Jaurlaritzak Naparra auziari buruzko dokumentazio eguneratua eman dio sendiari, desagerpenetik 41 urtera

  • Jose Miguel Etxeberria Alvarez Naparra-ren desagerpenaren inguruko informazio eguneratuaz txostena osatu du EHUko Giza Eskubideen eta Botere Publikoen Unesco katedrak. Dokumentuaren funtsa ikerketa eragingarria bultatzea da, eta Eneko Etxeberria Alvarez Naparraren anaiak jaso du sendiaren izenean. Mont-de-Marsanen bigarren arakaketa egiteko pistak daudela adierazi dute eta baimen zain daude.


2021eko martxoaren 24an - 13:20
(Argazkia: Irekia)

Asteazkenean, Giza Eskubideen Bortxaketa Larrien Kasuen eta Egia Ezagutzeko Eskubidearen Nazioarteko Egunean, Eusko Jaurlaritzak Jose Miguel Etxeberria Alvarez Naparra-ren desagerpenari buruz duen dokumentazio guztia helarazi dio familiari. Donostian egin dute ekitaldia eta txostena Eneko Etxeberria Alvarezek jaso du, Naparra-ren anaiak. Presente egon dira dokumentuaren egile taldeko Bertha Gaztelumendi, txostenaren zuzendari Jon Mirena Landa eta Jaurlaritzako Giza Eskubide, Biktima eta Aniztasun zuzendari Monika Hernando.

EHUko Giza Eskubideen eta Botere Publikoen Unesco katedrak osatu du txostena, eta Naparra auzia argitzeko ikerketa eragingarria bultzatzea du xede. 1980ko ekainaren 11n desagertu zenetik, Espainiako Estatuak kasua argitzeko zein punturaino lan egin duen ikertu dute; ateratako ondorioek injustizia bat gertatu dela seinalatzen dute, ikertutakoaren arabera ez direlako eragingarriak izan kasua argitzeko egun arte egindako saiakerak, Giza Eskubideen Nazioarteko Zuzenbidetik behatuz gero.

Jose Miguel Etxeberriaren artxiboko argazkia, Dani Blancok koloreztatuta.

Jose Miguel Etxeberria Alvarez Naparra lehenik ETAko eta ostean Komando Autonomo Antikapitalistetako kide izan zen. 1978an Ipar Euskal Herrira erbesteratu eta desagertu egin zen duela 41 urte, 1980ko ekainaren 11n. Ordutik dihardute haren senideek gorpua aurkitzeko ahaleginetan.

1980an abiatu zen kasuaren bueltako ikerketa lehen aldiz, eta desagerpenaren atzean estatu terrorismoa zegoenik aintzat hartu gabe, artxibatu egin zen; EHUk osatutako txostenaren arduradunek adierazi dute aztarnak ez zirela behar bezala aztertu. Hamazazpi urteren buruan berriz ireki zen kasua familiaren ekimenez, kereila jarri baitzuen. Kasua auzitegietan egon zen bost urtez, baina epaileak eta fiskalak, jarrera proaktiboa edukitzetik urruti, oztopo izan zirela diote EHUko txostenaren egileek.

2017ra arte berriz pausatua egon zen kasua, eta orduko hartan Mont-de-Marsango basoan araketa abiaraztea lortu zuten senideek. Gorpua ez zen agertu, baina bigarren araketa bat justifikatuko luketen aztarnak egon badaude, nahiz eta gaur artean horretarako baimenik ez duten lortu. Txostengileek ikerketa hori egiteko eskatu dute, era proaktiboan.


Kanal honetatik interesatuko zaizu: Desagertuak
Fouz, García eta Quiroga, duela 50 urte Iparraldean desagertu ziren hiru galiziarrak

Ostiral honetan bete dira 50 urte José Humberto Fouz, Jorge Juan García eta Fernando Quiroga Donibane Lohizunen desagertu zirenetik. Irunen bizi ziren jatorri galiziarreko herritarrak ziren.


Oraindik desagertuak

Iñaki Egañak idatzi berri duen Objetos perdidos. Desapariciones forzadas en el contexto vasco (1956-2010) (Objektu galduak. Indarrezko desagerpenak euskal testuinguruan, 1956-2010) liburuan (Txalaparta, 2021) oinarrituta dago erreportaje hau. Makina bat aldiz hitz... [+]


Jon Alonso, "Naparra. Kasu irekia" liburuaren egilea
"Familia beti José Miguel bila, hori etengabeko tortura da"

Naparra. Kasu irekia (Elkar) liburua idatzi du Jon Alonsok (Iruñea, 1958) José Miguel Etxeberria Naparra-ren desagerketaren auzia ikertuz. 1980an desagertu zen iruindarra eta familiak oraindik bila jarraitzen du. Liburuak ez du kasua argitzeko aztarna berririk... [+]


'Naparra' berriz bilatuko du Espainiako Auzitegi Nazionalak

Joxe Migel Etxeberria 1980an ikusi zuten azken aldiz, Ziburun. Bahiketa Batallon Vasco Españolek aldarrikatu zuen. 2016an, Landetan egindako bilaketa lanek ez zuten emaitzarik eman. Asteartean prentsaurrekoa emango dute Donostian Iñigo... [+]


'Naparra' non dagoen zehazten duen idazkia eskatu du Espainiako Auzitegi Nazionalak

Mont de Marsanetik (Landak) gertuko harizti batean bilatu zituzten Jose Miguel Etxeberria Naparra-ren gorpuzkiak apirilaren 4an, baina ez zuten ezer aurkitu. Naparra han lurperatu zutela esan zuen estatu terrorismoari lotutako iturria bilatzeko agindua eman du orain Ismael... [+]


Eguneraketa berriak daude