Hauek dira Arabako Bertsolari Txapelketako finalean lehiatuko diren sei bertsolariak

  • Maiatzaren azken asteburuan jokatu dira finalerdietako bi saioak eta Oihane Perea eta Manex Agirre zuzenean sailkatu dira, bakoitza bere saioan nagusitu baita. Gainerako lau bertsolari hauek, puntuen arabera sailkatu dira finalerako eta denak dira Izarrako finalerdian kantatu zutenak: Peru Abarrategi, Xabi Igoa, Iñaki Viñaspre eta Paula Amilburu. Finala ekainaren 11n jokatuko da Gasteizen.


2022ko maiatzaren 31n - 07:55

Apirilaren hasieran 30 bertsolarik ekin zioten Arabako Bertsolari Txapelketari eta hainbat galbahe pasatuta, hamabi bertsolari aritu dira finalaurrekoetan, eta hauetatik sei dira finalean kantatzeko ohorea izango dutenak. Hemen ikus daiteke nola gelditu den finalaurrekoetako puntuaketen taula.

Finala ekainaren 11n jokatuko da Gasteizko Europa Biltzar Jauregiko Maria de Maeztu auditorioan, arratsaldeko 17:30ean.

Finalaurrekoetan kantatu duten bertsolariak

Maiatzaren 28an Araian jokatu da lehen finalaurrekoa. Saio honetatik zuzenean sailkatu da Oihane Perea finalerako, saio horretan lehena izan zenez. Araian kantatu zuten gainerako bost bertsolariak hauek dira: Asier Otamendi, Felipe Zelaieta, Andere Arriolabengoa, Maddi Agirre eta Unai Anda.

Biharamunez, maiatzaren 29an Izarran jokatu da bigarren finalaurrekoa. Bertan lehena izanik zuzenean finalerako sailkatu dena Manex Agirre izan da. Eta kantuan aritu diren gainerako bost bertsolariak hauexek: Peru Abarrategi, Paula Amilburu, Iñaki Viñaspre, Rikardo Gonzalez de Durana eta Xabi Igoa. Saio honetatik Gonzalez de Durana ez beste guztiak sailkatu dira finalerako.


Kanal honetatik interesatuko zaizu: Arabako Txapelketa
2024-01-16 | Bertsozale.eus
Arabako Bertsolari Txapelketa urtarrilaren 28an hasiko da Izarran eta martxoaren 16an amaitu Gasteizen

Urtarrilaren 28an hasi eta martxoaren 16ra bitartean burutuko da 2024ko Arabako Bertsolari Txapelketa. Martxoaren 16an borobilduko da finalarekin Gasteizko Printzipal Antzokian.


2023-10-23 | Bertsozale.eus
Biasterin jokatutako bigarren kanporaketa Maddi Agirrek irabazi du
Udazken arratsalde hotzak jaso du bigarren kanporaketa Arabar Errioxan.

2022-05-17 | ARGIA
Hauek dira Arabako Bertsolari Txapelketako finalean sartzeko lehiatuko diren hamabi bertsolariak

Apirilaren hasieran 30 bertsolarik ekin zioten Arabako Bertsolari Txapelketari eta bide hori dagoeneko finalaurrekoetan sartu da. Hamabi bertsolari hauek lortu dute finalaurrekoetara sailkatzea: Manex Agirre, Asier Otamendi, Unai Anda, Iñaki Viñaspre, Andere... [+]


2022-04-05 | ARGIA
Viñaspre, Arriolabengoa eta Agirre nabarmendu dira lehen saioetan

Arabako Bertsolari Txapelketa 30 bertsolarik hasi dute. XV. edizioa aurtengoa eta iragan asteburuan abiatu da lehen fasea, final zortzirenak. Iñaki Viñaspre, Manex Agirre eta Andere Arriolabengoa gailendu da, nor bere saioan. Hurrengo asteburuan bukatuko da lehen... [+]


2022-03-22 | ARGIA
Arabako Bertsolari Txapelketa apirilaren 1ean hasiko da

XV. Txapelketa izango da aurtengoa, eta 30 bertsolarik hartuko dute parte. Ekainaren 11n jokatuko da finala, Gasteizen.


Eguneraketa berriak daude