Indarkeria matxista leporatuta, gizon bat espetxeratu dute Donostian

  • 51 urteko gizonak indarrean zeukan urruntze agindua urratu du, eta bikotekidea jipoitu. Bi delitu horiengatik, epaileak espetxe zigorra ezarri dio.


2019ko azaroaren 12an - 13:03
Donostiako jaietan jazotako eraso matxistetako bat salatzeko elkarretaratzea (Argazkia: Irutxuloko Hitza)

Segurtasun Sailaren arabera, igandetik astelehenerako goizaldean jazo zen gertakaria, 02:15 aldera, Donostian. Erasoa jasan zuen emakumeak berak deitu zuen S.O.S Deiak-en telefono zenbakira, erasoaren berri emanez.

Etxeko atarian aurkitu zuen Ertzaintzak emakumea. Ubelak zituen, baita arma zorrotzez egindako zauriak, eta hargatik ospitalera bideratu zuten.

Erasotzailea etxe barruan aurkitu zuten ertzainek, lo. Urruntze agindua urratu izana eta indarkeria matxista leporatuta, atxilo eraman zuten. Epaileak espetxera bideratu du gizona.

Beste atxilotu bat Barakaldon

Bikotekidea jipoitzeagatik atxilotu du Ertzaintzak 20 urteko gizon bat Barakaldon ere.

Erasoa astearte goizaldean jazo zen, eta emakumeak 112 telefono zenbakira deitu zuen erasoaren berri emanez. Ertzaintza etxebizitzara abiatu zen, eta patioan aurkitu zuten erasotzailea. Genero indarkeria leporatuta, atxilo eraman zuten.

Emakumeak ubeldurak zeuzkan aurpegian eta lepoan, eta ospitalean artatu zuten.


Kanal honetatik interesatuko zaizu: Indarkeria matxista
“Ez ezazu indarkeria obstetrikoa salatu, ez baduzu argi galduko duzula: denbora, dirua eta osasun mentala”

Nazio Batuen Erakundeak Espainiako Estatua zigortu du Nahia Alkortak bere lehen erditzean jaso zuen biolentziagatik, baina gobernuek ez dute ebazpena onartu. 'Mi parto robado' liburua idatzi du bizitakoa gizarteratzeko, eta arazo sistemikoa dela azaltzeko.


Onintza Enbeita: "Erasotzailea inpunitate osoz mugitzen den bitartean, biktima beldur da kalera bakarrik ateratzeko"

Mario Lopezek lau herritarri jarritako salaketa artxibatu egin du epaileak. Sare sozialak eta kaleak protestaz bete ziren, saskibaloi jokalari batek salatu zuenean Lointek Gernikako kirol entrenatzaile Mario Lopezek sexu gehiegikeriak egin zizkiola. Bueltan, Lopezek lau... [+]


Cristina Rivera Garza. Hildakoekin idaztea
"Zerbait gertatzen da munduan kolektiboki esaten dugunean norbait falta zaigula"

Bilbora etorri zen apirilean, idazketa sendatzaileei buruzko hitzaldi bat ematera, EHUko Ikerketa Ereduak eta Arloak Gizarte Zientzietan masterrak gonbidatuta. Bazuen zer esanik: soziologia eta historia ikasitakoa, artxiboa baliatzen du idazteko, eta bere ahizparen bizitza eta... [+]


2024-05-21 | ARGIA
Nafarroan epaitu gabe gelditu den bortxaketa bikoitza aztertuko du Estrasburgok

2016an bi emakumek bortxatuak izan zirela salatu zuten, Iruñean. 2018an auzia artxibatu zuten eta ez zen epaiketarik egin. Espainiako Poliziak, Fiskaltzak eta Nafarroako Auzitegiak ikerketan egindako irregulartasunak salatu ditu biktimen abokatuak. Espainiako Estatuak... [+]


2024-05-08 | Reyes Ilintxeta
Patricia López Arnaiz. Hamaika bizitza bakar batean
"Amorrua, hira eta mendeku nahia emakume baten motorrak ere izan daitezke"

Nina iragarritako señorizidio baten kronika da –Irantzu Varelaren terminoa erabiliz–. Pantaila handira orain iritsiko den filmak kontatzen du nola 30 urteren ondoren emakume zauritu bat herrira itzultzen den eskopeta batekin, etengabeko hileko moduko batek... [+]


Eguneraketa berriak daude