Iruñeko hilketa matxista salatzeko elkarretaratze jendetsuak egin dituzte
51 urteko gizonezko bat epailearen aurretik igaroko da astelehen honetan, 47 urteko emakume bat labankadaz hiltzea egotzita. Larunbatean izan zen hilketa, Iruñeko Anayak tabernan; bertako bazkide eta bikote ziren gizona eta emakumea. Astelehen arratsaldean beste hilketa bat oroitzeko elkartuko dira Iruñean: 15 urte beteko dira sanferminetan Diego Yllanesek Nagore Laffage hil zuenetik.
2023an lau emakume hil dituzte Euskal Herrian genero indarkeriari lotuta. 2003an zenbaketa egiten hasi zirenetik, 121 emakumezko. Azkena larunbatean izan zen, Iruñeko Ermitagaña auzoko Anayak tabernan. 51 urteko gizon batek bere burua entregatu zuen udaltzaingoan, eta aitortu zuen eztabaida baten ostean bere bikotekide eta tabernako bazkide zen 47 urteko emakumea hil zuela, labankadaz. Andrearen gorpuak arma zuriaren zauriak zituen. Astelehenean deklaratuko du gizonak Iruñeko Instrukziozko 3. Epaitegian, baina aurreratu dute hilketa matxista leporatzen diotela. Sekretupean dago sumarioa.
Elkarretaratze jendetsuak egin dituzte hilketa matxista gaitzesteko. Astelehenean minutu bateko isilunea egin dute Nafarroako Parlamentuan, 12:00etan. Emakumeen Mundu Martxak deituta, igande arratsaldean Iruñeko udaletxe aurrean ehunka lagun bildu ziren hilketa salatzeko, “Emakumeon kontrako indarkeriarik ez” lelopean, eta “nazkatuta” daudela errepikatu zuten. 47 urteko andrearen familiari elkartasuna adierazi zioten, tartean hildakoaren lau seme-alabei. “Indarkeriarik gabeko bizitzak aldarrikatzen ditugu, bizitza duinak. Sistema hau iraultzeko borrokan jarraituko dugu, feminismoak sistema patriarkala suntsitzen duen arte”, azpimarratu du Emakumeen Mundu Martxak. Larunbat iluntzean, berriz, Itaia Iruñerriak antolatu zuen elkarretaratzea, hilketa gaitzesteko.
Igande goizean instituzioek deituta egin zuten elkarretaratzea, eta Iruñeko Udalak eta Nafarroako Gobernuak indarkeria matxista salatu zuten. Erakundeek jakinarazi dute emakumeen aurkako indarkeria gelditzeko lanean jarraituko dutela.
Nagore Laffageren hilketatik 15 urte
Beste hilketa matxista batengatik elkarretaratzea egingo dute astelehenean, 19:00etan Iruñeko Vinculo Plazan.Astelehen Lilak elkarteak deitu du, eta “Beragatik, denentzat, justizia eta ordaina. Haien ahotsak gara. Beste bat ere ez!” lelopean Nagore Laffage oroitzeko elkartuko dira. Uztailaren 7an 15 urte beteko dira Jose Diego Yllanesek 20 urteko emakumea hil zuenetik.
Orduan Yllanesek 27 urte zituen, eta mediku psikiatra zen. 2008ko sanferminetan Iruñeko Iturrama auzoko etxebizitza batean hil zuen Laffage, gizonarekin sexu-harremanak izateari uko egin ostean. Egun berean atxilotu zuten gizona, eta onartu zuen berak hil zuela. 12 urte eta erdiko espetxe-zigorra ezarri zioten; 2018an baldintzapean aske geratu zen, arlo pribatuan lan egiteko baimenarekin, Eitbk gogorarazi duenez. 2020tik aske dago baldintzarik gabe.
Bilboko Konpartsek elkarretaratze jendetsua egin dute Arriaga Antzokiren aurrean azken egunetako eraso sexisten aurka egiteko. Konpartsek adierazi duten arabera, erasoak kopuruz eta intentsitatez handitu dira. Aste Nagusiaz gozatzera gonbidatu dituzte herritarrak, eta... [+]
AEBko Zientzia Fundazioaren Antartikako Programak (USAP) jakitera eman duenez, Antartikako ikerketa-baseetan 2022-2024an egin duten galdeketan, parte-hartzaileen % 41k adierazi du sexu-erasoa edo sexu-jazarpena jasan duela.
