Iñaki Viñasprek jantzi du 2019ko Arabako Bertsolari Txapelketako txapela
Iñaki Viñaspre da aurtengo txapelduna, Manex Agirrerekin buruz burukoa kantatu ondoren. Viñaspreri Lierni Altunak jantzi dio txapela. 700 lagun elkartu dira Gasteizko Printzipal Antzokian.
Larunbat arratsaldean, Gasteizen jokatu da Arabako Bertsolari Txapelketako finala. Eszenatokian, arabar bertsogintza irudikatzen duen bidea.
Iñaki Viñaspre Simon (Abetxuko)
Oihane Perea Perez de Mendiola (Zalduondo)
Aroa Arrizubieta Barredo (Gasteiz)
Manex Agirre Arriolabengoa (Aramaio)
Xabi Igoa Eriz (Aramaio)
Peru Abarrategi Sarrionaindia (Aramaio)
Oier Suarez aurkezle eta Marta Ugarte gai-emailearen eskutik sei bertsolariek ariketa puntuagarriak bukatuta, Iñaki Viñaspre eta Manex Agirre pasatu ziren buruz-burukora. Azken ariketak bien artean jokatu ondoren, Viñaspre nagusitu da eta beraz 2019ko Arabako txapelduna da.
Finaleko epaimahaia 5 epailerekin osatuta egon zen: Ainhoa Aizpurua, Aitor Jimenez, Ekaitz Elorriaga, Iker Elexpuru eta Mikel Fernandez de Arroiabe. Idazkari lanetan Manex Garaio aritu zen. Horrela puntuatu zituzten 6 bertsolariak:
Iñaki Viñaspre Simon, 612 puntu
Manex Agirre Arriolabengoa, 596,5 puntu
Xabi Igoa Eriz, 409,5 puntu
Oihane Perea Perez de Mendiola, 399 puntu
Peru Abarrategi Sarrionandia 384,5 puntu
Aroa Arrizubieta Barredo, 363 puntu
Lierni Altunak jantzi dio txapela txapeldunari. Arabako bertsolaritzan ibilbidea duena, 1997an hasi zen bertso eskolan eta gerora eta gau arte antolatzaile moduan lan handia egin du. Gai jartzaile taldearen sustatzaile eta parte da. Urte askoan, egindako lan isila eskertu nahi du Arabako Bertsozale Elkarteak.
Eskerrak luzatu nahi dizkiegu, txapelketan parte hartu duten bertsolari, gai-jartzaile eta epaileei, hala nola, txapelketa osoan zehar laguntzaile izan ditugun bertsozaleei, bertso-eskolei, txapelketa hartu duten udalei, babesle, laguntzaile zein hedabideei…
Bertsolari bakoitzak ariketetan lortutako puntuazioak eta argazkiak hemen ikusgai daude:
Txapeldunaren bukaerako agurra:
Bai garaia zen ja probatzeko
benetan hau da itzela,
ta ze marroia eskaintzearena
bakarrik bati txapela
bertso eskolantzat
izan ahal zen
baina uste dut ez dela
Lierni bisitan lagun, kidea
baina gaur dugu bestela
amarentzako, anaiarentzat
baina ez da horren epela
uste dut badakitela
Iñaki ez baita ergela
Iratxe eta Ekaitz argi dut
hau merezi duzuela
eta etxean nahi zaituztegu
txori libreak bezela
Albiste hau Bertsozale.eus-ek argitaratu du eta Creative Commons lizentziari esker ekarri dugu.
Urtarrilaren 28an hasi eta martxoaren 16ra bitartean burutuko da 2024ko Arabako Bertsolari Txapelketa. Martxoaren 16an borobilduko da finalarekin Gasteizko Printzipal Antzokian.
Maiatzaren azken asteburuan jokatu dira finalerdietako bi saioak eta Oihane Perea eta Manex Agirre zuzenean sailkatu dira, bakoitza bere saioan nagusitu baita. Gainerako lau bertsolari hauek, puntuen arabera sailkatu dira finalerako eta denak dira Izarrako finalerdian kantatu... [+]
Apirilaren hasieran 30 bertsolarik ekin zioten Arabako Bertsolari Txapelketari eta bide hori dagoeneko finalaurrekoetan sartu da. Hamabi bertsolari hauek lortu dute finalaurrekoetara sailkatzea: Manex Agirre, Asier Otamendi, Unai Anda, Iñaki Viñaspre, Andere... [+]
Arabako Bertsolari Txapelketa 30 bertsolarik hasi dute. XV. edizioa aurtengoa eta iragan asteburuan abiatu da lehen fasea, final zortzirenak. Iñaki Viñaspre, Manex Agirre eta Andere Arriolabengoa gailendu da, nor bere saioan. Hurrengo asteburuan bukatuko da lehen... [+]