Justiziak arrazoia langileei Thyssenkruppp enpresaren aurrean: joan-etorriak lan denbora dira

  • Espainiako Auzitegi Gorenak Thyssenkrupp Elevadores SL enpresako langileen helegitea onartu du. Lantokiaren udalerri berean lan egiten zuten langileen joan-etorriak ez zituen lan denbora bezala onartu nahi enpresak. LABek ebazpenaren garrantzia azpimarratu du.


2020ko uztailaren 23an - 14:11
Eibarren eta Donostian ditu lantokiak nazioarteko enpresak, besteak beste.

Gorenaren epaiak “sei urteko borrokari” amaiera ematen diola eta justizia egiten duela azaldu du LAB sindikatuak. Thyssenkruppek ez zituen onartzen igogailuen mantenuan lan egiten zuten bederatzi langileren joan-etorriak lan denbora bezala, argudiatuz lantokia zegoen udalerri berean lan egiten zutela. Besteak beste Donostian eta Eibarren ditu lantokiak Thyssenkruppek, eta Gipuzkoa osotik joaten ziren gainerako langileei bai onartzen zizkiela joan-etorriak lanaldiaren barneko bezala.

Enpresa batzordea osatzen duten sindikatuek helegitea aurkeztu zuten enpresaren erabakiaren aurka, eta berriki emandako epaiaren argitasuna azpimarratu du LABek: “Enpresako langile guztiei aitortzen zaie beren lanaldia hasten dela enpresaren ibilgailua martxan jartzen dutenean igogailua berrikusten den helbidera joateko. Eta ez bezeroaren igogailuan azterketa teknikoa hasten den unean”. Auzitegi Gorenaren arabera, “ez dago arrazoi objektibo eta proportzionaturik langileekiko tratu berezitua justifikatzeko”.

Aplikazioa Gipuzkoako metalgintzan

Ebazpena lan gatazka eta enpresa zehatz batetik harago doala iritzi dio LABek: “Joan-etorriak egiteko denbora arautzeko aukera ematen du, ez soilik igogailuak mantentzen dituzten enpresentzat, baita beste sektore batzuentzat ere”. Hori dela eta, Gipuzkoako metalgintzako hitzarmenaren plataforman aurkeztu du epaia, eta aurreratu du metalaren hitzarmenean aplikatzeko eskatuko diola ADEGIri.


Kanal honetatik interesatuko zaizu: Langile borroka
Lan mundua euskalduntzeko ere Herri Akordioa

Lan munduaren euskalduntzea euskararen normalizazio-prozesuaren erronka nagusietakoa dena diagnostiko partekatua da euskalgintzan eta eragile euskaltzaleon artean. Hamarkadatan belaunaldi berriak euskalduntzen egindako inbertsio guztia (hor ere egiteko asko geratzen dela ahaztu... [+]


2024-05-15 | Itxaro Borda
Maiatz ederrak

Maiatzean nahi dena egiten ahal dela dio frantsesezko erran zahar batek eta hala dela iruditzen zait. Egunak luzatzen dira, tenperatura hupatzen eta halako axola-gabezia aire zerbaitek inarrosten dizkigu buru zokoak. Egia aitortze aldera, nire garuna martxo bukaeran hasten da... [+]


Bilbobuseko greba bertan behera, langileek aurrekoardioari baiezkoa emateko zain

Bilbobusen greba mugagabea "bertan behera" geratu da momentuz, UGT, CCOO eta USO sindikatuek aurreakordioa itxi ostean Biobiderekin, Bilboko Udalak zerbitzu publikoa eskaintzeko azpikontrataturiko enpresa. Langileek ostegunean batzarrean erabaki beharko dute adosturiko... [+]


2024-05-14 | ARGIA
LABek salatu du Amazonek "errepresio sindikala" egiten duela

Amazonek Trapagaranen duen lan zentroan grebalarien kontra "jazarpen eta zigorrak" darabiltzala salatu du sindikatuak


2024-05-09
Siemens Gamesak "doikuntzak" iragarri ditu eta kezka areagotu da langileen artean

Energiaren sektoreari loturiko konpainiak bere zuzendari nagusia aldatu du, doikuntzak iragartzearekin batera. Euskal Herriko lantegietan ia 3.000 langile aritzen dira eta sindikatuak kezkatuta agertu dira, kaleratzeak ekar litzakeelako erabakiak.


Eguneraketa berriak daude