Emakumeak borrokan

Iruņeko Volkswageneko "ustelkeria" eta "gardentasun eza" salatu dituzte

  • LAB, CGT eta ELAk salatu dute Iruñeko Volkswagenek (VW) eta UGT, CCOO eta sindikatuek sinatu berri duen enplegu akordioa “ustela” eta “gardentasunik gabekoa” dela.

Lukas Barandiaran San Roman
2017ko maiatzaren 16a
LAB, CGT eta ELAk egindako prentsaurrekoa. (Arg.: Ahotsa)

Juantxo Merino (LAB), Patxi Sanz (CGT) eta Igor Peñalverrek (ELA) enplegu akordioaren balorazio kritikoa egin dute prentsaurrekoan. Salatu dute akordioa VWen dagoen ustelkeria ezkutatzeko saiakera dela, iraganeko diskriminazioa justifikatzen duela eta etorkizunean justifikatzen jarraitzeko erabiliko dutela.

Salatu dute kontratazio prozesua diskriminatzailea eta iluna izango dela, ez baitira ezagutuko haren xehetasunak. Gainera, enpresa batzordeak ez du edukiko prozesu horren gaineko inongo ahalmenik.

2016ko urrian enplegu akordio baten xehetasunak adostu zituzten sindikatu guztien artean, baina salatu dute UGT, CCOO eta CGCk akordio hori hautsi dutela. Adostutakoaren arabera, enplegu akordioak behar luke: “Publikoa, egiaztagarria, gardena, langile guztien ezagutzakoa, Europako arauetan eta indarrean dauden legeetan oinarritua eta enpresa batzordeak kontrolatutakoa”.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Enplegua  |  Iruņea

Enplegua kanaletik interesatuko zaizu...
Azkenak
EGILEA
Eguneraketa berriak daude