Interneten "ahaztua izateko eskubidea" onartu du Europako Justizia Auzitegiak

  • Google bere erabiltzaileen datu pertsonalen erantzule dela esan du Europar Batasuneko Justizia Auzitegiak. "Ahanztura digitala" eskubide gisa aitortua izan dadin urrats garrantzisua da epaia.

Ane Lusarreta
2014ko maiatzaren 14a
Publikatutako informazioa kaltegarria denean edo “bere funtzioa” bete duenean erabiltzaileak datuok ezabatzeko eskatu ahalko du. (Argazkia: Jesus Diaz)

2010az geroztik dago zabalik sarean ahaztua izateko eskubidearen inguruko auzia. Espainiako Datuen Babeserako Auzitegiak, Mario Costeja abokatu bartzelonarrak jarritako salaketaren bitartekari lana eginaz, zenbait informazio ezabatzeko eskatu zion AEBtako Google enpresari. Enpresak datu horiek ezabatzea “informazio askatasunaren aurkakoa” zela adierazi zuen, eta okerreko informazioa zuzendu nahi bada iturrira jo behar dela esan zuen.

Espainiako Auzitegi Nazionalean hasi zen auziak Europako bidea hartu zuen. 2013ko ekainean Niilo Jaaskinen auzitegi europarreko abokatuak Googleri eman zion arrazoia: "Kaltetuek hala eskatzen ez bazuten" bilatzaileak ez zuela bilaketen emaitzak ezabatzeko beharrik adierazi zuen.

Orain berriz, asteartean kaleratutako epaiarekin, intimitate eskubidea jarri dute epaileek informazio askatasunaren aurretik, eta “ahaztua izateko eskubidea” onartu dute, zenbait baldintza eta muga ezarrita.

Publikatutako informazioa kaltegarria denean edo “bere funtzioa” bete duenean erabiltzaileak Google enpresari datuok ezabatzeko eskatu ahalko diola ebatzi du Europako Justizia Auzitegiak. Bilatzailea erabiltzen dituen datu pertsonalen erantzule dela zehazten du sententziak. Kasuz kasu aztertu beharko da Googleri eginiko “ezabaketa eskaera” bakoitza, intimitate edo informazio eskubidea urratzen ote duen zehazteko.

Informazio gehiago:

Ahanztura digitalari buruz erreportajea argitaratu genuen ARGIAn 2011. urtean: Google, ez zaitez nirekin akordatu.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Google  |  Europar Batasuna

Google kanaletik interesatuko zaizu...
2018-12-06 | ARGIA
Google tasa 2019an ezarriko duela berretsi du Frantziako Gobernuak

Europan zerga txikiak ordaintzen dituzte interneteko erraldoi teknologikoek (Google, Apple, Facebook, Amazon…) eta horiei enpresa digitalen gaineko zerga, Google tasa delakoa, aplikatu nahi zaie Europar Batasunean, baina herrialde guztiak ez daude ados. Erabakitzen dena erabakitzen dela, Frantziak zerga ezarriko duela adierazi berri du Bruno Le Maire Finantza ministroak.


Google-en aurkako mugimendu batek multinazionalak Berlinen campusa irekitzea galarazi du

Berlingo Kreuzberg auzoan teknologia campusa jarri nahi zuen Google-k. Fuck off Google mugimenduak multinazionalak proiektua atzera botatzea lortu du, bi urtez egindako presioaren ondoren.


2018-07-18 | Nahia Ibarzabal
Googleri inoizko zigorrik handiena ezarri dio Bruselak

Europar Batzordeak 4.340 milioi euroko isunarekin zigortu du multinazional estatubatuarra, Android sistema eragilearekin oker jokatzeagatik.


Masiboki zelatatutako gizartea

“Denbora askoan, erabat zelatatutako mundu baten ideia erokeria utopiko edo paranoiko gisa hartu izan da, teoria konspiratzaileekin obsesionatutako jendearen irudimen aluzinatua. Hala ere, egiari zor: hemen eta orain Zelataren Inperio antzeko baten kontrolpean bizi gara. Gu konturatu gabe, geroz eta behatuago, espiatuago, zelatatuago, kontrolatuago, fitxatuago gaude.


Googleko langile ugarik dimisioa eman dute beraiek garatutako inteligentzia artifiziala proiektu militarretara bideratzeagatik

Gutxienez Googleko hamabi langilek dimisioa eman dute konpainiaren inteligentzia artifizialaren azkenengo aurrerakuntzak ustez AEBetako Gobernuaren teknologia militarraren garapenerako erabili nahi direlako.


2017-10-04 | Andoni Mikelarena
Facebook eta Googlek Las Vegaseko erasotzailearen inguruko informazio faltsuak zabaltzen lagundu dute

Bi iturri horiek zabaldu dute atentatuaren ustezko egilea alderdi Demokratako kidea zela eta Donald Trumpen aurka egin zuela.


2017-08-23 | Xalba Ramirez
Googlek ezkerreko mugimenduen webguneak ezkutatzen dituela salatu dute

Duela hiru hilabete “albiste faltsuei” aurre egiteko beharretik abiatuta, Googlek iragarri zuen bilaketa algoritmoak berrituko zituela. Hainbat mugimenduk salatu dutenez, algoritmo horiek prentsa alternatiboari edo ezker mugimenduei egiten die kalte. Sinadura bilketa abiatu dute.


2017-08-09 | Axier Lopez
Google-ko 60 bat langilek sexismoa salatu dute, emakumeei gutxiago ordaintzen dietela argudiatuz

Googlen lan egiten duten 60 bat emakume langile multinazional informatikoaren aurkako salaketa judiziala aurkeztea aztertzen ari dira, gaur The Guardianek jakitera eman duenez. Enpresak sexismoa sustatzen duela diote, ardura antzeko postuetan emakumeek gutxiago kobratzen dutelako.


2017-07-18 | Xalba Ramirez
Googlek politika publikoetan eragiteko milioiak gastatu ditu ikerketa baten arabera

Campaign for Accountability enpresak egin duen txosten baten arabera, politika publikoei buruzko 329 ikerketa finantzatu ditu Google konpainiak 2005 eta 2017 artean. Egileek 4.300 eta 350.000 euro artean jaso zuten eta %26k ez zuen finantziazio iturria aitortu.


Google Mapsen Ipar Euskal Herriko herrien izenak euskaratzera deitu dute

Ipar Euskal Herriko herrien izenak Google Mapsen euskaraz jartzeko eskaria egin du euskaltzale talde batek, kazeta.eusek jaso duenez. Google Map Maker tresna erabiliz edonork itzuli ditzake izenak, ondoren batzorde batek begiratzeko.


Eguneraketa berriak daude