ARGIA.eus

2020ko maiatzaren 25a

Espainiako Polizia Nazional batek Kataluniako foto-kazetari bat jipoitu du

  • Sudurra puskatuta dauka eta hainbat kolpe ditu aurpegian Jordi Borràs El Mon egunkariko foto-kazetariak. Jordi Borràs ARGIAko kolaboratzailea da eta Kataluniako argazkiak berak ateratzen ditu.

Asier Gonzalez de San Pedro @asiertxiki98
2018ko uztailaren 17a
Jordi Borras eraso jasan eta gero (Argazkia:El Mon)

Erasoa Bartzelonako Capellans kalean gertatu da. Erasotzaileak Jordi Borrás identifikatu zuen eta beregana gerturatu zen “Viva España” eta “Viva Franco” oihukatuz. Gero aurpegian golpeak jo zizkion eta sudurra puskatu zion. Berehala, lekuko ziren bizilagunak erasotzailea gerarazten saiatu ziren, baina honek plaka bat ateraz erantzun zuen Espainiako Polizia Nazionala zela. El Paisek argitaratu duenez, Espainiako Polizia Nazionalak baieztatu du erasotzailea beren kidea dela.

Erasotzailea plaka erakusten ari zen unea.

Salatu dutenez, Borràs zorabiatuta gelditu zen baina ez zuen konortea galdu. Esquadra Mossoek ikerketa zabaldu dute gertatutakoa azaltzeko eta erasotzailearen bila ari dira lekukoen argazki eta bideoei esker. Gainera erasotzaileari ihes egiterakoan poltsikotik laban bat erori zitzaion.

Borràsek Kataluniako españolismoaren inguruko lanak egin izan ditu, Plus Ultra ezagunena. Bertan unionisten eta ultaeskuindarren arteko lotura egiten du argazkien bidez. Jordi Borràs ARGIAko kolaboratzailea da eta Kataluniako argazkiak berak ateratzen ditu.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Faxismoa  |  Espainiako Polizia  |  Bartzelona

Faxismoa kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude