“Sorospen betebeharra” bete zuela ondorioztatu du Italiako Justiziak, eta Carola Rackete kapitainaren aurkako karguak bertan behera utzi ditu. 2019ko ekainaren amaieran, Lampedusan (Sizilia, Italia) porturatu zuen Sea Watch 3 ontzia 40 migratzailerekin, Italiako Poliziaren ezezkoari muzin eginda. Handik gutxira atxilotu egin zuten.
48 orduz egon zen Sea Watch 3 itsasontzia porturatzeko zain. Italiako uretan, baina porturatzeko baimenik gabe, itsasontziko egoera okertzen zihoan. Bi migratzaile ebakuatu egin behar izan zituzten gaixorik zeudelako, eta gainontzekoek uretara salto egingo zutela zioten, laguntzarik heldu ezean. “Carolak ez zuen beste aukerarik”, zioen Giorgia Linardi Sea Watch Italia GKEko bozeramaileak.
Kapitainari “legez kanpoko immigrazioa sustatzea" leporatu zioten. Legez kanpoko porturatzearen ondorioz "gerrako ontzien aurkako erresistentzia eta Poliziaren lantxen aurkako abordatze-saiakera" ere leporatu zizkioten, porturatzean talka egin baitzuen horietako batekin. Hau da, 5 eta 12 urte bitarteko kartzela-zigorra izan litekeena.
Handik hiru egunera, ordea, aske utzi zuten. Matteo Salvini, Italiako barne ministro ohiak, haserre erantzun zuen, eta kapitaina bere jaioterrira, Alemaniara itzultzeko egin beharreko guztiak egingo zituela adierazi zuen. Izan ere, Carola Rackete “segurtasun nazionalerako arrisku bat” bezala definitu zuen.
Zazpi hilabeteren ostean, aske
Otsailean izan du epaiketa kapitainak, eta epaileak delitu guztiak ezetsi ditu, itsasoko "sorospen betebeharra" nagusitzen dela argudiatuz. Kapitainaren jokaera justifikatu du epaileak, itsasoko bigilantzia lanetan dabiltzan horiek ere "sorospen betebeharra" lehenetsi behar dela dakitela argudiatuz.
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.
Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]