Joseba Sarrionandiak Etxepare Institutuaren irakurletza zuzenduko du Habanan
Etxeparek institutuak jakinarazi duenez azarotik aurrera Habanako Unibertsitatean zabalduko duen irakurletzan ariko da idazle iurretarra Euskara hizkuntzaren historia ikastaroa ematen.
Euskararen Institutuak Habanako unibertsitatearekin 2015ean egindako hitzarmenari esker Euskara eta Euskal Kultura irakurletza jaso ahal izango dute ikasleek Kuban. Programa akademikoa zuzentzen eta irakasten ariko da Joseba Sarrionandia, duela 30 urte Martuteneko kartzelatik ihes egin zuenetik erbestean bizi den eta literatura nahiz saiakeran ibilbide oparoa egin duen idazlea.
Sarrionandiak euskararen historia "lexiko-gramatikala eta soziala" landuko du ikastaroan, "Neolitikotik hasi eta gaur egun arte". Azaroaren 22an jarriko da irakurletza martxan eta Kubako euskal komunitateari eta oro har euskal kulturarekiko interesa duen orori zuzenduta dago.
Beste hainbat hitzaldi eta egitasmo ere badituzte esku artean. Asier Altunak Amama filma aurkeztuko du abenduan eta Mari Jose Olaregi euskal literaturaz jardungo da. Horrez gain, aldizkari bat argitaratu eta 2.000 aleko liburutegia osatzeko bidean dira.
Habanako unibertsitateko irakurletza "euskal kulturaren inguruko jarduera akademiko eta kulturalak antolatu ahal izateko egoitza finkoa" izatekoa bokazioz sortu dute.
Tokian tokiko dantza tradizionalekin hasi eta abangoardiako antzerki fisikoraino, euskal dantzek nortasun bereziko eskaintza zabala dute. Euskal dantzen ikuspegi orokor hori jaso du Oier Araolazak idatzi eta Etxepare Institutuak argitaratutako Euskal Dantza liburuxkak.
Etxepare Institutuko zuzendari berria da Irene Larraza tolosarra. Aurrez, sei urte eman ditu bertan, bestelako arduretan. Etxea ongi ezagutzen du. Miren Arzalluzek duela urtebete hasitako bidea jarraitzea egokitu zaio, baina nahi luke, lan horretan, bere eskua eta egiteko moduak... [+]
Etxeko pertsona bat aukeratu du Etxepare Institutuak zuzendari kargua utzi berri duen Miren Arzalluz ordezkatzeko: Irene Larraza izango da Etxepareko zuzendari berria, 2012tik institutuan lan egiten du eta ondo ezagutzen du erakundea.
Etxepare Institutua zuzendaririk gabe geratu da, duela urtebete kargua hartu zuen Miren Arzalluzek Parisko Moda Institutua zuzenduko duela iragarri ondoren.