Bikoteak salatu du hegaldi batean hainbat mezu ingeles hutsez aurkitu dituztela eta beste zenbaitetan frantsesari garrantzi handiagoa eman diotela. Besteak beste, ondoko urraketak adierazi dituzte: segurtasun gerrikoan “jaso” hitza ingelesez baino ez zegoela idatzita; “irteera” hitza frantsesez txikiago jarrita zegoela; hegazkinera igotzeko oharra zehatzago eman zutela ingelesez. Bikoteak adierazi du Air Canadak sistematikoki hausten dituela frankofonoen hizkuntza eskubideak. Hegazkin konpainiak adierazi du bikoteak zorrotzegi interpretatu duela hizkuntza eskubideen araudia. Hala ere, seinaleak bi hizkuntzetan jartzeko ahalegina egingo duela esan du.

Epaileak ebatzi du hegazkin konpainiak Kanadako elebitasun legeak hautsi dituela eta derrigortuta dagoela bi hizkuntzek estatus bera izan dezaten bermatzen duten arauak errespetatzera.