Emakumeak borrokan

Korrika: hogei edizioetako kanten bilduma

  • 37 urte igaro dira AEKk lehenengo Korrika antolatu zuenetik. Lekukoak egindako ibilbideen, leloen, abestien eta omendutako pertsonen errepasoa egin dugu.

Ane Eslava Serrano @eslavaane
2017ko martxoaren 29a

1. Korrika (1980)

Oñatin (Gipuzkoa) hasi zen eta Bilbon amaitu. Lehen Korrikaren leloa Korrika Euskal Herria! izan zen. Xabier Peña idazle eta irakaslea izan zen omendua. Rikardo Arregik idatzi zuen lekukoaren mezua, baina ez zen helmugara iritsi.

Abestia (Xabier Amuriza):

2. Korrika (1982)

Iruñetik Donostiara artekoa izan zen eta AEK, euskararen alternatiba herritarra; Korrika, herriaren erantzuna euskararen alde izan zen aukeratutako leloa. Rikardo Arregi omendu zuten, aurreko edizioko akatsa konpontzeko.

Abestia (Akelarre):

3. Korrika (1983)

Baionan hasi eta Bilbon amaitu zen. Leloa Euskaraz eta kitto! izan zen eta Gabriel Aresti poetari eskaini zioten.

Abestia (Egan):

4. Korrika (1985)

Atharratzetik (Zuberoa) Iruñeraino joan zen Herri bat, hizkuntza bat leloa zabaltzen. Piarres Lafitte euskaltzaina izan zen omendua.

Abestia (Lontxo Aburuza):

5. Korrika (1987)

Hendaiatik (Lapurdi) Bilborainoko ibilbidea egin zuen, Euskara zeurea lelopean eta Balendin Enbeita bertsolari eta idazlea omendu zuten.

Abestia (Oskorri):

6. Korrika (1989)

Iruñea eta Donostia arteko ibilbidea egin zuen eta Euskara Korrika eta kitto izan zen aukeratutako leloa. Jose Migel Barandiaran antropologoa eta euskaltzalea omendu zuten.

Abestia - Gu AEK-koak gara (Xanti eta Maider):

7. Korrika (1991)

Korrika euskara, Euskaraz Euskal Herria leloarekin ibili zen Gasteizetik Baionaraino. Remigio Mendiburu Korrikaren lekukoaren sortzailea omendu zuten.

Abestia (Irigoien Anaiak eta Mikel Erramuspe):

8. Korrika (1993)

Iruñean abiatu eta Bilbora egin zuen bidea. Leloa Denok maite dugu gure herria euskaraz izan zen eta Martin Ugalde kazetari, historialari eta idazleari eskaini zioten.

Abestia - Aide Korrika (Tapia eta Leturia):

9. Korrika (1995)

Donibane Garazin hasi eta Gasteizen amaitu zen eta Jalgi hadi euskaraz leloa zabaldu zuen. Mikel Laboa izan zen urte hartako omendua.

Abestia - Bizi ganoraz (Maixa eta Ixiar, Alex Sardui eta Kepa Junkera):

10. Korrika (1997)

Hamargarren edizioan lehenengo Korrika gogora ekarri nahi izan zuten. Horretarako, ibilbide eta lelo berak aukeratu zituzten. Alegia, Oñatitik Bilborainoko bidea eta Euskal Herria korrika! leloa.

Abestia - Euskal Herria Korrika (Gozategi):

11. Korrika (1999)

Hamaikagarren Korrikak 1+1=hamaika. Zu eta ni euskaraz leloa izan zuen eta Iruñetik Donostiaraino joan zen. Hamaika omendu zituzten: Jose Angel Iribar, Joxe Ramon Etxebarria, Pedro Miguel Etxenike, Maitena Araguas, Argiñe Iturregi, Laudioko ikastolaren sortzaileak, Euskalerria Irratia, Etxepe enpresa, Arantza udalerria, Mendia optika eta Maiatz editoriala.

Abestia - 1 eta 1 (Joxe Ripiau):

12. Korrika (2001)

Mundu bat euskarara bildu lelopean Gasteizetik Baionara joan zen. Euskal Herriko Bertsozale Elkartea omendu zuten.

Abestia - Big Beñat (Fermin Muguruza):

13. Korrika (2003)

Maulen hasi eta Iruñean amaitu zen. AEKrekin herri bat geroa lantzen leloa aukeratu zuten eta Ez Dok Hamairu mugimendua omendu zuten. Korrika berezia izan zen, Euskaldunon Egunkariaren itxierak eragina izan zuelako eta Nafarroako Gobernuak Korrika Iruñean sartzea debekatu zuelako, nahiz eta azkenean debekua indargabetzea lortu zuten.

Abestia - Gero bat gaurdanik (Mikel Laboa eta Ruper Ordorika):

14. Korrika (2005)

Euskal Herria euskalduntzen, Ni ere bai! zioen leloak Orreagatik (Nafarroa) Bilborainoko bidea egin zuen. Euskalduntzeko hautua hartu zuten pertsonak omendu zituzten, baita Andolin Eguskitza euskaltzaina ere.

