Lan baldintza duinak eskatu dituzte zaintza sektoreko langileek
ELA, LAB, CCOO eta ESK sindikatuek deituta, greba egin dute ostegunean. Deitutako bigarren zaintza greba izan da. Zahar etxeetako greba babesteaz gain, zaintza eredu publikoa eta baldintza hobeak eskatu dituzte.
Zaintza sektoreko milaka langile atera ziren kalera ostegunean lan baldintza duinak eskatzeko. ELA, LAB, CCOO eta ESK sindikatuek deitu zuten greba eta deitutako bigarren zaintza greba izan da. Zaintza arloko langileak urteak daramatzate haien eskubideen alde borrokan eta COVID-19aren pandemiak are gehiago prekarizatu du sektorea.
Manifestazioak Bilbon, Donostian eta Gasteizen egin zituzten, eguerdi partean. ELA sindikatuak Nafarroan ere deitu zuen lanuztea. Nafarroan egoitzetako lan ituna lortzeko deitu zuen grebara ELAk, baina zerbitzu publikoa eskatu zuen.
Eguerdiko manifestazioetan milaka pertsona irten ziren kalera eta egungo zaintza eredua aldatzeko eskatu zieten EAEko eta Nafarroako gobernuei. Manifestazioak eguerdian izan arren, aldarrikapenak goizetik hasi ziren, sektorearen feminizazioa nabarmentzeko, LAB sindikatuak pikete feminista antolatu zuen.
Bilboko manifestazioaren kasuan, sindikatu bakoitzak bere aldetik egin zuen ibilbidea eta bukaeran udaletxe alboan bildu ziren denak. Bertan aldarrikapena bateratuak egin zituzten sindikatu guztiek. Sindikatuek, zaintza sektorearen publifikazioa eskatu zieten instituzioei.
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Marka historikoak hautsi dituzte bi enpresek 2023an: Mercadonak lehen aldiz lortu du 1.000 milioi euroko irabaziak gainditzea.
Sindikatu deitzaileen arabera, ikasturte honetan Araba, Bizkaia eta Gipuzkoako sektore publikoan antolaturiko greben artean jendetsuena izan da asteartekoa, eta batez ere garraio publikoan, hezkuntzan eta udal esparruan izan du eragin handiena. Manifestazioetan 30.000 lagunek... [+]
Astelehen arratsean gertatu da ezbeharra, Arrasaten, hiru metroko sakonerara erorita.