"Itzalean geratu ohi diren" aniztasun funtzionaldun ikasleak erdigunera ekartzeko aprobetxatuko dute Korrika

  • Nafarroako D ereduko ikastetxeetako hainbat gela alternatibok –aniztasun funtzionala duten ikasleekin aritzen direnak– Korrikako lekukoa hartuko du astearte arratsalde honetan, gizarteko eta eskoletako aniztasuna aldarri. “Begirada aldatzean dago gakoa, askotan gu geu izaten baikara mugarik ez dagoen tokian mugak jartzen dituztenak”.


2022ko apirilaren 05an - 11:02

Gela alternatiboetatik karriketara egingo dute salto Berako Ricardo Baroja eta Toki Ona institutuak, Etxarri Aranatzeko Andra Mari ikastolak, eta Iruñeko Hegoalde ikastetxe publikoak, Iturrama institutuak eta Sarrigurengo institutuak, “azkenaldian hain burumakur dagoen gizarte honetan irribarreak ereiteko itxaropenarekin”.

Azantzan, 1291. kilometroan Korrikaren lekukoa hartuko dute astearte arratsaldeko 17:24 inguruan, eta sarri bigarren plano batean geratu ohi diren gazte hauei protagonismoa emango diete. “Nafarroako Hezkuntza departamentuak apustu handia egin du aniztasun funtzionala duten ikasleak bertze ikasle guztiekin batera euren herrietako ikastetxeetan egoteko, gela berriak irekiz eta inklusioa bultzatuz”, azpimarratu dute gela alternatiboetako profesional eta familiek.

Ikastetxea, gizartearen antzera, lorategi baten modukoa dela diote, “eta lorategi bat eder egiten duena bertan dauden landareak eta landare horien zaintza izan ohi da. Aurtengo Korrika, askotan itzalean geratzen diren landare horiek eguzkitara ateratzeko aprobetxatu nahi dugu. Modu honetan, eguzkiaren argiarekin eta inguruko guztien besarkada, txalo eta aipamen politekin euren hosto ximel guztiak lore koloretsuetan bilakatuko baitira!”.

Maiz, mugarik ez dagoen lekuan kontrakoa ikusten dugun arren, "guk ere korrika egiten dugu", aldarrikatu dute gela alternatiboek, "askotan tranpa txiki batekin bada ere".


Kanal honetatik interesatuko zaizu: Korrika
2024-03-25 | Leire Artola Arin
Burbuilaren ostean badago zer erein

Irundik Baionara, ezin ezkutatuzkoa izan da 23. Korrikak eragindako harrotasuna. ‘Herri Harro’ leloak zentzua hartu duela ikusi dugu lekuko hartzaileen aurpegietan, eta atzetik euskararen alde oihuka aritu diren korrikalariengan. Bakoitzak bere gorputzetik eta bere... [+]


Inoizko Korrikarik ikusiena izan da

1.700.000 ikustaldi izan ditu EiTBren emanaldiak –Hamaika TBrenak gehitu behar zaizkio–. Pozik agertu dira AEKko arduradunak: “Inoizko Korrikarik erraldoi eta anbiziotsuena lortu dugu, herria harro egoteko modukoa”.


Eguneraketa berriak daude