Abestia - Ni ere bai (Afrika Bibang):

15. Korrika (2007)

Hamabosgarren Korrikak Karrantzatik (Bizkaia) Iruñerainoko bidea egin zuen, Heldu hitzari!, Heldu lekukoari!, Heldu elkarlanari!, Heldu euskarari!, Heldu herriari! leloa zabalduz. Euskal emakumeak omendu zituzten, euskararen transmisioan egindako lanarengatik.

Abestia - Heldu (Niko Etxart eta El Drogas):

16. Korrika (2009)

Ongi etorri euskaraz bizi nahi dugunon herrira leloa izan zuen eta Tuteratik (Nafarroa) Gasteizeraino joan zen. Euskara ikasi eta transmititu duten horiei eskaini zieten ordura arteko Korrikarik luzeena izan zena.

Abestia - Ongi etorri lagun (Betagarri):

17. Korrika (2011)

Trebiñutik (Araba) Donostiaraino joan zen eta Maitatu, ikasi, ari… Euskalakari leloa zabaldu zuen. Euskaltzaindia izan zen omendua.

Abestia - Pausoz pauso euskalakari (Gose):

18. Korrika (2013)

Eman euskara elkarri lelopean Andoaindik (Gipuzkoa) Baionarainoko ibilbidea egin zuen eta euskara ikasten ari zirenei eskaini zieten.

Abestia - Bagoaz (Esne Beltza):

19. Korrika (2015)

2015eko Korrikak Urepelen (Nafarroa Beherea) izan zuen hasiera eta Bilbon amaiera. Euskahaldun izan zen leloa eta Durangoko Azoka omendua.

Abestia - Denok korrikara (Oskorri):

20. Korrika (2017)

Aurtengo korrika Otxandiotik Iruñeraino joango da, Bat(z)uk lelopean.

Abestia - Zirkorrika (Xabier Zabala eta Uxue Alberdi):

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Korrika  |  Euskara

Korrika kanaletik interesatuko zaizu...
2019-04-16 | dantzan.eus
O˝atiko dantzarien Korrika

Aurrena luzaidarrak eta ondoren oñatiarrak, korrika dantzan. Larunbat goizean igaro da korrika Oñatitik eta Oñatz dantza taldeko dantzariek dantzan eraman dute lekukoa. Oñatzeko bi kidek lekukoa hartu duten momentuan, dantza taldeko gainerako kideek ere aurrealdean sartu dira kaskainetekin.


2019-04-15 | Amaia Fernßndez
Klika! 21. Korrika 2019
MULTIMEDIA - ekitaldia

Hamaika egun eta 2.500 kilometro baino gehiago egin eta gero, 21. Korrika Gasteiza iritsi zen atzo. Milaka lagun elkartu ziren euskararen alde.


2019-04-15 | ARGIA
Kilka! sistema eragilean

Gasteizko Andra Maria Zuriaren plazan milaka lagunen aurrean Maialen Lujanbio bertsolariak irakurri du Korrikan eskuz esku pasatako mezua.


2019-04-15 | Hala Bedi
Argazki bilduma
Aro berri bati 'Klika' Gasteizen

11 egun, 2.500 kilometro baino gehiago eta Euskal Herriko ia bazter guztiak zeharkatu ostean, 21. Korrika Gasteiza iritsi da. Garesen hasi zen euskararen aldeko lasterketak Gasteizko kaleak bete ditu kolore anitzetako irudiak utziz. Andra Maria Zuriaren plazan, Maialen Lujanbio bertsolariak irakurri du sekretupean zaindutako mezua.


2019-04-10 | ARGIA
Villabonako alkateak herriko kaleetan Korrikaren propaganda debekatu duela salatu dute

Korrika Batzordetik herrian zehar Korrikako plastikoak eta kartelak jartzeko baimena eskatu zioten Udalari eta alkateak pertsonalki ezetz erantzun zuen. Hala salatu du Villabonako Euskal Herrian Euskarazek, Tolosaldeko Atarian.


2019-04-09 | Hala Bedi
Korrikaren Gasteizko amaiera festa aurkeztu dute

21. Korrika bere ekuatorera iritsi aurretik, antolatzaileek azken eguneko festa aurkeztu dute Gasteizen. Emakumeen presentzia nabarmendu eta Gasteizko herritarren inplikazioa azpimarratu dute.


2019-04-08 | ARGIA
JARRAIPENA | Milaka lagunek ospatu dute Korrikaren amaiera Gasteizen

Korrikaren 21. edizioa abiatu da jadanik Garestik, eta Gasteizen amaituko da hilaren 14an, 2.560 kilometroko ibilbidea osatu ostean. Hamar egunotan jarraipena egingo diogu webgunean.


2019-04-08 | ARGIA
Lizarrako Korrikara gerturatze bat emozioen begiradatik

Ikerlan honetan, Korrikak, Euskal Herri osoan zehar euskararen alde bi urtetik behin egiten den lasterketak, zonalde ez euskaldun batean sortu eta sortzen dituen emozioen inguruan hausnartu dute egileek. Horretarako, landa lanean bildutako informazioa hiru adierazletatik iragazi dute eta horren baitan analisia egin. Hiru adierazleak honako hauek izan dira: emozioak, lurraldetasuna, eta izaera bateratzailea.


Azkenak
EGILEA
Eguneraketa berriak daude