2021-11-24 23:44

Eguzki talde ekologista eta antinuklearrak, Ascoko zentral nuklearrean izandako istripuaren berri izan ondoren (pertsona bat hil da eta gutxienez lau pertsona zauritu dira karbono dioxidoa arnastuta), iritzi publikoari honako hau helarazi nahi dio:

Lehenik eta behin, biziki deitoratu du pertsona horren heriotza, eta adierazi du zentral nuklearretako istripuak saihestu behar direla kosta ahala kosta, eta beste ezeren gainetik, herritarren eta langileen segurtasuna izan behar baita lehentasun nagusia zentral mota horietan. Gainera, elkartasuna eta babesa adierazi nahi die familiari, lagunei eta gertukoei.

Duela astebete, CSNk Ascoko (Tarragona) barne-larrialdietarako plana aldatzeko bi proposamen onartu zituen. Zabaldutako datuen arabera, badirudi akats bat gertatu dela suteen aurkako sistema bat kargatzean, eta horrek CO2 isuria eragin duela (suak itzaltzeko erabiltzen da, hain zuzen ere) zentral nuklearreko I. unitatean, 28. erregai-kargaren lanak egiten ari baitira 2020ko urriaren 16tik.

Euskal Herritik, gogoratu behar dugu 2021eko martxoaren 16an argitaratu zela Estatuko Aldizkari Ofizialean Energia Nuklearreko Zuzendariordetza Nagusiaren Iragarkia, zeinaren bidez jendaurrean jarri baitzen Santa Maria de Garoña zentral nuklearra eraisteko 1. fasearen proiektua.

Aztertu ondoren, Eguzki talde ekologista eta antinuklearrak alegazioak aurkeztu ditu desegite-fase guztien informazioa eta gardentasuna eskatzeko, eta, bereziki, segurtasun-neurriak ezartzea erabat eta segurtasunez desegin arte, eremua biziberritzeko plan batekin.

Proiektu horretan ez zen azaltzen segurtasun arloko ez neurrien ezarpenik, ezta segurtasun-arriskuari dagokionik ere, ez esperientziarik beste zentral nuklearretan, ez desegite-lanek pertsonen osasunari eta ingurumenari kalte egiteko arriskuarekin duten loturarik ere.

Horregatik,, Eguzkik, talde ekologista eta antinuklear gisa, doluminak ematen dizkie hildakoaren familiari eta gertukoei, eta elkartasuna adierazten die eragindako pertsona guztiei, eta informazioa eta gardentasuna eskatzen ditu Garoña eraisteko fase guztietan, baita beharrezko segurtasun-neurriak ere, erabat eta seguru desegin arte, ingurua biziberritzeko plan batekin.

Gasteizen, 2021eko Azaroaren 24an

 

 

 

 

 

 

 

La entrada Ascoko zentralean izandako istripu hilgarriaren aurrean, Eguzkik elkartasuna adierazi du eta Garoña desegiteak segurtasuna berma dezala eskatu du. aparece primero en Eguzki Talde Ekologista.

Artikulu hau egilearen RSS jariotik automatikoki ekarri da hona. Baliteke jatorrizko artikulua luzeagoa izatea, eta hemen irakur dezakezu.
Eguzki euskal erakunde edo elkarte ekologista bat da, boluntarioek osatua. Boluntariook herriz herriko taldeetan aritzen dira. Halaber, talde hauek laguntzaile sare baten korapiloak dira. Eguzkik herri-erakunde izaera du. Hau da, ez dute ingurugiro alorreko profesionalek osatzen, herritar “arruntek” baizik. Bakoitzak bere ezagutza eta gaitasuna taldearen zerbitzura jartzen ditu, nahi edota ahal duen neurrian. Gehiago jakiteko. http://eguzki.org/quienes-somos/