Kanpora bueltan


2023ko azaroaren 17an - 12:39
Zarata mediatikoz beteriko garai nahasiotan, merkatu logiketatik urrun eta irakurleengandik gertu dagoen kazetaritza beharrezkoa dela uste baduzu, ARGIA bultzatzera animatu nahi zaitugu. Geroz eta gehiago gara, jarrai dezagun txikitik eragiten.

Kanpora sartzen

Txalo Produkzioak

Noiz: Azaroak 13, igandea

Non: Mutrikuko Zalerdi kultur etxean

--------------------------------------------------------

Oholtza gainean, oihal handi baten azpian egitura zurrun baten barroteak antzeman daitezke. Barruan dagoenaren arrastorik ez, ordea. Iluna da oihala; eta, ahula, berriz, argia. Forma geometriko definiturik ez duen arren, goialdean agerian uzten du kaiola moduko baten zantzua. Zer ote, ordea, barruan dagoen? Oholtzan azaldu, eta berehala hautsi du isiltasuna Xabin Fernandez Zubeldiak: “Zuekin guztiekin… giza inmunoeskasiaren birusa”. Eta hantxe azaldu da goitik behera gorriz jantzita kaiola gorriaren barruan gora eta behera Intza Alkainek hezurmamitzen duen BIRUSA.

Metaforarik ez, interpretaziorako apenas tarterik ez eta antzerkian ohikoak diren hitz joko eta ezkutuko esanahirik ezta ere. Zintzo eta ozen, lehen unetik hasi da biluzten ikuskizunaren protagonista: “Xabin Fernandez Zubeldia naiz. Abenduaren 24an jaioa. Ezkerra, homosexuala eta seropositiboa”.

2013ko martxoaren 11an jakin zuen Xabinek seropositiboa zela, telefonoz. Bertatik abiatu du kontakizuna. Antzezlana hamar urteotan Xabin torturatu duten pentsamenduen errepaso zintzoa eta dibertigarria da. Umorez harilkatu ditu bizipen gordinak Xabinek. GIBaren eta Xabinen inguruko elkarrizketak gidatzen du kontakizuna, kaiolatik sartu irtenean dabiltzan bitartean. Superazio istorioa da obra, absurdora eramandako errealitate lazgarria. Lotsa, errua, haserrea eta ezjakintasuna. Den denak pairatu ditu Xabinek azken hamarkadan, eta horien erakustaldia egiten dihardu orain oholtzan. Intza Alkainek gorpuzten duen zomorroak, gainera, kontrapuntua egiten dio Xabinen hizketaldiari.

Estigma eta isiltasun itogarria hausteko asmoz abiatu zuen Xabinek Kanpora sartzen antzezlana. Oso ariketa ausarta egin duela iruditzen zait. Haren esanetan, baita terapeutikoa ere. Taburik gabe hitz egiten du GIBari buruz, gaitzaren inguruko zenbait mito hautsi asmoz. Giza inmunoeskasiaren birusa du Xabinek, bai. Garaiz diagnostikatu zioten, ordea, eta ez du IHESa garatu, eta, egunero hartzen dituen pilulen ondorioz ezin du birusa transmititu. Horrelako zaplaztekoak eta beste zenbait jasotzen ditu ikusleak obrak aurrera egin ahala.

Zurrunbilo emozionalean korapilatuta, bere burutik kanpo sentitu da Xabin azken hamarkadan. Hala aitortu dio publikoari. Barrena askatu du obra honetan, eta kanpora sartzen ausartu da berriro. Ihes egin gabe, IHESik gabe, eta GIBarekin bakeak eginda. Bizitza hankazgoratu zion deitik hamar urteren ondoren, etxearen barnealdetik kalearen kanpoaldera bueltatu da Xabin Fernandez Zubeldia.

 


Kanal honetatik interesatuko zaizu: Antzerkia
Miren Gaztañaga
“Ez da erraza zineman eta antzerkian gauzak beste modu batean egitea. Baina saiatu gaitezke”

Askotariko lanak egin ditu Miren Gaztañagak antzerkian, zineman zein telebistan, baita dantza edo musikari lotutako proiektuetan ere. Txani Rodriguezen Los últimos románticos (Seix Barral, 2020) eleberrian oinarritutako pelikularen errodajea amaitu... [+]


Kike Diaz de Rada hil da, aktore, antzerki zuzendari eta idazle donostiarra

64 urterekin, Kike Diaz de Rada donostiarra hil da, Eneko Olasagasti lankideak asteazken arratsean sare sozialetan jakinarazi duenez. Ibilbide luzeko aktorea izan zen eta Tanttaka teatroaren eta Orain gipuzkoar antzerki taldearen sortzaileetako bat.


Zubiburu mahai ingurua. Daniel Landart eta Arantxa Hirigoen
“Antzerkia emana izateko da, gordetzeko baino”


2024-05-29 | Reyes Ilintxeta
Estefanía de Paz Asín
“Hildakoak erreskatatzera eta berpiztera etorri naizela sentitzen dut”

"Garai batean, nire herrian, kateme guztiek Remigia izena zuten, kateme belaunaldi oso bat, Iruñeko ikuspegi panoramiko ederrenak konkistatu zituztenak”. Horrela hasten da Remigia Etxarren funanbulistaren bizitza kontatzen duen Argako erregina antzezlana... [+]


‘Lurrez estali’, laborarien errealitatea oholtzara eramango duen Axut! kolektiboaren obra berria

Izurako Latsaga zalditokian egingo dituzte emanaldi guztiak, hamar saio, maiatzaren 31tik ekainaren 16a bitartean. Ximun Fuchsek idatzitako obrak "ikuspegi integratzaile eta kolaboratiboa" du oinarrian, landa eremuko lurraldearen lekukotasunak bildu eta "tokiko... [+]


Pastoral bat Iruñearendako

Herri-antzerki forma bat da pastorala. Sujet edo protagonista bat (hildakoa) hautatu eta bere bizia bertsotan ematen duena. Kantua ere presente dago emanaldian. Taula zuzendaria, taula gainean arituko diren arizaleak eta musikariak aritzen dira pastorala ematen den egunean... [+]


“Maite dut Iparraldean antzerkia egitea, uste baitut hemen kodeak ulertzen direla”

Azkainen aurkeztu du Ander Lipusek bere ibilbide artistikoaren inguruko gogoeta jaso duen liburua: Antzerkiaren labirintoan I. Bigarren partea ere badu liburuak, “antzerkilariei gehiago zuzendurikoa” dena bere esanetan, baina Azkaineko irakurle taldeak lehenbizikoa... [+]


2024-05-07 | Estitxu Eizagirre
Ziburuko Liburu eta Disko Azokak aurten Daniel Landart omenduko du

Ziburuko Baltsan elkartean aurkeztu dute antolatzaileek euskara hutseko liburu eta disko azokaren 5. edizioa. 41 argitaletxe izango dira bertan (inoizko gehienak), 120 metro erakusmahai beteko dituzte denen artean (inoizko gehienak) euskarazko irakurgai eta musikarekin eta... [+]


2024-05-02 | Ainize Madariaga
Maskaraden hegaletan

Lehentze franko ditu Pagolako maskaradak: lehentze da Pagola herriak maskaradak ematen dituela; lehentze ere da Kabana pertsonaia neska batek jokatzen duela; lehentze ere da maskaradako txirulariak oro neskak izan direla, Urdiñarbeko barrikaden denboran; lehentze da... [+]


Eguneraketa berriak daude