Aurretiko ingurumen ebaluaziorik egin gabe eraiki ahalko dira energia berriztagarrien makroproiektuak
Atzeko atetik arindu du legedia Espainiako Gobernuak: ikerketa sakonak nahitaez egiteko makroproiektuen energia ekoizpenaren gutxieneko muga lau aldiz handiagoa ezarri du. Energia krisiaren aurrean prozesu administratibo oro azkartu nahi dute erakundeek.
Urtarrilaren 24an onetsiko du araudia Espainiako Diputatuen Kongresuak, okerrik ez bada. Ingurumen inpaktu ebaluaziorik ez da egin beharko aurrerantzean parke fotovoltaiko eta eolikoen kasuan, "afekzio ikerketak" baino ez dira izango. Terminologia aldaketa soila dirudien arren, sektoreko hainbat eragilek salatu dute ez direla behar bezala aztertuko makroproiektuek eragin ditzaketen arazoak. Izan ere, legeak agintzen zuen ikerketa sakonagoa egitea 50 MW edo gehiago ekoiztuko zituen proiektuaren kasuan –Aramaion enpresa norbegiar batek eraiki nahi duen proiektuak eta Artzentalesekoak gainditzen dute zifra–. Orain, ordea, gutxieneko muga 220 MWera atzeko atetik igo du Espainiako Gobernuak 20/2022 legearen bitartez –argi ikus daiteke 22 eta 23. artikuluetan–. Salbuetsita geratuko dira itsas gainean edo zaintza bereziko naturguneetan eraiki nahi diren proiektuak; alegia, ikerketa sakonak kasu horietan soilik mantenduko dira.
Afekzio-jakinarazpenak, enpresen esku
Esaldi bakan batzuk gehiago irakurtzea aski da aurrerantzean jarraituko diren politiken berri izateko. Aipaturiko legeko 22.3. artikuluan zehazten denez, proiektuaren enpresa sustatzailea arduratuko da ingurumenean eragingo dituen kalteak aurreikusi eta erakundeei jakinarazteaz. Puntuz puntu adierazi beharko ditu biodibertsitateari eragingo lizkiokeen kalteak, isuriak izango ote dituen ala ez, ondasun kulturalei kalterik eragingo ote dien edota jarduera sozioekonomikoan izango duen eragina. Dagokion erakundeak dokumentu hori izango du oinarri, eta Espainiako Aldizkari Ofizialean argitaratuko du. Prozesua hor bertan amaitzea aurreikusten da: kalteak "handiak edo txikiak" diren aintzat hartuta, proiektuarekin aurrera jarraitu ala ez erabaki beharko du erakundeak, enpresak emandako dokumenturen baitan. Edo erabaki dezake ere ikerketa propio bat abiatzea.
Gizakiak naturan eragiten dituen kalteak aztertzeaz arduratzen den Espainiako elkarteak prentsa ohar bidez salatu du baimenak azkar emateko politikak nagusitu direla azken urteotan, eta bereziki azken hilabeteotan energia-eskasia agerikoagoa bihurtu delako. Horrez gain, makroproiektuen aurkako plataformak ere kexa adierazi du legedi berriaren inguruan; sinadura bilketa abiatu eta informazioa era xehean eskaini dute hemen.
Hauek dira Eusko Jaurlaritza izapidetzen ari den 15 parke eoliko handiak
"Orain arte eginda dauden eskaera guztiak kontuan hartuta daude Lurralde Plan Sektorialean" baieztatu zuen Arantxa Tapiak sailburuak urtarrilaren 17ko prentsaurrekoan. Aurreratuen dagoena Labrazakoa dela esan zuen.
- “LABRAZA” (Oion). Sustatzailea: Aixeindar. Tramitazioa: Ingurugiro-inpaktuaren Adierazpena. Potentzia: 40 MW.
- “AZAZETA” (Alegria-Dulantzi, Iruraiz Gauna, SanMillán /Donemiliaga, Arraia-Maeztu, Bernedo). Sustatzailea: Aixeindar. Tramitazioa: Ingurumen-ebaluazioaren azterketa teknikoa. Kontsulten 2. fasea. Potentzia: 40 MW.
