2022ko maiatzaren 24a
Gertaerak 2018ko uztailekoak dira, Bartzelonan gertatu ziren, Espainiako Polizia batek kalean ezagutu, hurbildu eta Borrasi eraso egin zionean, besteak beste sudura apurtuz.
Eraso egiteaz gain, Espainiako poliziak salatu zuen orduan Borrasek egin ziola eraso berari. Orain, epaiketa egin aurreko azken “adiskidetze saioan”, poliziak salaketa hori erretiratu egin du eta onartu du berak egin ziola eraso Borrasi.
Azkenean, urtebeteko espetxe zigorra onartu du, saihesgarria izango dena poliziak giza eskubideen aldeko ikastaro bat egiten badu. Horrez gain, 7.000 euroko kalte-ordaina ordaindu beharko dio Borrasi. Epaiketara iritsi izan balira fiskaltzak bi urteko espetxe zigorra eskatzen zuen, eta gainera, bazterketa ideologikoaren larrigarria eskatuta.
Gertaera haiek zirela eta, Espainiako Poliziak espediente bat ireki zion poliziari, baina iragarri zuen ez zuela ezer erabakiko ebazpen judiziala izan arte. Orain, Vilaweb-ek galdetu dio poliziari ea espedientea zertan den, eta honek erantzun dio datozen egunetan erabakiko dutela zer egin.
Eskuin muturra ikertzen du Borrasek Katalunian eta medio askotarako argazkiak egiten ditu, besteak beste ARGIArako.
L’inspector de la Brigada d’Informació de la @policia ha acceptat que va ser una agressió per motius ideològics i ha retirat l’acusació contra mi. M’indemnitzarà amb 7000€, pagarà costes i accepta 1 any de presó. Victòria contra tot pronòstic!. GRÀCIES de tot cor pel suport!
— Jordi Borràs (@jordiborras) January 25, 2022
Azken hogei urteetan bikoiztu ditu botoak Fronte Nazionalak (2018az geroztik Batasun Nazionala deiturikoak): 5,5 milioi hautesletik 13,2 milioira pasa da –Frantziako lehendakaritzarako bigarren itzulian %41,4 egin du–. Elementu anitz kontuan hartu behar dira eskuin... [+]
Pasarte bezala ez du preziorik: Joseph Brodskyk esplikatzen du nola behin, 1977ko azaroan, Venezian zegoela, Susan Sontagek deitu zion, Ezra Pounden alargun Olga Rudgerekin afari bat zuela eta: “Ez dut bakarrik joan nahi, beldur naiz”. Txirrina jo zuten, eta, begi... [+]
Hamar urte daramatza Nantes Revoltéek informatzen, baina urtarrilean hedabidearen disoluzio prozedura abiatu du Frantziako Gobernuak. Nantes Revoltéek salatu du beren aurkako prozedurak hedabide independente oro eta informazio eskubidea mehatxatzen dituela.
