Jakin-mina
Badira hogei urte irakasle naizela, eta Bigarren Hezkuntzatik gorako maila guztietan aritu naiz eskolak ematen; halaber, gaur da eguna argi ez dudana zein den irakaslearen betebeharra.
Hezkuntza arautuaren eskailera luzean, maila bakoitzak baditu berezko ezaugarriak. Hala nola DBHn lan ohitura egokiak eta garapen pertsonala garrantzi handikoak dira. Batxilergoan ditxosozko azterketa prestatu behar da. Unibertsitatean jakintza teknikoak eta arazoei aurre egiteko gaitasuna lantzen dira, azkenik, Lanbide Heziketan ikasleen autoestimua indartu beharrak eta lan munduratzeak lehen lerroa hartzen dute. Ifrentzuan, ikasketa prozesuan berebiziko garrantzia duen jakin-mina albo batera uzten dugu, areago, sistema arautuan aurrera egin ahala, umeen jakin-mina lurrunduz joaten da.
Paradoxa horri heldu nahian, Lanbide Heziketa metodologia aldaketa sakon batean murgildurik dago. Eginez ikasten denaren lelopean, ikasleak jarri nahi ditu ikasketa prozesuaren erdian; hots, ikaslea aktibatzea da xede nagusia, bide horretan ikasketa esanguratsua lor dezan.
Horretarako, hitz laburretan azaltzeko, irakasleak erronka motibagarri bat sortu behar du, zeharkako konpetentziak lantzeko dinamikak prestatu eta dinamizatu behar ditu. Lana ebaluatzeko, gaitasunak lortu direla frogatzen dituzten ebidentziak jaso eta erronkan zehar ikaslearen ibilbidea bideratu behar du. Sinistu iezadazue, lan handia.
Hezkuntza arautuaren bide berriak nora garamatzan ikusiko dugu etorkizunean, eta jakin-minari lekurik egingo bazaio, galderez inguratutako esparrua izan beharko da, lan munduko eskakizunei itsu-mutuan men egin gabe
Gazte denboran, behin eta berriz entzun nuen “El alumno aprende a pesar del profesor” [Ikasleak ikasi egiten du, irakaslea gorabehera] esaldia. Garai horretan, irakasle txarrak bere burua justifikatzeko erabiltzen zuen esaldia zela pentsatzen banuen ere, orain bestela pentsatzen dut; izan ere, jakin-mina duen ikasleak hala edo nola ikasiko duelakoan nago. Denborarekin xehetasunak lausotuko bazaizkio ere, kontzeptuak barneratuko ditu eta ideia nagusiei denboran eutsiko die. Aitzitik, jakin-minik ezean, ebaluazio sistemaren menpe geratuko da ikaslea, ikasturtean zehar landuriko ideiak lausotuko zaizkio, lan munduan txertatuko da, eta bertan ikasiko ditu aukeratu edo tokatu zaion lanaren nondik norakoak.
Nola barneratzen da jakin-minik ez duen pertsona erronkan? Eta jakin-minik ez badago zertarako hainbeste ahalegin ikasle eta irakaslearen aldetik? Finean, horren guztiaren emaitza: ikaslea urteak joan urteak etorri interesatzen ez zaizkion gaiak lantzen eta irakaslea etsita bere lanaren errendimendu exkaxagatik.
Ez al gara metodologia berrien mozorropean hezkuntza komunitatearen porrota ezkutatzen ari? Gure eskola eta irakasleak prest al daude jakin-mina sustatzeko? Zergatik galtzen dute ikasleek jakin-mina ikasketa prozesuan aurrera egin ahala, kontrakoa behar lukeenean?
Jakin-mina indartsua da eta gizakiok berezkoa dugula deritzot. Batzuetan lozorroan mantentzen da denbora luzez, baina ez da inoiz desagertzen. Badira gure hezkuntza sisteman eta egunerokotasunaren parte diren hainbat eta hainbat faktore, jakin-mina zimeltzen dutenak. Komunikabideek garrantzizkoa dena eta egia absolutua definitzen dituzte. Bizitza perfektu baten isla faltsuaren atzean gure autoestimua amiltzen duten sare sozialak daude. Gizarteak produktibitatearekin duen gehiegizko obsesioa. Onartuak izateko ahalegin nekaezinaren efektu homogeneizatzailea edo bizitzaren abiadan gauzak sakonean aztertzeko eta irakurtzeko hartzen ez dugun denbora.
Horrenbestez, hezkuntza arautuaren bide berriak nora garamatzan ikusiko dugu etorkizunean, eta jakin-minari lekurik egingo bazaio, galderez inguratutako esparrua izan beharko da, lan munduko eskakizunei itsu-mutuan men egin gabe. Areago, bizitza estiloan aldaketa txiki batzuek izugarrizko eragina izan dezaketela ikusita, irakasleok, bederen, saia gaitezen norabide horretan gure ekarpen txikia egiten.
