Asteartean onartu dute neurrien katalogoa. Salaketarik jarri ez duten emakumeei laguntzeko eta indarkeria bikarioaren biktimak diren haurrak babesteko protokoloak jarriko dira martxan.
Espainiako Ministroen Kontseiluak asteartean onartu zuen indarkeria matxistari aurre egiteko 15 neurriko katalogoa. Genero indarkeriaren aurkako legea eguneratzeko hartutako “premiazko” erabakiak biltzen ditu dokumentuak. Bost sailek —Barne Ministerioak, Berdintasunerakoak, Osasunerakoak, Eskubide Sozialetarakoak eta Justiziakoak— lankidetzan proposatutako katalogoa da. Plan horrekin, indarkeria matxistaren biktimak izanik, salaketarik jarri ez duten emakumeei laguntzeko neurriak hartuko dira. Bestalde, indarkeria bikarioa jasan dute haur eta umeak babesteko protokoloa ere ezarriko da.
Alarma egoera indargabetu zenetik, indarkeria matxista kasuak asko ugaritu dira. El Diario hedabidearen arabera, maiatza eta ekaina bitartean hil zituzten emakumeen kopurua urteko lehen lau hilabeteetakoaren bikoitza izan da. Gorakadaren aurrean, Espainiako Gobernuak kasuen detekziorako eta arretarako protokolo estandarizatua jarriko du martxan.
Indarkeria matxistaren biktima izan diren emakumeek eta haien familiek eskura dituzten zerbitzu sozialak jasotzeko —etxebizitza eta diru laguntzak kasu— “lehiatila bakarra” sortuko dute. Erreparazioa eta laguntza eskuratzeko beharrezko izapide guztiak administrazio bakarrean egin ahal izango dituzte biktimek hemendik aurrera.
Salaketarik jartzen ez duten emakumeen kasuan —2019an artatuen %30 ziren, El Diarioren arabera— eta prozesuan atzera egiten duten biktimen kasuan, ekiteko bide berriak jarriko dira martxan: VioGén eta Atrenpro zerbitzuak eta Zero Protokoloa. VioGén sistemak komisaldegiek eta oinarrizko zerbitzu sozialek zein espezializatuek indarkeria matxista kasuen balorazioa eta jarraipena egiteko balioko du. Justizia Ministerioarekin, Berdintasun Ministerioarekin eta Barne Ministerioarekin egongo da lankidetzan. Azken sail horrek Zero Protokoloa abiatuko du: salaketarik ez dagoenean, emakumearen familiaren testigantzak bilduko dira ebaluazioa egin eta babeserako neurri polizialak hartu ahal izateko.
Atenpro zerbitzuak, berriz, biktimei laguntza telefonikoa eskainiko die 24 orduz. Protokoloa martxan dago jadanik, baina neurrien katalogo berriarekin, “hobetu” egingo dutela azaldu dute. Zer neurri hartuko diren zehaztu ez bada ere, zerbitzua salaketarik ez dagoen kasuetan erabiltzeko aldaketak proposatuko direla esan dute.
Aldaketek indarkeria matxistaren biktima zuzenei ez ezik, indarkeria bikarioa pairatzen duten haur eta umeei ere eragingo die. Administrazioak zerbitzu sozialek eta justizia zein familia arloek lankidetzan jarduteko protokoloa ezarriko du, eta jarduteko gida estandarizatua sortuko dute kasu horiek identifikatzeko eta biktimei babesa emateko.
Prebentziorako neurria gisa, sentsibilizazio eta kontzientziazio kanpainak jarri nahi dituzte martxan, sexu indarkeriaren aurka egin eta “tratu onak” sustatzeko asmoz. Batetik, poliziek eta justizia arloko langileek formakuntza saioak jasoko dituzte. Bestetik, biztanleriarengan eragiteko, sare sozialekin lankidetzan jardungo du exekutiboak, emakumeekiko diskriminazioa eta indarkeria sustatzen dituzten kontuen aurkako neurriak hartuz. Azkenik, indarkeria matxistagatik zigorren bat jaso dutenak "hezteko erremintak" erabiliko dituzte.
