Kataluniako aldebakarreko bidean ez duela sinesten adierazi du Urkulluk

  • Aldebakarreko bideetan ez duela sinesten erantzun du Iñigo Urkullu lehendakariak astearte goizean SER katean Kataluniari buruz galdetu diotenean.


2015eko azaroaren 04an - 12:08
Iñigo Urkullu SER katearen elkarrizketan. (Argazkia: SER).

“Egingo den edozein adierazpen, Estatuarekin negoziatuz eta elkarrizketatua izan behar da, elkarrizketak aldebikotasuna bilatu behar du”.

Urkulluren ustez Kataluniako gizartea argi mintzatu da “eta orain gobernua eratu behar da”. Argi hitz egin behar dela esan du lehendakariak “eguneroko bizitza dago, honek errealitatea islatzen du eta hau ez da gauetik egunera apurtzen”.

Esan duenez, Artur Mas saiatu da elkarrizketaren bidez akordioa lortzen Madrilekin, baina Kataluniaren kasuan “espainiar agintariek ez dute inongo inteligentziarik izan” hango egoera bideratzeko. Hala ere, azpimarratu du bera ez dela aldebakarreko erabakien aldekoa, hauek “ez baitira onuragarriak gizartearentzat” eta berak “aldebikotasunean oinarritutako ituna” defendatzen duela.

Mariano Rajoyk elkarrizketarako duen gaitasun eskasa kritikatu du. “Espainiak David Cameron moduko lehendakaria behar du, nazionalitate bateko lehendakari batekin akordiora iritsi daitekeena, kontsulta bideragarri egin, begirunez jokatu eta irtenbideak eskaintzeko”.

Atzo EH Bilduk aurkeztutako kontsulta legea dela eta, Urkulluren esanetan “Euskal Herrian ez da Kataluniako moduko egoerarik bizi”, eta EH Bilduren proposamena gehiago ulertu behar dela haien “barne egoera edo hauteskunde” klabean, "Legebiltzarreko Autogobernuko Lantaldetik kanpo aurkeztu baita”.


Kanal honetatik interesatuko zaizu: Katalunia independentziarantz
Junts-PSOE akordioa
Amnistia legea eta negoziazio mahai berria, legealdi akordioaren truke

Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.


'La Directa' babestu dute ARGIAk eta beste hainbat hedabidek: "Kazetaritza ez da terrorismoa"

La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]


La Directako kazetari bat ere "terrorismoagatik" inputatu dute Tsunami Demokratikoaren auzian

Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]


Puigdemont eta Rovira inputatu ditu Auzitegi Nazionalak Tsunami Demokratikoagatik

Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.


Jordien indultua egokia dela onartu dute eta Miquel Buch kontseilari ohia lau urtera zigortu

Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]


Eguneraketa berriak daude