Argazki bilduma

Kaiene: Otxarkoagari eta errefuxiatuei irekitako proiektua abian da

  • Turismo gidetan agertzen ez den Bilbo horretan proiektu berria jaio da: Kaiene. Erakunde publikoen zain egon gabe, Otxarkoaga langile auzoko hainbat talde eta lagun mugitzen hasi dira espazio komun bat eraikitzeko. Javier Seco proiektukideak azaldu dizkigu helburu nagusiak.

Axier Lopez @axierL
2018ko urtarrilaren 11

Auzotik auzoarentzat

Kaiene Otxarkoagan sortutako proiektua da. Hainbat talde eta lagun elkartu dira horretarako: familia elkartea, merkatariak, euskararen aldeko mugimendua, hainbat alderdi politiko, Elizatik gertu dauden talde batzuk, errefuxiatuen aldeko taldea eta abar. Bilboko auzoen artean Otxarkoaga da gabezi handiak dituenetako bat. “Behar handiak daude eta horiei erantzuteko asmoa du Kaienek”, dio Secok. Proiektu orokorraren barruan hainbat egiasmo dagoela azpimarratu du: ateneoa, eskola eta errefuxiatuentzako harrera-etxea, besteak beste. Baina, argi dio, ezeren aurretik, Kaiene izango da auzoak aukeratuko duena.

Auzoko bizilagun guztientzat irekia eta erabilgarri izango den topagunea sortu nahi dute, “pentsamendu kritikoa eta harreman horizontalak garatu, aktibismo soziala eta kulturgintza sustatzeko”. Baina horretaz gain, eta hau da proiektu honen berezitasuna, Euskal Herrian ugariak diren gaztetxe edo ateneoen funtzionamenduaz harago, Kaienek harrera etxea ere izan nahi du. Hau da, gatazka armatuetatik eta pobreziatik ihesi Bilbora heldu diren pertsonentzat harrera etxea eta aholkularitza gunea sortu nahi dute. “Bilbon geroz eta gehiago dira errefuxiatuak eta haien beharrak ere larriagoak dira eta horri konponbide praktikoa eman nahi diogu” dio Secok. Errefuxiatuekiko elkartasuna pausu bat harago eraman eta “erakunde publikoen inmobilismoa” gainditu nahi dute.

Igandean hasiera gazi-gozoa

Otxarkoagako eraikin egoki bat begiz jota zuten aspaldi: Enbeita plazan BBKren gizarte ekintzak azken bost urtez abandonatu duena. “Jabetza Bilboko Udalarena da, baina kudeaketa BBKrena da, eraikin hori soilik gizarte zerbitzuetarako erabil daiteke eta guk proiektu egokia dugunez espazio horretarako, Kaiene hor garatzea da gure helburua”. Gauzak horrela, igandean, eraikina okupatzen saiatu ziren, baina haien ezusterako hainbat zinpeko zaindari zen eraikinaren atarian. “Baliteke guk apur bat inozente jokatu izana honetan, eraikina okupatzeko asmoa publikoki gehiegi zabaldu izanagatik”. Eraikin hori ezingo zutela okupatu ikustean, premiazko bilera egin zuten eta erabaki zuten Lope de Vega eskola okupatzea. “Otxarkoagan leku asko daude abandonatuta, hutsik, eta beraz, iganderako antolatuta genuen jai-eguna egin ahal izateko beste leku batera joan ginen eta han burutu genuen egitaraua”.  Hainbat hitzaldi, umeentzako jolasak eta herri bazkaria antolatu zituzten. Kaieneren gogoa eta izaera erakusteaz gain, egun batez eskola okupatu izana Udalari eta BBKri presionatzeko era izan zela dio Kaieneko kideak.

Secok azpimarratu duenez, proiektua da Kaiene, ez dago espazio jakin bati lotuta, baina egitasmoak aurrera eroateko ezinbestekoa du eta argi dute instalaziorik egokienak BBK-k bost urtez hutsik duen eraikina dela. “Hasi beharko dugu BBK eta Udalarekin hitz egiten, auzoarentzako leku egokia da, aspaldi dago hutsik, badakigu haiek ez dutela espazio horretarako ezer pentsatuta eta guk, aldiz, auzoan babes maila handia duen proiektu egokia daukagu”. Horrelako proiektuentzat momentu zailak direla aitortu du Secok, Bilboko Udala Santutxuko Karmela gune autogestionatuko kideak kanporatzeko lanean ari delako. “Udalaren jarrera ikusita, ez da erraza izango, baina guk proiektua auzoari zabaltzen jarraituko dugu eta espazioa nola edo hala lortzeko lanean jarraituko dugu”.

