Ikerketa: Erraustegi gehiegi egoteak birziklatzea arriskuan jarri du Europan
GAIA mundu mailako koordinadorak ohartarazi du Europan birziklapena mehatxupean dagoela erraustegi gehiegi eraiki direlako eta oraindik gehiago abiarazteko asmoa daukatelako horretan berezitutakok konpainiek. Dagoenekoz martxan dauden errauste plantek daukaten erretze ahalmena handiagoa da gizarte horietan sortzen diren hondakin ez birziklagarrien kopurua baino.
Ondorio horietara iritsi da GAIAren enkarguz ENT kontsultoriak burutu duen Incineration overcapacity and waste shipping in Europe: the end of the proximity principle? ikerlana. Baina hala ere, errausketaren industria agintariei presio egiten ari zaie errauskailu gehiago eraikitzeko. Adibide ederra da Mallorcan gertatzen dena, hemengo errauskailuaren zabor gosea ezin duenez ase ugarteko gizarteak, dagoenekoz bortxaturik daude kanpotik (hasieran batean Sabadelldik eta etorkizunean menturaz urrunagotik) zaborrak ekartzera.
Ikerlanak erakutsi du Alemaniak, Suediak, Danimarkak, Herbehereek eta Britainia handiak gaur erretzeko ahalmen handiegia dutela sortzen dituzten hondakinekiko. Ondorioz, nazioarteko zabor garraioa handitu da, horrela hautsiz hurbiltasun printzipioa eta CO2a kontrolatzeko ahaleginen logika. Horren arabera, labe berriak eraikiz industriak zangopean pasa nahi ditu Europako Batasunak hondakinen kudeaketa egoki baterako ezarritako printzipioak, hondakinak prebenitu, berrerabili eta birziklatzea agintzen dutenak.
GAIAko koordinatzailea den Joan Marc Simonek azaldu duenez, Europako Batzordeak nahi baldin baditu mantendu 2020rako helburuak, hau da, ordurako saihestea birziklagarria den ezer kiskaltzea, dauden errauste plantak itxi eta berririk ez irekitzea da egin behar duena. Simonek eskatu dio Europako Batzordeari behatu dezala merkatu europarrak daukan errauste ahalmena, prebentzioa eta birziklaketa arriskuan ez jartzeko. horretarako ezabatu behar ditu erraustea birziklatzearen aurrean leihakor egiten duten laguntza juridiko eta ekonomiko guztiak.
Oharra: Argiaren Zero Zabor blogean argitaratutako albistea. Bertan hondakinen kudeaketarekin lotura duten albiste gehiago topatuko dituzu.
Informazio gehiago:
Zero Waste Europe “More incineration than trash to burn in the EU”
Amigos de la Tierra “El reciclaje en Europa se ve amenazado por la proliferación de incineradoras”
Europa Press “Amigos de la Tierra denuncia que el reciclaje en Europa está amenazado por la proliferación de las incineradoras“
Erabilera bakarreko plastikoen ekoizpenari eta erabilerari jarri nahi dizkiete mugak bereziki. Plastikoaren ekoizpena bikoiztu dute mende hasieratik, eta igoera horren arrazoia erabilera bakarreko plastikoak dira nagusiki.
Hondakinak etorkizuneko material berriak dira. Iragarki marketineroa izan daiteke, baina diseinu eta eraikuntzaren ikerketa munduan sormen bideak irekitzeko aukerak ekarriko ditu, dudarik gabe. Europako hondakinen legedia zorrotz jarriko dela iragartzean, nolabait ulertarazten... [+]
Jaurlaritzak Valogreene enpresari ingurumen baimena eman izanari helegitea aurkeztu zioten Bergarako Udalak, Ekologistak Martxan taldeak eta Bergarako bi bizilagunek 2022ko apirilean. Udalak azpimarratu du auzitegiak arrazoia eman diola, ebatzi baitu Jaurlaritzak hartu... [+]
Maiatzaren 24an 13:00ean Gipuzkoako Foru Aldundiaren aurrean elkarretaratzea egingo du Errausketen Aurkako Mugimenduak. Zubietako Erraustegiak sortzen duen kutsaduraren aurrean eta agente publiko eta alderdien jarrera salatzeko elkarretaratzera batzeko dei egin die herritarrei.
Lehengai anitzekin papera egitea dute urteroko erronka Tolosako Lanbide Heziketako Ikastetxe Integratuko kimika industrialeko ikasleek: platano azalekin, orburuekin, lastoarekin, iratzearekin nahiz bakero zaharrekin egin dituzte probak azken urteotan. Aurtengoan, pilota... [+]
Europan kutsadura maila aztertzen aritzen den Toxicowatch erakundeak egindako ikerketaren emaitzak dira. Erraustegia martxan jarri aurretik egin zituzten lehen azterketak, eta ondoren 2024ra arteko laginak aztertu dituzte. Iazko laginen emaitzak dira honakoak.
Bi langileak oroitzeaz gain erantzukizunak eskatu dituzte, Zaldibar Argituk igandean Eitzagan eginiko ekitaldian. Justiziaren mantsotasuna salatu dute, sumarioa oraindik instrukzio fasean dagoelako.
Bost urte bete dira Zaldibarren 800.000 tona zabor maldan behera amildu eta Joaquín Beltrán eta Alberto Sololuze langileak aurretik eraman zituenetik. Ikerketa judiziala amaitu gabe dago oraindik, Verter Recycling enpresak ez du ezer ordaindu zigilatze lanengatik,... [+]
Joaquin Beltran eta Alberto Sololuze gogoratzeko eta hondamendiaren erantzukizunak eskatzeko elkarretaratzea egingo dute igandean Zaldibarko Eitzaga auzoan. Luizia “enpresarien diru goseak” eragin zuela, eta Eusko Jaurlaritzak “ardura txikiena ere ez duela... [+]
Iruñerriko Mankomunitateak Imarkoaineko Hondakin Zentroaren proiektuaren aldaketa onartu zuen ostegun honetan eta, horren arabera, azpiegitura 2026ko urtarrilaren 21ean hasiko da lanean.
Legearen arabera, erabiltzen ez diren zabortegi guztiek itxita eta zigilatuta egon beharko lukete 2008tik. Ekologistak Martxan taldea Eusko Legebiltzarrean izan da legea bete dadila eskatzeko: azaroaren 12an Industria, Trantsizio Energetiko eta Jasangarritasunaren batzordean... [+]
Atez atekoa oinarri, Arabako Errioxako Kuadrillan Kripan eta Eltziego herriek Araba osoko daturik onenak dituzte hondakinen gaikako bilketan eta horien birziklapenean, eta Europak ezarritako gutxienekoetara heltzen diren bakarrak dira. Laster, kuadrillako herri gehiagotara... [+]
Adimen artifizialak bost milioi tona hondakin elektroniko sortu ditzake 2030a baino lehen, Nature Computational Science aldizkariak argitaratu duen txosten baten arabera. Ikertzaileek ekonomia zirkularreko estrategia bat ezartzearen beharra nabarmendu dute.
Hondakinak tratatzeko Artaxoako plantara Zubietako erraustegitik milaka tona lixibiatu modu ilegalean eraman izanaz galdetu dio EH Bilduko parlamentari Mikel Oterok, Eusko Jaurlaritzako Industria, Trantsizio Energetiko eta Jasangarritasun sailburu Mikel Jauregiri. Iragan... [+]