Iruñerriko herri harresia irudikatuko dute larunbatean
Larunbatean herri harresia lehen aldiz irudikatzeko deia egin dute militantzia politikoagatik espetxeratuak izateko arriskuan dauden Iruñerriko bost gazteek. Iruñeko Gaztelu enparantzan egingo den ekimenean “gizarte guztiaren inplikazioa eta parte-hartzea” ezinbestekoa dela aldarrikatu dute. Antolatzaileen arabera, ekimenak eguerdira arte iraungo du.
Segi eta Ekineko kide izatea egotzita, 6 urteko kartzela zigorra ezarri zien Espainiako Auzitegi Nazionalak. Datorren uztailaren 3an, Espainiako Auzitegi Gorenak ebazpena aztertuko du eta kondena berretsi edo gazteak absolbitu ditzake. Aritz Azkona, Maider Caminos, Luis Goñi eta Xabier Sagardoik prentsaurrekoan parte hartu zuten; Mikel Jimenez aldiz, espetxean dago jada, behin-behineko askatasuna ukatu baitiote.
Prentsaurrekoan azaldu dutenez, ez daude atxiloketa gehiago onartzeko prest: “Absoluzioa da konponbide politikoari ekarpen positiboa egingo dion ebazpen bakarra. Ez dugu bestelako epairik onartuko”.
Babesa adierazi dieten eragileen jarrera txalotu dute auziperatuek, baita “hatz bakar bat mugitu ez dutenak” gaitzetsi ere. “Interes partidista eta ekonomikoetatik at jokatzeko unea da. Herri baten etorkizuna dago jokoan”.
Auziaren zain dauden gazteek hiru urte eta erdiko badaezpadako kartzela zigorra betea dutenez, atxilotzen badituzte sei urteak osatzeko falta zaien zatia igaro beharko dute espetxean. Jaione Karrera abokatuaren hitzetan, inkomunikazio garaian egindako aitorpenetan eta etxeetan aurkitutako “pegatina eta antzekoetan” oinarritzen da Espainiako Auzitegi Nazionalaren epaia. Luis Goñi eta Xabier Sagarduik inkomunikazio garaian torturatu egin zituztela salatu dute.
Ateak Ireki-k prentsaurrekoaren bideoa zabaldu du:
"Kartzelak husteko garaia" zela argudiatuta, Urtza Alkorta ondarrutarraren atxiloketa saihesteko zubi harresia eraiki zen Ondarroan 2013ko maiatzaren 10ean. Lau egunetan, Ondarroatik egindako aldarriak Euskal Herriko mugak gainditu zituen.
Igandean, apirilak 7, espetxetik irten da Ekaitz Ezkerra preso politiko donostiarra, sei urteko espetxe zigorra bete ostean. 2013ko apirilaren 30ean atxilotu zuten Ezkerra, Donostiako Askegunean, Segiko kide izatea leporatuta. Orduan atxilotu eta espetxeratutakoetatik Ezkerra... [+]
They were arrested in 2015 after being accused by the Ertzaintza (Basque police) of being members of pro-independence organization Segi. The Spanish Constitutional Court has now declared the order for arrest and imprisonment invalid and “against the law and rights”.
2015ean atxilotu zituen Ertzaintzak Segikoak izatea leporatuta Espainiako Auzitegi Nazionalak epaitutako zazpi lagun, horietatik hiru Gasteizen egindako “herri harresian”. Defentsak Auzitegi Gorenean jarrita zuen helegitea aintzat hartu eta gazteak kartzelaratzeko... [+]