Lankidetza-hitzarmena sinatu du lehen aldiz Iruñeko Udalak Korrikarekin

  • Azken kilometroan Joseba Asironek eta zinegotziek eginen dute korrika. Gehienez 50.000 euroko diru-laguntza izanen du Korrikaren amaierako azpiegiturak ordaindu ahal izateko.

Artikulu hau CC BY-SA 3.0 lizentziari esker ekarri dugu.

2017ko martxoaren 29an - 08:37
Lankidetza sinatu dute Iruñeko Udalak eta Korrikak, lehen aldiz.

Ohorea izanen da Korrikari harrera egitea. Horixe esan du Joseba Asironek eta nabarmendu Euskararen alde inoiz egin den lasterkjetarik handiena dela Korrika.

AEKk urteotan egindako lana eta oraindik ere egiten duena babestu eta aitortu du Iruñeko alkateak.

50.000 euro arteko laguntza eskainiko du Udalak Korrikaren amaierarako behar diren azpiegiturak ordaintzeko: agertokiak, hesiak, karpak…

Lehen aldiz izanen du laguntza ekonomikoa Korrikak Iruñeko Udalaren aldetik.

20. Korrika berezia izanen da, ez bakarrik Iruñean amaituko delako, baizik, erakundeetara aldaketa iritsi denetik izan duten jarreragatik:

20. Korrika ostegunean abiatuko da Otxandiotik. 11 egunez Euskararen aldeko lasterketa herriz-herri eta auzoz-auzo ibiliko da eta Iruñean amaituko da apirilaren 9an. 

Albiste hau Euskalerria Irratiak argitaratu du eta CC-by-sa lizentziari esker ekarri dugu ARGIAra


Kanal honetatik interesatuko zaizu: Korrika
2024-03-25 | Leire Artola Arin
Burbuilaren ostean badago zer erein

Irundik Baionara, ezin ezkutatuzkoa izan da 23. Korrikak eragindako harrotasuna. ‘Herri Harro’ leloak zentzua hartu duela ikusi dugu lekuko hartzaileen aurpegietan, eta atzetik euskararen alde oihuka aritu diren korrikalariengan. Bakoitzak bere gorputzetik eta bere... [+]


Inoizko Korrikarik ikusiena izan da

1.700.000 ikustaldi izan ditu EiTBren emanaldiak –Hamaika TBrenak gehitu behar zaizkio–. Pozik agertu dira AEKko arduradunak: “Inoizko Korrikarik erraldoi eta anbiziotsuena lortu dugu, herria harro egoteko modukoa”.


Eguneraketa berriak daude