Isilpean, familia bat etxegabetu dute Anoetan
Maiatzetik kanporatua izateko arriskuan egon ondoren, atzorako zegoen jarrita kaleratzea. Mehatxu hori zela-eta, herritik alde egin behar izan du familiak, Tolosaldeko Etxebizitza Sindikatuak azaldu duenez.
aurre egingo dieten hedabide independenteak
Kaleratze-data zenbaitetan atzeratu eta gero, familia bat etxegabetu dute Anoetan (Gipuzkoa): etengabeko kanporatze-mehatxuaren ondorioz, herritik alde egin behar izan du azkenean. "Errentatzaileak bere irabaziak handitu nahi izateagatik", azken buruan, "isilpeko etxegabetze bat gauzatu" dela salatu du Tolosaldeko Etxebizitza Sindikatuak.
Polizia-indarrak maiatzaren 26an saiatu ziren, legez kontra, familia etxetik botatzen. Gero, ekainaren 12rako ezarri zuten kanporatze-data, baina epemuga hori behin-behinean atzeratzea lortu zutela jakinarazi zuten Etxebizitza Sindikatuko kideek. Horren ondoren, uztailaren 12rako, atzorako, egon da finkatuta etxegabetzearen data.
Negozioa
"Duela hiru urte, errentatzaileak 150 euro igo zigun alokairuaren prezioa; gure gain hartu ezin genuen igoera neurrigabe bat", esan du kaleratua izan den familiako kideetako batek, etxegabetzea nola gertatu den azaltzean: "Guk aurreko prezioa ordaindu arren, jabeak etxegabetzea martxan jarri zuen". Jabeak, gainera, 4.800 euro ordaintzea ere exijitu dio familiari, argudiatuta, orain arte, ez dituela nahi zituen irabazi guztiak lortu.
"Etxejabeek, langileen pobretzearen kontura, negozioa egiteko baliabide ugari dituzte. Horren adibide dira alokairuen prezio altuak edo prezioen igoerak, etxegabetzeak gauzatzeko dauden bitarteko judizialak, eta legearen marjinetatik kanpo erabiltzen dituzten baliabideak, inpunitate osoz", adierazi dute Etxebizitza Sindikatuko kideek.
Alternatiba bat izateko zailtasunak
Familiak seinalatu du, bestalde, zailtasunak izan dituela beste etxe bat bilatzeko eta bizitoki-alternatiba bat eskuratzeko. Anoetako Udalak ere ez dio inolako alternatiba errealik eskaini, jakinarazi dutenez. "Agerikoak dira instituzioek dituzten mugak etxegabetzeei eta etxebizitzaren arazoei erantzuteko. Instituzioek egin dezaketena, gehienez, miseria kudeatzera muga daiteke; bankuen, putre funtsen eta klase ertain errentatzailearen irabaziek bere horretan jarraitzen duten bitartean", azpimarratu du Etxebizitza Sindikatuak.
"Etxegabetzeen eta etxebizitza arazoen amaiera gizarte kapitalistaren amaierarekin etorriko da soilik", aldarrikatu du: "Zentzu horretan, arazo horiei aurre egiteko deia luzatzen dugu, etxegabetzeei aurre eginez, arazo sozialei kolektiboki aurre egiteko lan sindikala indartuz, edota langilegoaren bizi-baldintzen alde eginez eta horien hobekuntza exijituz". Etxegabetze guztien aurka, zehazki, kalitatezko etxebizitza, doakoa eta unibertsala aldarrikatu du Etxebizitza Sindikatuak.
Kontzientzia-eragozpena aurkezteko aukera legala daukate poliziek, eta horretarako babes "sindikala" duten arren, bakar batek ere ez du eskubide hori baliatu hamarkada batean baino gehiagoan.
