Jauzien Eguna, Zuberoako jauzi zaharrak eta berriak Altzaiko plazan

  • Zuberoako hainbat belaunalditako dantzariak bilduko dira jauzien erakustaldia egiteko larunbat honetan, urriak 28, Altzaiko plazan. 120 dantzari, 12 herri, 20 musikari eta kantari, xirulari, ttun ttun eta arrabitari elkartuko dira 15:00etan hasiko den emanaldian.

Artikulu hau CC BY-SA 3.0 lizentziari esker ekarri dugu.

2023ko urriaren 27a - 08:25
Atharraztarrak jauzia dantzatzen, Musikaren eguna, Urdiñarbe, 2023ko maiatzaren 20an. (Argazkia: Dantzan.eus)
Zarata mediatikoz beteriko garai nahasiotan, merkatu logiketatik urrun eta irakurleengandik gertu dagoen kazetaritza beharrezkoa dela uste baduzu, ARGIA bultzatzera animatu nahi zaitugu. Geroz eta gehiago gara, jarrai dezagun txikitik eragiten.

Honakoak dira ekitaldian parte hartuko duten taldeak: Hebentik elkartea, Altzaiko herria eta altzaiarrak, Aitzindariak elkartea eta Berritza konpainia. Zuberoako jauziak, luzeak eta laburrak, zaharrak eta berriak aurkeztuko dira. Baita, branle-dantza kantatuak ere, horiek ere zaharrak zein berrituak.

Jauziak berpiztu nahian

Zuberoan egun zenbait jauzi dantzatzen dira; aitzina pika, zazpi jauziak edota moneinak ohikoak dira adibidez, baina beste hogeita piko daude eta horiek ez dira inoiz ematen. Batzuk galdu egin dira, baina berriak ere sortu dira. Asmoa da jauzi horiek guztiak plazan erakustea; hala azaldu du Mixel Etxekoparrek Xiberoko Botza irratian. Etxekoparrek, umetatik ikaragarri maite dituen dantza-jauziak sinple bezain konplikatuak direla dio eta dantza sistemaren aberastasuna azpimarratu nahi du. Zenbaitentzat oso ikusgarriak ez izan arren funtsezkoak direla dio, branleen edo soka-dantzen gisan, jauzien erabilera sozial eta politikoa ere aipatu ditu.

Zantxo Azkarra pastoraleko azken jauzia, 1963, Gotaine-Iribarne. Irudia: Jean Michel Guilcher

Hainbat faktorek ekarri duela jauzien galtzea uste du Etxekoparrek, eta horietako bat da maskaradetan zein pastoraletan dantzatzen diren eta Zuberoan guztiz errotuta dauden dantza eta puntu ikusgarriek itzal egin dietela bertako jauziei. Orduan, Altzaiko erakustaldiarekin bultzada bat eman nahi diete garai bateko jauzi haiek eta azken urteetan sortu dituzten berriak plazaratuta, “zaharrak badira, noizbait berriak izan dira”.

Alexis Picotchet eta Pierre Üthurry, Barkoxe, 1972. Irudia: Jean Michel Guilcher

Zuberoako hamabi herritako dantzariak izango dira Altzaiko plazan dantzan. Herri bakoitzak jauzi edo branle pare bat prestatu ditu. Kanaldudek grabatuko ditu dantzak eta gero asmoa da irudi horiek zabaltzea; lekukotasuna izateko eta dantzarientzako ikas tresna gisan erreferentziak eskura izateko.


Euskal dantza tradizionala kanaletik interesatuko zaizu...
Mutil-dantza baztertzailerik gabe, lehen aldiz Baztanen

Baztango herrietako festetan Mutil-dantza parekideak egitea “mugarri garrantzitsu bat gainditzea” dela adierazi du Plazara Dantzara taldeak. Hala ere, azpimarratu du dena ez dagoela “irabazita” eta oraindik “bide luzea” dutela egiteko.


2023-11-02 | dantzan.eus
Oldarraldiaren kontrako manifestaziorako soka-dantza tutoriala

Azaroaren 4ean euskalgintzak deitutako manifestazioa eginen da Bilbon, 17:00etatik aitzina, Oldarraldiaren aurrean, euskararekin bat, euskaraz bat lelopean. Manifestazio jendetsua izatea espero da eta bukaeran, bestelako esku-hartzeekin batera, soka-dantzan aritzera... [+]


2023-10-03 | dantzan.eus
50 talde batuko dira Donostian Euskal Herriko Dantzari Eguna ospatzeko

Urriaren 7an, Donostian, izango da Euskal Dantzarien Biltzarrak urriko lehen larunbatean antolatu ohi duen Euskal Herriko Dantzari Eguna. 50 dantza taldek hartuko dute parte eta bi donostiar omenduko dituzte: Gipuzkoako dantzen maisua izan den Juanma Oronoz eta EDBren logoa... [+]


Eguneraketa berriak daude