Ion Parot presoaren baldintzapeko askatasuna eskatzeko mobilizazioak iragarri dira
Ion Parot preso politikoaren baldintzapeko askatasun eskaera aspaldikoa da. Erabakia otsailaren 22an hartuko dute Frantziako auzitegiek. Kari horretara, presoen aldeko Bagoaz ekimenak Baionan elkarretaratzera deitu du.
Ion Parot presoak bost aldiz eskatu du baldintzapeko askatasuna, azkena abenduan aztertu zuten dei auzitegian. Otsailaren 22rako espero da ebazpena. Aitzinetik baina, otsailaren 17an, 11:00etan giza kate bat burutuko da Baionako suprefeturaren inguruan. Otsailaren 22an, berriz, Ion Parot libre espero den egunean, elkarretaratze iraunkorra eratuko dute Baionako Lesseps Kaian, arratsaldeko 13:00etatik 17:00ak bitartean.
Bagoaz elkarteak oroitarazi duenez Ion Parotekin batera, Xistor Haramburu eta Jakes Esnal bizi osorako zigorrera kondenatuta daude, era berean, Jon Paroten anaia Unai Parot Espainiako Auzitegi Gorenak 40 urtera kondenatu zuen.
Euskal lau presoek “mende laurden luzea egin dute hainbat espetxetan”. Datozen asteko mobilizazioetan bi estatuek erabili duten gizatxarreko jokaera salatu nahi dute ekimenen antolatzaileek.
Bagoazek aditzera eman duenez, “orain arte aztertutako eskaerak beti errefusatuak izan dira, inolako argudio politiko eta ez juridikorik gabe”.
Jose Mari Dorronsoro preso politikoak Frantziako Estatuan bete zuen zigorra aintzat hartu ondoren, aske utzi zuten abuztuan, Etxerat elkarteak jakinarazi duenez.
Urtero legez, hitzordua izan dute igandean Sare eta Etxerat elkarteek Hego Euskal Herriko 11 hondartzatan. Euskal preso, iheslari eta deportatuak etxeratzearen aldeko aldarriak egin dituzte.
Lau egunez Lakuntza milaka lagunez bete du Hatortxu Rockek. Aurtengo edizioak presoen aldeko jaialdiaren bideari amaiera eman dio. Hala ere, abenduak 27rako jaialdi berria iragarri dute: Aske.
Jesus Maria Gomez Ezkerro 'Txutxo', 2001eko urtarrilean atxilotu zuten, 2021ean hirugarren gradua ezarri zioten, eta 2023ko otsailean baldintzapeko askatasuna eman zioten. 24 urte geroago aske geratu da.
26 urtez euskal preso eta iheslariak etxeratzeko aldarria oholtza gainera eraman ondoren, Hatortxu Rock jaialdiak bere azken edizioa egingo du ostegunetik igandera bitartean, Lakuntzan (Nafarroa). Jaialdian bildutako dirua preso sein senideentzat dispertsioak zekarren zama... [+]
"Euskal Herriaren jazarpena elikatzen du Euskal Herriaren bakearen bidean egindako akordiotzat saldu duten honek", adierazi dute larunbatean Arrasaten eginiko prentsa agerraldian.
Kartzelan 27 urte egon eta gero askatasunean geratu dela iragarri du Etxerat elkarteak.
Eusko Jaurlaritzak 2022an eskuratu zuen Zaballako (Araba), Basauriko (Bizkaia) eta Martuteneko (Gipuzkoa) kartzelen gaineko eskumena, eta ordutik uhalen edo eskuburdinen bidez loturik izan dituzten pertsonen inguruko datu batzuk eman ditu Maria Jesus San Jose (PSE-EE) sailburuak... [+]
Nafarroako espetxean dauden pertsonen bizi baldintzak aztertu ditu elkarteak. Ondorioztatu du Nafarroako Gobernua kartzelaren kudeaketaz arduratu beharko litzatekeela.
Espainiako Auzitegi Goreneko Fiskaltzak, Iratxe Sorzabal atxiloturik egon zenean "tratu gizagabeak" eman zizkiotela aitortzen duen epaia baliogabetzea eskatu du, eta berriz epaitu dezatela nahi du, 1995ean Irunen jarritako lehergailu baten harira.
PPk Senatuan proposatu du, gainera, euskal preso politikoek damua erakutsi behar izateko xantaia areagotzea.
Historikoa izan da, Monarkia Espainiarreko epaitegi batek honako ebazpen hau onartu du: "Iratxe Sorzabal zaintzeaz arduratzen ziren funtzionarioek elektrodoak aplikatu zizkioten deklaratzera behartzeko, eta horrek zera dakar, haren oinarrizko giza eskubideak nabarmen... [+]
Antolakunde "antierrepresiboak" ekainaren 7an Amnistia Eguna antolatu du Senperen. Eguna aldarriz josteko, egun osoko egitaraua antolatu dute. Nazioarteko beste erakunde batzuekin eta Aroztegiko Komitearekin mahai inguruak antolatu dituzte.
Ekimena larunbatean abiatuko da, Lesakatik, eta igandean amaituko da, Iruñean. Behin betiko konponbidea eskatzeko eta oraindik etxerako bidea egiteko duten presoen eskubideak aldarrikatzeko, orotara 544 kilometro egingo dituzte. Ekimena aurkezteko agerraldia... [+]