Lamarca: “Etxegabetzeak gelditzeko gehiago egin dezakete erakundeek”

  • Iñigo Lamarca EAEko Arartekoa ETB1eko Euskadi Galdezka saioan izan zen atzo. Besteak beste, etxegabetzeen aferari buruz galdetu zioten herritarrek eta Lamarcak adierazi zuen erakundeek gehiago egin dezaketela horiek geldiarazteko.

     


2013ko otsailaren 07an - 00:00
Azken eguneraketa: 2015-02-26 13:37:33

“Eskatzen ari gara [Espainiako] Estatu mailako hipoteka-legea aldatzea gaur egun dauden arazoei bestelako erantzuna emateko”, adierazi zuen Lamarcak. “Soluzioak egon badaude etxe kanporaketak gertatu gabe”.

Arartekoak uste du problemari irtenbidea emateko “gehiago egin daitekeela eta gehiago egin beharko litzatekeela”.

Finantza eta ekonomia krisiaren hasiera zein izan zen ere gogora ekarri zuen atzoko saioan: “Egin dezagun historia pixka bat: sistema finantzarioak sortu du [krisia]. Gogoan izan dezagun 2008aren bukaeran Estatu Batuetan ia-ia lehertu egin zela hango sistema finantzarioa eta gero krisi hori Europara etorri zen. Eta horrek beste krisi batzuk ekarri zituen berarekin, baina guztiak sistema finantzarioarekin zerikusia dutenak”.

Horren aurrean  agintea daukatenek, “nork bere eskumenaren barruan”, legeak “aldatu, hobetu eta zorroztu” beharko lituzketela uste du EAEko Arartekoak, finantza-erakundeak modu egokiagoan kontrolatzeko. “Gaur egun oraindik sistema finantzarioa, botere ekonomiko handiak dira agintea daukatenak. Horrek ezin du horrela jarraitu”.


Kanal honetatik interesatuko zaizu: Etxegabetzeak
Etxegabetzeak 48 ordutan burutu ahal izateko lege aldaketa proposatu du EAJk

EAJren asmoa da legezko aldaketa azkar bati ekitea, 48 orduko epean etxegabetzeak egin ahal izateko etxebizitzak okupatzen diren kasuetan.


Iruñean familia bat etxegabetuko dutela salatu dute Harituk eta Jaki Tokik

Bilatu dituzten beste etxeetako jabeek ez diete etxerik alokatu nahi izan familia ugaria, soldata bakarra eta atzerritar jatorrikoak izateagatik.


2024-02-13 | ARGIA
Hamabi familia etxetik bota nahi dituzte Pasaian, trenbide zati bat egiteko

Pasaiako portuko langileen familiak bizi diren Trintxerpeko etxebizitza bloke bat bota nahi dute Pasaiako Portu Agintaritzak eta Euskal Trenbide Sareak, 400 metro inguruko trenbide zati bat egiteko. Lau hilabetetan etxea utzi behar dutela ohartarazi diete.


Bilboko etxegabetzearen aurka protestan ari direnen kontra oldartu da Ertzaintza

Ostiral goizerako zegoen ezarrita etxegabetzea eta horren kontrako protestara dei egin du Bilboko Etxebizitza Sindikatuak. Protestan ari direnen aurka oldartu da birritan Ertzaintza, eta dagoeneko pertsona bat atxilotu du, Gedar-ek jaso duenez. Etxegabetzea burutu dute.


Eguneraketa berriak daude