AZET Etxebizitza Sindikatuak salatu du Poliziak 8:00etatik hartu duela etxegabetu duten etxeko ataria. Auzokide ugari gerturatu badira ere etxegabetzea gelditzen saiatzera, Polizia etxebizitzara sartu da eta balkoira kateatu diren bi auzokideak askatu ditu. 9:30ak aldera heldu... [+]
Trintxerpeko (Gipuzkoa) Herrera kaleko 'Escalerillas' eraikinean 60 urte baino gehiago bizitzen daramaten bost familia etxegabetu nahi dituzte Pasaiako Portuko Agintaritzak eta Euskal Trenbide Sareak, merkantziak portutik mugitzeko trenbide bat eraikitzeko. Astelehenean... [+]
Goizean goiz bildu dira ostiralean (ekainak 27) AZET Etxebizitza Sindikatuko kideak eta Alde Zaharreko auzokideak etxegabetzearen aurrean deitutako auzo erantzunera. Bi ordu baino gutxiagoan adin txikiko seme-alabak dituen familia bat etxegabetu dute Bidebarrieta kalean... [+]
Ostiral arratsaldean (ekainak 27) egindako agerraldian, Etxebizitza sindikatuak elkartasuna adierazi die etxegabetuko dituzten zortzi errefuxiatu familiei, tartean adin txikikoak daude, eta haien egoera salatu du.
Duela urtebetetik duen aldi baterako harrera proiektua eten diote familia bati, eta bestea joan den astean etxegabetu zuten, inolako jakinarazpenik jaso gabe. Auzoan Bizi etxebizitza sareak agerraldia egin du ostegunean Txagoko Komunitate Sarearekin eta Federico Baraibar... [+]
Ostiral goizaldean emakume bat eta bere semea etxegabetu dituzte Iruñeko Alde Zaharreko Jarauta kaleko 82. zenbakian. Espainiako Poliziaren laguntzarekin, epaitegiko segizio judiziala etxebizitzan sartu eta eta bizilagunak kanporatu dituzte.
Desokupacyl desokupazio taldeak bideo bat argitaratu zuen atzo sare sozialetan, Luis Nuñez Mané burua eta beste hiru kide Donostian zeudela esanez. Bideoa, Kontxan grabatuta dago, eta “okupatutako” etxeak erostera bultzatzen du bertan Manék:... [+]
Iruñeko Alde Zaharrean, San Lorenzo kalean, pasa den astean bertan behera utzi zuen etxegabetzea Espainiako Poliziak, hura galaraztera bertaratu baitziren ehun bat herritar. Asteazken honetan, lehen orduan, Polizia eta Iruñeko Udaleko gizarte zerbitzuak heldu dira... [+]
Poliziak kalea moztu du goizean, eta lagun ugari gerturatu dira Bilboko Zurbaranbarri auzora etxea defendatzera. Indarrez sartu da Ertzaintza, eta azkenean gauzatu dute etxegabetzea. Mobilizazioa deitu dute 19:00etarako.
San Lorenzo kalean 57 urteko emakume bat –Ana Belen– etxegabetzeko agindua zegoen asteazken goizerako. Hori eragozteko, etxearen atarian 07:30etik aurrera bilkura deituta zuen Iruñerriko Etxebizitza Sindikatu Sozialistak. Azkenean ez da etxegabetzea gauzatu.
10:00etan etxegabetzea gauzatzeko agindua zuen Poliziak, baina lehenago bertaratu dira sei patruila emakumearen etxera eta inguruko kale guztiak moztu dituzte. Haritu Elkarlaguntzako Sareak eginiko deiari erantzunez, dozenaka lagun elkartu dira etxearen aurrean etxegabetzea... [+]
Maiatzak 8an abiatu eta ekainaren 3ra arte luzatuko da epaiketa. Guztira 35 espetxe urteko eta 200.000 euroko zigorra eskatu ditu fiskalak auzipetuentzako.
Ez da gauza berria politikari profesionalak gizarteko arazoak estaltzeko ahaleginetan ibiltzea. Azkenaldian Denis Itxaso -EAEko Etxebizitza sailburua- entzun dugu etxegabetzeei garrantzia kenduz eta aditzera emanez gurean bazterreko fenomenoa direla; eta Begoña Alfaro... [+]
Azora putre funts alokairua igo eta mantentze lanak alde batera utzi ditu, Isaac Lagos eta bere familia etxebizitza uztera behartuz. Kaleratzearen aldeko epai bat jaso berri du maizterrak.
