardatz Euskaltzale Independentisten Akanpadan, abuztuaren 25etik 31ra.
AEBetako Estatu idazkari Marco Rubio astelehenean biltzekoa da Israelgo atzerri ministro Israel Katzekin, su-etenerako akordioez mintzatzeko. IPC Jakien Segurtasunaren Faseen Sailkapen Integratuak agentziak ostiralean kaleratutako txosten batek ohartarazi du Gazan gosete... [+]
Martxan daude okzitanieran jatorria duen hizkuntza berpizteko hainbat ekimen. Ipar Euskal Herrian galzorian dagoen hizkuntza da gaskoia; aurreko mende hasieran galdu zen Hego Euskal Herrian.
Sahara hegoaldeko gizonak, emakumeak eta adin txikikoak zeuden txalupan. Merkataritza ontzi batek jitoan zebilen txalupa ikusi, soka bat lotu, eta laguntza eskatu zuen.
Gaixoaldi baten ondorioz, 65 urterekin hil da Daniel Larrea Mendizabal.
Azken zortzi urteotan 30 bunker inguru berreskuratu dituzte dozenaka gazte boluntariok; Baztanen, Otsondon, izan da azkena. Ana Ollo kontseilariak bisitatu du auzolandegia eta gazteen ezinbesteko lana txalotu eta eskertu du.
95 urte bete zituela zendu zen Maite Maniort Hennebutte, 2025eko uztailaren 10ean.
Jose Manuel Gorospe Meagas aktore eta kultur ekoizle donostiarra zendu da, 81 urterekin, Madrilen. Bizitza osoa antzerkiarekin eta ikus-entzunezkoen munduarekin era batera edo bestera lotuta pasatu zuen Gorospek, eta, besteak beste, Euskadiko Filmategiaren sortzaileetako bat... [+]