Joxemi Zumalabe fundazioak herri mugimenduen inguruko liburuxka berri bat argitaratuko du

  • Kaxilda liburudendan (Donostia) aurkeztuko dute liburua solasaldi eta guzti. Ekainaren 26an izango da, 19:00tan, eta liburuxka bertan eskuratzeko aukera ere izango da.

Iņaut Gonzalez de Matauko Rada @inautogdm
2019ko ekainaren 11
Aurkezpenaren kartela

Borroka moldeak eta kultura politikoa herri mugimenduetan du izena argitalpen berriak, eta gatazka sozialen inguruko hausnarketan sakontzeko aukera luzatzea du xede.

Borroka moldeak eta kultura politikoa herri mugimenduetan Joxemi Zumalabe fundazioaren herri mugimenduari buruzko bigarren liburuxka da, “2. Harria”. Liburuxka hau gizarteak analisirako izango duen tresna bat izatea nahi du fundazioak: “Liburuxka hau tresna moduan zabaltzea gustatuko litzaiguke. Alde batetik, gaur egun Euskal Herrian gatazkak non eta nola gauzatzen ari diren aztertzeko. Eta bestetik, eskala txikiagoan, gatazken aurrean gure mugimenduaren estrategian pausatzeko galderak egiteko”.

Elkarlana

Argiako kideok, Joxemi Zumalabe Fundazioarekin batera, bideo-elkarrizketa sorta bati ekin genion maiatzean. Herri mugimenduetan gertatzen diren aliantzen inguruko elkarrizketa hauen lehenengo alea Irunen egin genuen. Bertan Lakaxita gaztetxeko eta Irungo harrera sareko kideekin izan ginen solasean.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Joxemi Zumalabe Fundazioa  |  Herri mugimenduak

Joxemi Zumalabe Fundazioa kanaletik interesatuko zaizu...
Azkenak
EGILEA
Eguneraketa berriak daude