Igandeko argazkiak, Ekaitz Zilarmendiren eskutik:

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Auzolana  |  Okupazioa  |  Errefuxiatu krisi globala  |  Bilbo

Auzolana kanaletik interesatuko zaizu...
2018-10-19 | I˝igo Igartua
Abaigarko euskal udalekuetako egoitza eraberritzeko abalisten bila ari dira

Proiektuko kideek bilera antolatu dute ostiral honetarako urriak 19, Hernaniko Biteri kultur etxean. Bertan, abalista berri posibleei eraberritze lanen inguruko informazioa eskainiko zaie.


2018-10-15 | Errigora | ARGIA
Errigorak 2013tik 2018ra 800.000 euro bideratu ditu Nafarroa hegoaldeko euskalgintzara

"Nafar hegoaldeko uzta euskarari puzka" kanpainaren bidez, Errigorak 2013tik 2018ra 800.000 euro bideratu ditu Nafarroa hegoaldeko euskalgintzara. Errigoraren sorreratik bost urte igarota, atzera begiratu nahi izan du diru horrek zertarako balio izan duen ikusteko. Bideo honetan jasotzen da ibilbidea:


2018-09-24 | ARGIA
Local people find new uses for a train station in Bilbao

Atxuri train station in Bilbao (Basque Country) will stop receiving trains in 2019. Local people have reflected on the new uses for the space in a participative process initiated by the Lokomotorak (Locomotive) project.


2018-08-01 | Topatu.eus
Argazki bilduma
Errekaleorreko makro auzolana iruditan

Auzolana ardatz hartuta, auzoa margotzeko erronka jarri zieten euren buruei Errekaleorren, bostgarren urteurrenaren atarian. Uztailaren 23tik abuztuaren 3ra luzatuko da hau eta, beraz, azkenengo txanpan murgildu dira jada. Gainera, auzotik kanpoko jendea ere hurbildu da egunotan, lo egiteko aukera zabaldu baitzuten.


2018-06-19
Labore Bilbok udako jaialdia antolatu du aste honetarako

Ia urte bat pasatu da Laborek ateak ireki zituenetik. Geroztik, auzolanean oinarritutako proiektu hau bazkideei esker egin du aurrera, produktuen prezio justua eta kalitatea bermatuz.

  

 


2018-06-14 | Erran .eus
Lekaroz, Elizondo eta Amaiurren errekak auzolanean garbitu dituzte herritarrek

Ekainaren 2an Lekaroz, Elizondo eta Amaiurren egin zuten garbiketa eta Oronozkoa gibeleratu egin zuten, errekaren maila altua ikusita.


"Eukaliptoaren aurkako brigadak" sortu dituzte Galizian

Verdegaia elkarteak hauspotuta eta boluntarioez osatuta, apirilaren 21ean “eukaliptoaren aurkako brigadak” martxan jarriko dira Galizian. Biodibertsitatea berreskuratzea eta gehiegizko eukalipto landaketei aurre egitea dute helburu.


2018-03-07 | ARGIA
Zubi bat sukaldera: Nafarroako hegoaldeko olioa eta kontserben kanpaina berriari ekin dio Errigorak

Martxoaren 6tik martxoaren 20ra arte iraungo du aurtengo Nafar hegoaldeko uzta eskutik eskura kanpainak. Lelo berriarekin dator: Zubi bat sukaldera, baina kanpainaren plantemendua betikoa izango da: oliba-olio birjina estra eta kontserba-sortak eskatu ahal izango dira euskaraz etiketatuta eta, auzolanari esker, ekoizlearen jatorrizko prezioan.


Auzolanaren kultura
MULTIMEDIA - erreportajea

Elkarri laguntzeko ohitura ezaguna da Euskal Herrian. Auzolanean hainbat lan egiten zuten, bereziki baserri eremuetan. Etxeetako ateak zabalik egoten ziren.


Garaipen historikoa

Borroka luzea da Bretainiako Notre Dame des Landes-eko aireportuaren aurkakoa. Ia 50 urtez aritu dira ingurune naturalaren suntsipena eta han bizi diren herritar eta nekazarien kanporatzea eragingo zituen proiektuaren kontra.


Azkenak
EGILEA
Eguneraketa berriak daude