- Itsas Parke Eolikoa “GEROA” (offshoreArmintza). Sustatzailea: Itsas Wind S.L. Tramitazioa: Espainiako Ministerioak tramitatuko du. Potentzia: 45 MW.
- “CANTOBLANCO” (Añana). Sustatzailea: Euskal Haizie. Tramitazioa: Dokumentazio teknikoa aurkeztuta. Potentzia: 49 MW.
- “ARTZENTALES-SOPUERTA” (Sopuerta, Artzentales, Galdames, Muskiz). Sustatzailea: Euskal Haizie. Tramitazioa: Konkurrentzia erresoluzioa eginda. Proiektuaren eta Ingurumen-Inpaktuaren txostenaren zain. Potentzia: 50 MW.
- “LAS LLANAS” (Gordexola, Zalla, Gueñes). Sustatzailea: Euskal Haizie, S.L. Tramitazioa: Konkurrentzia erresoluzioa datozen egunotan publikatuko da. Potentzia: 36,6 MW.
- “LARRAGORRI” (Orozko, Laudio). Sustatzailea: Grupo Capital Energy. Tramitazioa: Konkurrentzia erresoluzioa eginda. Potentzia: 22,5 MW.
- PIASPE (Azpeitia-Errezil-Zestoa). Sustatzailea: Desarrollo Renovables Iberia PI SLU. Tramitazioa: Konkurrentzia erresoluzioaren zain. Potentzia: 33 MW.
- “TREKUTZ” (Urretxu, Antzuola). Sustatzailea: Grupo Cildal Energy. Tramitazioa: Dokumentazioa aurkeztekotan, aurretiko izapidetze administratiboa abiatzeko. Potentzia: 12 MW.
- “BURUZAI” (Azkoitia, Zumarraga, Urretxu). Sustatzailea: GREEN CAPITAL DEVELOPMENT 65, S.L. Tramitazioa: Dokumentazioa aurkeztekotan, aurretiko izapidetze administratiboa abiatzeko. Potentzia: 18 MW.
- “EZKELZU” (Zizurkil, Usurbil, Donostia). Sustatzailea: GREEN CAPITAL DEVELOPMENT XLIV, S.L. Tramitazioa: Dokumentazioa aurkeztekotan, aurretiko izapidetze administratiboa abiatzeko. Potentzia: 18 MW.
- “KARAKATE” (Soraluze, Elgoibar). Sustatzailea: GREEN CAPITAL DEVELOPMENT 135, S.L. Tramitazioa: Dokumentazioa aurkeztekotan, aurretiko izapidetze administratiboa abiatzeko. Potentzia: 9,6 MW.
- “KASTILLO” (Legutio). Sustatzailea: Grupo Capital Energy. Tramitazioa: Dokumentazio teknikoa aurkezteko luzapena 2023ko otsailaren 18ra arte. Potentzia: 22,5 MW.
- “MIRITXA” (Arratzu-Ubarrundia, Elburgo, Barrundia, Leintz-Gatzaga). Sustatzailea: Grupo Capital Energy. Tramitazioa: Dokumentazio teknikoa aurkezteko luzapena 2023ko otsailaren 26ra arte. Potentzia: 27 MW.
- LA MINORIA. Sustatzailea: ALEIXENDAR. Tramitazioa: Konkurrentzia fasean. Potentzia: 40 MW.
Tramitatzen ari diren hiru parke fotovoltaiko handiak:
- “VITORIA-SOLAR 1” (Gasteiz, Arrazua-Ubarrundia). Sustatzailea: Indarberri. Tramitazioa: Informazio publikoa amaituta. Proiektuaren errebisio kontsulta fasean. Potentzia: 50 MW
- “VITORIA-SOLAR 2” (Gasteiz, Elburgo, Barrundia). Sustatzailea: Indarberri. Tramitazioa: Informazio publikoa amaituta. Proiektuaren errebisio kontsulta fasean. Potentzia: 50 MW.
- LAMINORIA. Sustatzailea: ALEXEINDAR. Tramitazioa: Informazio publikoa amaituta. Proiektuaren errebisio kontsulta fasean. Potentzia: 40 MW.