Aitor Kortabarria, irakaslea
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Lau hilabete daramatzagu greba mugagabean, hitzarmen propio baten eta lan-baldintza duinen alde. Lau hilabeteko greba honetan, udaltzainek piketeetan bortizkeriaz zapaldu gaituzte, hirian jarraitzen gaituzten eta mobilizazio bakoitzean zelatatzen gaituzten polizia... [+]
Euskararen normalizazioaren motorrak herri dinamikara bueltatu behar du aurrera egin nahi badugu
Antropologo eta ingeniaria den Yayo Herrerok dioen bezala, datu bat da. Horren jatorria ulertzeko erraza den baieztapen xume batean laburbil daiteke: Lurra agortzen ari da.
Gaia konplexua da. Ikuspegi asko daude, interesak gurutzatzen dira, informazioa desinformazioarekin... [+]
Sasijakintsua, jakineza eta franco txikia: horiexek dira aurrekoan Gotzon Lobera jaunak, Bilboko kale batzuen izenak aldatzeko ekimenaren kariaz, Deia egunkarian zuzendu dizkidan epitetoak. Ez du nire izena aipatu, egia, baina neu izan naizenez urte eta erdi luzeko borrokan... [+]
Euskara badago Bilbon, baina non? Eta zertarako? Nork sortzen du euskarazko kultura, eta nork sostengatzen? Galdera horien aurrean, udalaren azken urteetako erabakiei begira, argiago ikusten da euskara eta kultura bizirik nahi ditugunontzat kezkagarriak diren erabakiak hartu... [+]
Hasieratik argi utzi nahiko nuke ez naizela inolaz ere feminismoan, sexu- eta genero-teorietan ezta LGTBIQ+ komunitatearekin lotutako gaietan aditua. Gizon txuri heterosexual bat naiz, ezkertiarra esan dezagun, bere burua feministatzat hartzen duena (edo feministen aliatua,... [+]
Goizaldeko lehenengo eguzki-izpiekin batera zabaldu ditu ateak Kirikiño Ikastolak. Zapatua da, auzolan eguna. Parte-hartze batzordeko arduradunak irrintzia egin eta lanera bideratu ditu bertaratu diren ehundik gora partaide: “Hemen erronkak denonak dira! Aurrera,... [+]
Amasa-Villabonako EH Bilduk argitaratutako idatziaren harira, hainbat adierazpen egin nahiko genituzke. Lehenik eta behin, argi utzi nahi dugu larrialdi klimatikoari aurre egitearen urgentzia ukaezina dela, eta horregatik, krisi honekiko dugun kezkagatik beragatik jartzen dugula... [+]
Milaka pertsonak modu aktiboan parte hartu dute, eta hala jarraitzen dute, XXI. mendeko holokausto telebisatu handienaren aurka protestatzeko, eta pertsona horiei errespetu eta miresmen handiena zor diet. Baina, gizateriaren zoritxarrerako, askoz gehiago dira, egoerarekin... [+]
Gizakia kosmosa da. Kosmosa, mundua ez da gizakiarena, askotan hala dela ematen badu ere.
Udako solstizioan, egunez eguzkiak itsutu egiten gaitu duen argiaren indarrarekin, baina gauak ederrak dira, zeruan izar dirdiratsuak kabitu ezinka ikusten ditugunean. San Juan suaren... [+]
"Saharar erradikalizatuek Estatu Islamikoaren burutza hartu dute Sahel-en". Izenburu asaldagarria, berriki argitaratua, baina hasierako asalduratik harago, testuaren irakurketa eta analisi sakonago bat eginda, honako ondorio hauek atera daitezke.
Kezka, ezinegona eta... [+]
Aurrean duzunak min ematen badizu, ez begiratu aurrera. Muturren aurrean duguna saihesteko logikoa dirudi, ezta? Zer ikusiko ote du gutako bakoitzak albo aldera so egiten duenean? Beharbada, miope batek betaurreko bila ikusten duen antzeko zerbait.
Miope bezain itsu,... [+]
Gu gara euskara. Euskara gure baitan bizi da. Guk biziarazten dugu. Euskara bizi dugu eta euskarak bizi gaitu. Guk elikatzen dugu eta gu elikatzen gaitu. Euskara gara. Euskara egiten dugunean euskarak egiten gaitu. Guk dugu, euskarak gaitu.
Euskararik gabe ez gara, eta hori... [+]
Barau kolektiboak beti erdaraz izaten ziren, baraualdi bat euskara hutsean antolatzen hasi ginen arte. Irakurketa dramatizatuak taldean, abestu, dantzatu, arnasketa kontzientea, masaje trukaketa, Bergarako igerilekura jaistea, kanten liburuxka... eta pilota partiduak.
Aurten,... [+]
Zenbat min jasan dezake bihotz batek?
Zenbat aztarna sentitu dezake azkenengo bihotz-taupadara arte?
Jaiotzen garenetik, min desberdinak sentitzen ditugu. Desilusioak eta arazoak, gero eta helduago garenean, orduan eta jasanezinagoak bihurtzen dira.
Jolasa bukatzea... [+]