Izaskun Landaida Emakundeko zuzendari nagusiak Berria hedabideari adierazi dioenez, baliteke Espainiako Gobernutik iritsitako aldaketek eragin mugatua izatea EAEn. Hedabideetatik jaso duten informazioaren arabera, Araban, Bizkaian eta Gipuzkoan “jada martxan dauden proposamen batzuk” aipatzen dira legean. Halere, Emakunde eta Nafarroako Berdintasunerako Institutua egindako proposamenak “zehaztasun handiagoz” ezagutzeko zain daude, eragin ditzaketen aldaketak zeintzuk diren jakiteko.
Uda honetan, gutxienez hemeretzi erailketa matxista izan dira, eta horietatik gutxienez hiru kasutan, poliziak edo polizia ohiak dira hiltzaileak. Donostian, gainera, erailketa saiakera bat ere izan da ertzain baten partetik: bere bikotekidea hiltzen saiatu zen abuztuan.
Gasteizko sententzia horrez gain, asteburuan gutxienez beste lau sexu eraso salatu dituzte; hiru Gasteizen eta bat Donostian.
Ehun bat pertsona bildu ziren larunbatean Luhusoko plazan Itaia emazte antolakundeak eta Luhusoko besta komiteak jakinarazi duten bortxaketa salatzeko.
Osteguneko lehen minutuetan jazo dira gertaerak Mina del Morro inguruan, Santutxu auzoan, 00:20 orduak aldera, eta ustez, 34 urteko gizon batek 31 urteko bikotekidea hil du.
76 urteko emazteak zauri larriak ditu. Eusko Jaurlaritzako Segurtasun Sailak adierazi duenez, ostiral goizaldean egin dio eraso eta Ertzaintzak senarra atxilotu du emaztea hiltzen saiatzeagatik.
Emakumeen Aurkako Indarkeriaren Bilboko bi Epaitegiek neurri hori onartu dute. Bilboko epaile dekano Aner Uriartek neurria emakumeak babesteko eta ez birbiktimizatzeko helburuarekin hartu dela esan du, baina Bilboko Abokatuen Elkargoak salatu du kolokan jartzen dituela ikertuen... [+]
Neska gazteak agertzen dira irudietan eta Telegram bidez zabaltzen dituzte. Irailaren 1ean kanpaina bat abiatuko dute sare sozialen bidez, gobernuak neurriak hartu ditzan.
Hil arte bizirik sentitzearen beharraz ari da Olatz Mercader. Gaixorik egon izan delako bere bertsio gutxitua hurbilegi ikusi duenak badaki zein garrantzitsuak diren konpromisoa, grina eta desioa.
Ertzaintzak 27 urteko gizon bat atxilotu du Donostian, abuztuaren 18ko goizaldean, Aste Nagusiko azken gauean, Parte Zaharrean emakume bati sexu erasoa egitea egotzita. Eraso matxista horrez gain, beste batzuk ere publiko egin dira hirian azken asteotan, eta horiek guztiak... [+]
Bilboko epaile dekano Aner Uriarteren arabera neurria “nor den nor” identifikatzeko eta emakumeak babesteko eta ez birbiktimizatzeko da. Bizkaiko Abokatuen Elkargoak salatu du ez direla errespetatzen errugabetasun printzipioa eta “duintasuna”.
Gertaera abuztuaren 18ko goizaldean izan zen Donostiako Alde Zaharreko kalezulo batean, Ertzaintzak adierazi duenez. Egun horretan emakume batek beste sexu-eraso bat salatu zuen Donostian, gizon batek “diskoteka baten inguruan ukituak egin zizkiola” esanez.
Joan den astean izan ziren Burlatako jaiak eta aste honetan jakin da adingabeko neska gazte batek izandako sexu erasoa. Espainiako Poliziak, halaber, jakinarazi du erasoarekin lotutako 18 urteko gazte bat atxilotu zuela joan den igandean.
Bingen Zupiria Eusko Jaurlaritzako Segurtasun sailburuak adierazi du: “Ertzaintzako barne arautegiak hutsegite larritzat eta botatzeko arrazoi posibletzat ditu horrelakoak”. Gainera, Gipuzkoako Fiskaltzak eskatu dio instrukzioko epaitegiari auzia genero indarkeria... [+]