Amasa-Villabonako EH Bilduk argitaratutako idatziaren harira, hainbat adierazpen egin nahiko genituzke. Lehenik eta behin, argi utzi nahi dugu larrialdi klimatikoari aurre egitearen urgentzia ukaezina dela, eta horregatik, krisi honekiko dugun kezkagatik beragatik jartzen dugula... [+]
7/2025 Errege Lege-Dekretua ekainaren 24an onartu zuen Espainiako Ministroen Kontseiluak baina atzera bota du Diputatuen Kongresuak, uztailaren 22an.
1994an altxatu zituzten lehen haize errotak Nafarroan, Erreniegako parke eolikoan, Iruñetik gertu. Segidan etorri ziren beste asko: Arizko parkea Leitzan eta Berueten, Izkokoa Irunberri inguruan, Oibarkoa, Cabanillasko Serralta parkea... ‘Haizearen aitzindari’... [+]
Manuel Casal Lodeiro (Barakaldo, 1970) informatikaria eta gai energetiko eta ekosozialen inguruko aktibista eta dibulgatzailea da. Besteak beste, 15/15/15 aldizkari eleanitza eta Galiziako Instituto Resiliencia koordinatzen ditu, eta Véspera de Nada por unha Galiza sen... [+]
Halabeharrez, ugariak eta askotarikoak dira Euskal Herrian energia berriztagarrien neurrigabeko zabalpenaren aurka antolatutako mugimendu, plataforma eta elkarteak, gehien-gehienak lurraren defentsan diharduten kolektibo sozial eta politikoetatik sortuak. Urriagoak izanagatik,... [+]
Desinformazioak eta pentsamendu likidoak den-dena hartzen duten garaiak bizi ditugu; garai aproposak beren benetako izatearen disimuluaren arituentzat. Garai aproposak jendea engainatzeko eta Kodizia Jainkosa gurtzen jarraitzeko; jazartzen gaituen Solariaren garaia omen... [+]
Joan den igandean, ekainak 15, ugatzari buruzko artikulu interesgarria argitaratu zuen Rosa Canchok El Correo egunkarian. Azken urteotan hegazti sarraskijale adierazgarri honek Araban bizi duen itxaropen onaren egoeraz hitz egiten zen testuan. Arabako Foru Aldundiko Ingurumen... [+]
Nahiz eta jakina izan inkestak ez direla errealitatearen isla zehatza, interesgarria da bistadizo bat ematea, beti eskaintzen baitigute gai zehatzekiko tenperatura sozialaren arrastoren bat. Are garrantzitsuagoak dira, gai zehatzetan sartuegiak edo katramilatuak egoteagatik,... [+]
Noizbehinka aipatu ohi da zientzia, edo hobe esanda akademia, gizartetik urrunegi dagoela. Gauzak honela, aditu eta arituen arteko distantzia ahalik eta txikien izatea da jasangarritasunaren zientziaren zioetako bat. Jasangarritasunaren arloan aritzen garen zientzialariok... [+]
Rescoop.eu federazioko Kontseilu Errektorean sartu da Goiener kooperatiba, eta "lorpen handitzat" jo du ardura berri hori. Iragan maiatzaren 22an Krakovian (Polonian) egindako Energia Komunitarioaren Foruman parte hartu ahal izan dute, eta une inportantea izan... [+]
Bi kooperatibek euren arteko elkarlanean "urrats sendoagoak" emango dituztela iragarri dute, energia eta telekomunikazio sistema "erresiliente" bat sortzeko. Deia egin diete herritarrei Itzali sistema, piztu alternatibak manifestuarekin bat egin dezaten.
Maiatzaren 16tik 18ra EH Bizirik sareak deituta kanpaldia egin berri dute Uribarri Jauregin. Hainbat ekintza, hitzaldi eta tailer egin zituzten bertan. Besteak beste, Lemoizko zentral nuklearraren, Pasaiako superportuaren eta Olaztiko erraustegiaren aurkako borroketan ibilitako... [+]
Haize Berria plataformak, Enigma Green Power enpresak Odieta, Olaibar, Anue eta Esteribar inguruan ezarri nahi dituen zazpi parke eolikoek eragin ditzaketen kalteak salatu zituen berriki. Ekainaren 11n bukatzen da proiektuaren kontrako elegiteak aurkezteko epea.