Falciani zerrendako lehen euskal herritarra: BBVko zuzendari nagusi ohia
Publikatu dute Falciani iruzurgileen zerrendako lehen euskal herritarraren izena: Jose Maria Echevarria Arteche. Getxoztar honek gutxienez 1999tik 2007ra izan zituen hainbat kontu Suitzan, El Confidencial gunean jakinarazi dutenez.
1999tik irekia zuen kontu horretan, 2007an Echevarría Artechek 131.038 dolar (114.805 euro) zituen HSBC bankuan zerga iruzurra eginez.
Falcianiren zerrendan 2006 eta 2007 urteetako datuak jasota daude. El Confidencialek publikatu duenez, 2008an itxi zuen kontua eta ez du gaiari buruz adierazpenik egin nahi izan.
Hervé Falciani informatikariak HSBC bankuko bezeroen izenak igorri zizkien 2007an Frantziako Estatuko autoritateei, zerga iruzurra egiten ari zirelako. Frantziatik, herrialdez herrialde zabaldu zuten.
Ordutik zazpi urte baino gehiago igaro dira. Bitartean, Bartzelonako epaile batek salatu zuen 558 iruzurgile handiri Espainiako Estatuak zigorrak jarri beharrean abisua igorri ziela, eta horri esker egoera erregularizatu eta fortunaren parte handi bat ezkutatzea lortu zutela.
Nor da Jose María Echevarria Arteche?
Echevarría Artechek sektore kimikoan hasi zuen ibilbide profesionala. BBVko zuzendari nagusia izan zen.
Horren ostean, Espainiako Olinpiar Batzordeko (COE) diruzaina izan zen. “Misio espainiarreko arduraduna” izan zen Languedoc-Roussillongo Mediterraneoko Jokoetan 1993an, Barin 1997an, Atlantako Joko Olinpikoetan 1996an eta Sidneykoetan 2000. urtean.
2002tik 2005era COEko presidente izendatu zuten. 2005etik Adecco Fundazioko kide da, baita hainbat enpresatako administrazio kontseiluetako kide ere, hemen irakur daitekeenez. Batzuk aipatzearren, Aguas de Barcelona, Adeslas, Conservas Garavilla, Bodegas y Bebidas eta Koipe. Horrez gain, Chicco Españako presidentea izan da, baita Espainiako Bankaren Elkarteko zuzendaritzako kide ere.
Espainiako nobleziako kide da, Grandezas de España, titulos nobiliarios liburuan jasota dagoenez. Villagodioko markes titulua dauka.
Informazio gehiago:
Falciani zerrendari jarraipena egiten ari gara ARGIAn. Ikusi kanalean informazio guztia.
"Falciani ez dago ados zerrenda horrela erabiltzearekin, gobernuen kontua izan da"
80 gipuzkoar Falcianiren iruzurgileen zerrendan, 'Noticias de Gipuzkoa'ren arabera
Munduko zerga iruzurgile aberatsenen Falciani zerrenda argitaratzen hasi dira
Espainiako Auzitegi Nazionaleko Diego de Egea epaileak libre utzi du Herve Falciani, poliziak Madrilen atxilotu eta hurrengo egunean.
Asko izan dira atxiloketa Kataluniako egoerarekin lotu dutenak, Anna Gabrielen eta Marta Roviraren estradizioetan presio egin nahi duelakoan.
Poliziaren etxean behin azaltzea ez dute aski izanen Bizi!ko kideek: agenteek eskuratu nahi zituzten ADN frogak emateari uko egin diotenez, berriro galdezkatuko dituzte hilabete honetan bertan. Horrela doa luzatzen dirudun handiei iruzur fiskala egiten aritu den HSBC bankuaren... [+]
Ostatuetan orain “Fernando Alonso” esan eta edonork aipatuko dizu HSBC, edo Falciani. Trending topic. Mundua XXI.eko krisitzar itzel honetaraino bankugintza globalak ekarri duela salatu duten Attac bezalako taldeen garaipen txikia ote? Ez oraindik. Ez behintzat... [+]
Frantziako Polizia Bizi!-ren egoitzan sartu da, HSBC bankuaren Baionako bulegotik hartutako aulkien bila. ehKz-k egindako bideoan ikus daiteke polizia bulegoan sartu den unea.
Egunotan HSBC bankuko 203 herrialdetako 106.000 bezeroen –iruzurgileak eta iheslari fiskalak–; zenbait izen filtratu dituzte hedabideek; 200.000 milioi dolar zituzten euren kontuetan. 9.187 Frantziako Estatuko bezeroak dira, 2.694 Espainiako Estatukoak, eta 169... [+]
Ostatuetan orain “Fernando Alonso” esan eta edonork aipatuko dizu HSBC, edo Falciani. Trending topic. Mundua XXI.eko krisitzar itzel honetaraino bankugintza globalak ekarri duela salatu duten Attac bezalako taldeen garaipen txikia ote? Ez oraindik. Ez behintzat... [+]
"Aulkiak itzuliko ditugu HSBC-k estatu frantsesari etekin fiskaletik hartutako 2,5 miliar itzultzen baditu". Bizi! mugimenduko lehendakari Jean-Noël Etcheverryk Baionako polizia-etxean deklaratu behar izan du HSBC bankuan egindako ekintzagatik. Aulkiak itzuliko ez... [+]
Hervé Falcianik zerrenda ez zuela horrela publiko egiterik nahi adierazi du Simona Levik. Falcianiren gertuko pertsona da, Xnet proiektuaren sortzaileetako bat, herritarren partetik informazio anonimoa jasotzeaz arduratzen den plataformakoa. Vilaweb agerkarian... [+]
80 gipuzkoarren izenak leudeke Falcianiren zerrendan, Noticias de Gipuzkoak argitaratu duenez. Informazio honen arabera, denek beren egoera erregularizatu zuten 2011n.
Munduko zerga iruzurgile aberatsenen Falciani zerrenda argitaratzen hasi dira. Zerrendan 61 izen aurreratu dituzte. Ikusi pertsona bakoitza nor den, alfabetikoki ordenatuta.
Argitaratu dituzte Hervé Falcianik filtratutako 100.000 iruzurgile fiskalen zerrendako hainbat izen. Duela zazpi urte informatikari honek HSBC bankuko bezeroen zerrenda filtratu zien hainbat herrialdetako autoritateei.