Munduko zerga iruzurgile aberatsenen Falciani zerrenda argitaratzen hasi dira

  • Argitaratu dituzte Hervé Falcianik filtratutako 100.000 iruzurgile fiskalen zerrendako hainbat izen. Duela zazpi urte informatikari honek HSBC bankuko bezeroen zerrenda filtratu zien hainbat herrialdetako autoritateei.


2015eko otsailaren 09an - 09:56
Azken eguneraketa: 2015-02-26 13:37:33
HSBC bankuak hainbat pertsonari zerga iruzurra egiten lagundu ziela filtratu dute.

Le Monde egunkariak eta Nazioarteko Ikerketa Kazetarien Partzuergoak elkarrekin egin dute ikerketa lana, eta mundu osoko 60 hedabidek hartu dute parte. Azaldu dutenez, 203 herrialdetako 106.000 pertsona fisiko eta juridikoren zerrenda jaso dute. Filtrazioa egin zen urtean, 2007an, pertsona hauek bertan zeukaten dirua 78.000 milioi eurotik gorakoa zen.

Honekin baieztatuta geratzen da HSBCren Suitzako filialak enpresari, politikari, artista, kirolari, aktore, abokatu, errege eta besteri zergak ez ordaintzen eta beren hondasunak ezkutatzen. Zerrendak erakusten du, gainera, Suitzako banku-sekretuak droga eta arma trafikatzaileak babesten zituela.

Bezero kopuruari begiratuta, 203 herrialdeko zerrendatik, Suitza da lehena, bigarrena Frantzia eta hirugarrena Erresuma Batua. Estatu espainiarra 12.a da.

Suitzan ezkutatutako diru kopuruari begiratuta, frantziarrek ia 11 mila milioi euro zituzten bertan; espainiarrek 2 mila milioi euro.

Informazio gehiago:

Nor da nor Falcianiren zerrendan?


Kanal honetatik interesatuko zaizu: Falciani zerrenda
2018-04-05 | ARGIA
Falciani aske utzi du Espainiako Justiziak, zaintzapean

Espainiako Auzitegi Nazionaleko Diego de Egea epaileak libre utzi du Herve Falciani, poliziak Madrilen atxilotu eta hurrengo egunean.


2018-04-05 | Miren Osa Galdona
Falcianiren atxiloketa, politikari katalanak estraditatzeko presio neurria?

Asko izan dira atxiloketa Kataluniako egoerarekin lotu dutenak, Anna Gabrielen eta Marta Roviraren estradizioetan presio egin nahi duelakoan.


2015-03-17 | ARGIA
Bizi-HSBC afera: poliziak boluntarioei ADN arrastoak hartu nahi dizkie

Poliziaren etxean behin azaltzea ez dute aski izanen Bizi!ko kideek: agenteek eskuratu nahi zituzten ADN frogak emateari uko egin diotenez, berriro galdezkatuko dituzte hilabete honetan bertan. Horrela doa luzatzen dirudun handiei iruzur fiskala egiten aritu den HSBC bankuaren... [+]


2015-02-22 | Juan Mari Arregi
Hemengo beste Falcianiak

Egunotan HSBC bankuko 203 herrialdetako 106.000 bezeroen –iruzurgileak eta iheslari fiskalak–; zenbait izen filtratu dituzte hedabideek; 200.000 milioi dolar zituzten euren kontuetan. 9.187 Frantziako Estatuko bezeroak dira, 2.694 Espainiako Estatukoak, eta 169... [+]


HSBCtik gobernura, kortsarioek eskuak edozertarako libre

 Ostatuetan orain “Fernando Alonso” esan eta edonork aipatuko dizu HSBC, edo Falciani. Trending topic. Mundua XXI.eko krisitzar itzel honetaraino bankugintza globalak ekarri duela salatu duten Attac bezalako taldeen garaipen txikia ote? Ez oraindik. Ez behintzat... [+]


Eguneraketa berriak daude