Iraultza Txikien Akanpadaren bigarren edizioa egingo dute abuztu amaieran, Artean
Abuztuaren 25 eta 29 arteko datak gordetzera deitu dute antolatzaileek. “Piztuko dugu sua?”, luzatzen du gonbita sareetan mugitzen hasi diren kartelak.
Artean (Bizkaia) egingo da Iraultza Txikien Akanpadaren (ITA) bigarren edizioa. Sareetan aste honetan mugitzen hasi den kartelak iragarri du. Momentuz antolatzaileek ez dute ekimenaren inguruko informazio gehiagorik jakinarazi, baina aurreko edizioaren ildoa jarraituz, kanpaldia “herri mugimenduen topaleku” eta “borroken konbergentziarako” espazioa izatea nahi dute. Data gordetzeko eskatu diete herritarrei, eta bereziki herri mugimenduetako kideei.
Lehen edizioa, Zubietan
ITAren bigarren edizioa izango da aurtengoa. Lehenbizikoa 2018an egin zen, Gipuzkoako Zubietan. Irailaren 21 eta 23 artean hitzaldiz, topaketez, tailerrez edo kultur emanaldiz betetako egitarauaz gozatu zuten ehunka lagunek, gogoeta, saretzea eta ekintza helburu. Hiru egunez Ongi Bizitzea eta bizitza burujabetza praktikan jartzeko saiakerari erraustegira egindako martxa desobedientearekin jarri zitzaion amaiera, eta Ertzaintza manifestarien aurka oldartu zen.
Dani Blancok Zubietako ITAn ateratako argazkietako batzuk:
.jpg)
.jpg)
.jpg)
.jpg)
.jpg)
.jpg)
Apirilaren 18rako zegoen ezarrita desalojoa, eta lurrak defendatzeko asmoz bertaratu ziren hainbat pertsona. Ertzaintza, baina, ez zen joan, eta auzitegiek jakinarazi dute atzeratu egin dutela huste saiakera. Desalojoa gelditzea lortzen duten bigarren aldia da.
Hiru militante euskaldun itsasoratuko dira Gazara bidean apirilaren 21ean, Turkiatik irtengo den Askatasunaren Ontzidian: Pili Revilla, Agus Gorbea eta Mikel Zuloaga ‘Mikelon’. Ostegunean hartu dute Bilbotik Istanbulera eraman dituen hegaldia, eta bi egun lehenago... [+]
Munduko dozenaka erakundek osatzen dute Askatasunaren Ontzidia eta bere helburua da 2007az geroztik Israelek Gazari jarritako blokeoa haustea. Iragan urriaren ondoren blokeo hori erabat areagotu da, eta flota horrek Gazara iristeko saioa egingo du datozen egunetan.