85 urteko gizonak bere emaztea hil zuen uztailean, eta Poliziaren ikerketaren ondoren behin-behineko espetxealdian zegoen. Orain, Nafarroako Auzitegiko Bigarren Atalak esan du gizonak "ageriko narriadura kognitiboa" daukala eta "zaurgarria" dela.
Bilboko Aste Nagusian hainbat pertsona atxilotu ditu Poliziak eraso sexistak leporatuta. Egoera horren aurrean, Juan Mari Aburto Bilboko alkateak esan du Polizia "eraginkorra" dela eta Bilbon "inoiz baino polizia gehiago dagoela".
Getariako txosnagunean eta Aian egin dute elkarretaratze isila. Jai batzordeak txosnak itxi zituen.
Mugimendu Feministak azaldu duenez, Fermin Muguruzaren kontzertuaren aurretik gertatu ziren erasoak. Horiez gain, beste hiru eraso zenbatu dituzte: hiru gizonak atxilotu ditu poliziak.
Abuztuaren 29ko gaueko egitaraua bertan behera utzi dute, iazko jaietan gau horretan izan baitziren indarkeria kasuak: sumisio kimiko bidezko sexu erasoak eta borrokak "nabarmen" areagotu zirela azaldu du Amets Jauregizar herriko alkateak. Abuztuaren 28tik 31ra bitarte... [+]
Emakumea hilda aurkitu dute bere etxean. Senarrak, 85 urteko gizonak, emakumearen heriotzaren berri eman du, Polizia bertaratu denean diskurtso inkoherentea zuela ohartu eta atxilotu egin dute.
2011tik 2021era bitarte egin zituen erasoak, klaseak eman bitartean. Gipuzkoako Lurralde Auzitegiak sexu abusuen delitu bakoitzeko lau urte eta hilabete bat eta hamabi urte bitarteko kartzela zigorra ezarri dio. Horrez gain, 40 urteko gizonak adin txikiko bakoitzari 3.000 eta... [+]
Getxoko 3. Instrukzio Epaitegiak atxilotze-agindua eman du 2023ko urrian Algortan jazotako talde sexu-eraso batean ustez parte hartu zuen egileetako baten aurka. Kasua sexu-eraso larri gisa sailkatu du magistratuak eta poliziari eskatu dio, gaztea aurkitzen dutenean, epaitegira... [+]
Berriz gertatu da. Bartzelonako Unibertsitateko ikerlari batzuek (emakumeak) salatu dituzte beren nagusiarengandik (gizona) jasandako sexu erasoak eta nagusikeria edo botere-gehiegikeria. Eta berriz ere, ospe handiko gizonaren aldeko adierazpena bultzatu dute, baita... [+]
Urte luzeak daramatza Laura Macayak indarkeria jasan duten emakumeei lagun egiten, arlo instituzionalean, militantzian, bai eta beste justizia-eredu batzuetatik abiatuta ere. Horri guztiari buruzko liburu bat kaleratu berri du: Gatazka eta abusua ez dira gauza bera (Katakrak,... [+]
Gutxienez hamahiru sexu eraso salatu dituzte hainbat emakumek, horietatik bi "intentsitate handikoak", eta besteak "arinagoak". Mugimendu Feministak gogorarazi du salatutakoez gain "sexu eraso gehiago" egon daitezkeela, eta lanean jarraituko duela... [+]
Mugimendu Feministak deituta, ehunka herritar, ordezkari politiko eta jaietako talde bildu dira uztailaren 13an Iruñeko Gaztelu Plazan. Intentsitate handiko eraso baten eta intentsitate txikiko beste hainbat erasoren testuinguruan egin dute elkarretaratzea. Eraso sexistarik... [+]
Instagrameko @denuncias_euskalherria kontuak publikatu ditu hainbat salatzaileren mezuak. Horietan salatu dute bi talde horien baxu jotzaileak haren bikotekide ohiak fisikoki eta psikologikoki eraso izana