Konparazio gorrotagarriak
Konparazioak maiz dira gorrotagarriak baina, hala ere, gure adimena analogien zalea delako-edo, egin beharrekoak izaten ditugu. Non eta nola bizi garen ulertzeko, besterik ez bada.
Pablo González Yagüe / Pavel Rubtsov eta Evan Gerxkovitx kazetarien arteko konparazioak, gainera, estimulu gehituak eskainiko lituzke lehen begi-kolpean: lanbidea ez ezik bestelako hainbat tasun ere –adina, jatorria, mintzaira...– paretsukoak lituzkete. Eta gorabehera berberak kidetuko lituzke nabarmen: biak ala biak atxilo daude espioitzagatik; Pablo Polonian, Evan Errusian.
Baina kidetasun sendoa dirudien horretan bertan hasten da galtzen antzekotasuna. Hamahiru hilabete baino gehiago daramatza preso Polonian jada Pablok. Akusazioak liokeenez, eta omenka dakigunez, espioia izategatik; ez behintzat Polonian espioitza egiteagatik. Egia esatera, gizalegez kanpoko baldintzetan daraman behin-behineko atxiloaldi luzearen ondoren, oraingoz Pablok eta haren defentsak ez dakite zer leporatzen zaion... baldin eta bera izatea besterik egozten ez bazaio.
Pasa den astean Errusiako FSBak Jekaterinburgen atxilotu eta Moskuko epaileek behin-behinean espetxeratu duten Evan, "konplexu militar-industrialeko enpresa bati buruzko informazioa biltzen" aritzeagatik legoke atxilo, maiatzaren 29ra bitartean bederen. Mendebaldeko hedabideetan aditzera ematen denez, Wagner PMC antolakunde militar pribatuari buruzko informazio-bilketan arituko omen zen Gerxkovitx. Litekeena da. Baina San Petersburgon ez bezala, Wagner taldeak ez du Jekaterinburgen egitate ezagunik. Aldiz, errusiar defentsa-enpresa nagusienetako batzuk daude bertan aspalditik; eta Gary Powers-en U-2a ez zen kasualitatez hantxe erori 1960an.
Kasu bien arteko desparekotasuna, haatik, eskandalagarria bihurtzen da bakoitzari bere estatuak, inguruko lanbide-antolakundeek eta "iritzi publikoak" eman dieten babesa eta laguntza konparatzean. Pabloren alde, bere lagunek eta egotzi zaiona gezur hutsa dela deritzoten ezagunek atera dute hitza; eta atxiloaldia luzatu ahala, Eusko Legebiltzarra eta Jaurlaritza bezalako erakunde batzuk hasi dira haren giza-eskubideak errespeta daitezela eta gizalegezko epaiketa egin diezaiotela eskatzen. Bada zerbait. Espainiako aginte nagusiek, ordea, ez dute hatzik mugitu... Pabloren alde ez behintzat.
Evanen alde, bere egunkariak, eta inguruko guztiek ez ezik, Estatu Batuetako presidenteak berak ere atera du hitza jada, berehala aska dezaten eskatzeko. Beste hamaika joan-etorrirekin batera.
Benetan espioia izatearen edo ez izatearen artean ote dago koska?
Pablo Gonzalez Polonian atxilotu zuten 2022an espioitza leporatuta. 2024ko abuztuan aske utzi zuten baina ez zuten bere prozesua itxi. Orain, prozesua berriz ireki eta epaileek 2025eko udazkenean epaitu nahi dute Gonzalez.
Varsoviako Barrutiko Auzitegiak argudiatu du González jada ez dagoela Polonian, eta ezin dutela jakin noiz aterako den Errusiatik. Auzitegiak ez du kazetari nabarniztarraren aurkako bestelako prodezurarik abian jarriko.
Asiak jarraitzen du izaten kazetari gehien atxilo dituen kontinentea: 2024an atxilotutako kazetarien %30 baino gehiagorekin. Txina, Israel eta Myanmar izan ziren berriemaile gehien espetxeratu zituzten estatuak iaz. Osotara, 200 kazetari baino gehiago hil eta ehunka zauritu eta... [+]
"Sedizioa bultzatzen duelako" hartu du Al-Jazeeraren zabalpena eta lana "aldi baterako" debekatzeko erabakia Palestinako Aginte Nazionalak. PAN "Israelekin lerrokatu izana" deitoratu du komunikabideak, argi utzirik "mehatxuen eta intimidazioen... [+]
2023an ezagutu genuen Solway Investment Group multinazional suitzar-errusiarraren boterea noraino iristen den. Guatemalan duen Fenix meategiaren gehiegikeriak agerian uzten zituen ikerketa baten berri eman zigun Prensa Comunitariako kazetari batek, eta elkarrizketa hori [+]
Pablo Gonzalezek Errusian jarraitzen du, Poloniako Gobernuak pasaporteak konfiskatu zizkion kazetariari eta "Poloniako autoritateen esperoan" daude, Euskal Herrira bueltatzeko. Hala azaldu dio Gonzalo Boyé abokatuak Berriari.
Poloniako Fiskaltza Nazionaleko bozeramaileak adierazi du euskal kazetaria oraindik formalki akusatu ez badute ere, “legearen arabera auzi-ihesean akusatua” izan daitekeela. Gonzalez preso trukean sartzeko erabakia Washingtonetik etorri zen, baina Poloniako zerbitzu... [+]
Kazetariak adierazi du ez diotela argi azaldu zergatik espetxeratu zuten, eta espetxean zegoela “bere buruaz beste egitea” iradoki ziotela, Russia Today-n izandako elkarrizketa batean. Esan du laguntza “gutxien espero zen tokitik” etorri dela.
Osasun artak biltzen ari da Pablo Gonzalez Moskun une honetan. Joan den astean, Poloniako Radomgo segurtasun handiko espetxetik atera zen kazetaria bi urte eta bost hilabeteko preso egon ondoan. Poloniak leporatzen zion espioitza frogatu gabe libre atera da.
2022ko otsailaren 28an atxilotu ondoren, aske utzi dute bere aurkako frogarik eta bistako epaiketarik gabe. Bizkaiko kazetariaren talde juridikoak informatu du “preso dauden hainbat kazetari libre uzteko” Errusiak eta Poloniak adostu duten trukeagatik geratu dela... [+]
"Kereilatuei –Chorche Tricas eta Iker González kazetariak– egotzi eta iraingarritzat jotzen zaizkien artikuluak "adierazpen- eta informazio-askatasunaren barruan daude", eta Zaragoza en Común-eko zinegotzi Suso Domínguezen kasuan... [+]
Kazetarien Babeserako Batzordeak adierazi du 103 kazetari hil dituztela sionistek urriaren 7tik eta 150etik gora zenbatu ditu Gazako Osasun ministerioak. Txosten batek ohartarazi du kasu batzuetan nahita hil zituztela, kazetariak zirela jakinda.
Erruduntzat joko du bere burua Euskal Herrian gauerdia denean egingo den epaiketan. Erresuma Batuan espetxean egon den denborako –bost urte eta bi hilabete– espetxe zigorra ezarriko diote. Horrela, aske geratuko da.