Frantziako polizia Bizi!-ren egoitzan arratsaldean sar daitekeela ohartarazi dute
"Aulkiak itzuliko ditugu HSBC-k estatu frantsesari etekin fiskaletik hartutako 2,5 miliar itzultzen baditu". Bizi! mugimenduko lehendakari Jean-Noël Etcheverryk Baionako polizia-etxean deklaratu behar izan du HSBC bankuan egindako ekintzagatik. Aulkiak itzuliko ez dituztenez, Frantziako polizia Bizi!-ren egoitzan sar daiteke arratsaldean, zabaldu dutenez.
Ostegunean Bizi! kolektiboak zerga iruzurraren aurkako ekintza egin zuen Baionan. HSBC bankura sartu eta bertako altzariak hartu zituzten. Gainera, bankuko langileei Attac-en eta Bastamag-en Bankuen liburu beltza liburuaren ale bana eman zieten.
Ekintza honekin "zerga ihesaren kontrako" jarrera erakutsi nahi izan zuten kolektibotik. Bizik adierazi duenez “zerga iruzurrarekin galtzen diren ondasunak” errekuperatu nahi izan ditu ekintza honekin, kazeta.eus hedabideak jaso duenaren arabera.
Egunotan Falciani zerrendan dauden kideen izenak publiko egiten ari dira mundu osoko hedabideak. Pertsona horiek HSBC bankuaren Suitzako filialeko bezero izan ziren ustez, eta zerga iruzurra egin zuten.
Informazio gehiago:
Falciani zerrendari jarraipena egiten ari gara ARGIAn. Ikusi kanalean informazio guztia.
Espainiako Auzitegi Nazionaleko Diego de Egea epaileak libre utzi du Herve Falciani, poliziak Madrilen atxilotu eta hurrengo egunean.
Asko izan dira atxiloketa Kataluniako egoerarekin lotu dutenak, Anna Gabrielen eta Marta Roviraren estradizioetan presio egin nahi duelakoan.
Poliziaren etxean behin azaltzea ez dute aski izanen Bizi!ko kideek: agenteek eskuratu nahi zituzten ADN frogak emateari uko egin diotenez, berriro galdezkatuko dituzte hilabete honetan bertan. Horrela doa luzatzen dirudun handiei iruzur fiskala egiten aritu den HSBC bankuaren... [+]
Egunotan HSBC bankuko 203 herrialdetako 106.000 bezeroen –iruzurgileak eta iheslari fiskalak–; zenbait izen filtratu dituzte hedabideek; 200.000 milioi dolar zituzten euren kontuetan. 9.187 Frantziako Estatuko bezeroak dira, 2.694 Espainiako Estatukoak, eta 169... [+]
Ostatuetan orain “Fernando Alonso” esan eta edonork aipatuko dizu HSBC, edo Falciani. Trending topic. Mundua XXI.eko krisitzar itzel honetaraino bankugintza globalak ekarri duela salatu duten Attac bezalako taldeen garaipen txikia ote? Ez oraindik. Ez behintzat... [+]