"Herri bat gira, mugarik ez! Indar okupatzaileak, kanporat!" lemapean eginen dute manifestazioa otsailaren 6an Baigorrin. Hitzordua finkatu du herritar talde batek, 15:30etan elizaren aitzinean. Ipar eta Hego Euskal Herriaren arteko errepideak hesteko Frantziako Estatuak harturiko erabakia salatuko dute. Horrez gain, Nafarroa Beherean azken asteetan emendatuz joan den jendarme eta militarren presentziaren kontrako mezua ere plazaratuko dute. Besteak beste, badira aste batzuk 60 bat militar direla Baigorrin instalaturik.

Duela bi aste ere salatu zuten egoera hau, Izpegin antolaturiko elkarretaratzearekin. Bere aldetik, EH Bai eta EH Bildu koalizioek otsailaren 14ko jarri dute hitzordua, Lizarrietan.