Laboristen buru Jeremy Corbyn ere ataka estuan erreferendumaren ostean

  • Britainia Handian, eskuinean David Cameronek dimititu ostean ez dago kinka hobean Alderdi Laboristako buruzagi Jeremy Corbyn. Alderdiko indar faktikoak dimititu dezan bultzaka ari diren bitartean, beren erantzukizunei uko egin diete laboristen Itzalpeko Gobernuko –oposizioaren gobernu paraleloko– 31 karguetatik 19k.


2016ko ekainaren 27an - 11:11
Jeremy Corbyn etxetik irteten astelehen goizean (argazkia: Christopher Furlong).

Erreferenduma Brexiten aldekoek irabazi eta minutu gutxira bidali zion misila Tony Blairrek Jeremy Corbyni: Britainia Handia Europar Batasunaren barruan gelditzearen alde aski lan egin ez eta galdu ostean, dimititzea zegokiola.

Ondoren, Alderdi Laboristen zuzendaritzatik entzun diren ahots gehienek eskatu diote gauza bera eta astelehen goizerako liderrak mahai gainean pilaturik zeuzkan bere sasi-gobernuko 10 kideren dimisio gutunak. Arratsalderako 19 ziren dimituak; esan nahi da itzaleko gobernutik, zeren eta nork bere parlamentari karguari eusten baitio. Hala ere, Corbynek behin eta berriro errepikatu du ez duela dimitituko eta itzaleko gobernuan beste hainbeste kide berri izendatu ditu.

Bitartean, laboristen gobernuetan azken Atzerri Ministro izandako Alaistar Darlingek BBC kateari adierazi dio une bereziki larria ari dela bizitzen Britainia Handia, David Cameronek dimititu ostean eta laboristen artean ere dimisioak ugaritzen, halako hutsune bat nabaritzen delako Londresko agintaritzan: "Ez daukagu ez gobernurik eta ez oposiziorik. Amesgaizto honetara ekarri gaituen jendeek alde egin dute eta orain lau hilabeteko zuloa daukagu lehen ministro berri bat eduki artean; denbora horretan egoera asko oker daiteke. Oraintxe bertan 2008an [krisi ekonomikoa lehertu zenean] baino kezkatuago nago".

[Albiste hau 17:20an eguneratu da]


Kanal honetatik interesatuko zaizu: Brexit
2023-03-01 | Leire Artola Arin
Londres eta Bruselaren arteko akordioa
Ipar Irlandako Parlamentua desblokeatuko al dute unionistek ia urtebeteren ondoren?

Ipar Irlandako Parlamentua blokeatuta dago maiatzetik, DUP unionisten alderdiaren protestagatik, ez baitago ados Brexitaren ostean Ipar Irlandan Europako Batasunak jarri dituen merkataritza kontrolekin, besteak beste. Erresuma Batuaren eta Europako Batasunaren hitzarmen berriak... [+]


2020-12-24 | ARGIA
Brexit-ari buruz akordioa sinatu dute Erresuma Batuak eta Europar Batasunak

Negoziaketa prozesu luzearen ondotik, Erresuma Batuak eta Europako Batasunak Brexit-aren gaineko akordioa lortu dute azken minutuan.


Brexita eta ardatz anglosaxoia

Europako Batasuna 1993an sortu zenetik kide berriak gehitu dira bata bestearen atzetik. Joan den ostiralera arte 28 estatuk osatu dute makro-egitura politiko eta ekonomiko hori. Izan ere, urtarrilaren 31 historiara pasako da, EBk izan duen lehen zatiketaren eguna izan delako... [+]


2020-02-04 | Euskal Irratiak
Brexita Ipar Irlandan

Otsailaren lehenean bereizi dira Erresuma Batua eta Europar Batasuna.


Erresuma Batuko hauteskundeak 2019
"Brexit" zaleak eta Eskoziako independentistak garaile Erresuma Batuko hauteskundeetan

Brexita gauzatzeko aukera eskura du Lehen Ministro eskuindar Boris Johnsonek, Alderdi Kontserbadoreak gehiengo absolutua lortu ostean. Alderdi Laboristak 85 urtean izan duen emaitzarik eskasena eskuratu du. Eskoziako Alderdi Nazionala da hirugarren indarra Erresuma Batuko... [+]


Eguneraketa berriak daude