Hainbat ikaslek Bartzelonako Unibertsitateko errektoretza okupatu dute eta adierazi dute ez direla handik mugituko, errektoreak euren proposamenei erantzun arte. Unibertsitate publikoa “muturreko egoeran” dagoela eta aldarrikatu dute matrikulen prezioak bidezkoagoak izatea, katalanaren erabilera areagotzea, praktikak ordaintzea eta protokolo feministak martxan jartzea.
Astearte honetan okupatu dute errektoretza Bartzelonan, eta Gironako Unibertsitatean ere berdin jokatu dute ikasle mugimenduek, “hezkuntzak bizi duen krisiak” bultzatuta. Tartean da Katalan Herrietako Ikasleen Sindikatua (SEPC).
Hezkuntza Krisiaren Kontrako Konpromisoa idatzi dute ikasleek. Bost puntu ditu idatziak: bai graduen arteko bai gradu eta masterren arteko prezioen parekatzea –ikasle guztiek ikasketa publiko duinerako aukera izatea dute helburu–; ikasleei praktikak ordaintzea derrigorrezko baldintza izatea; “larrialdi linguistikoaren” aurkako plana gauzatzea, ikasgeletan katalanaren erabilera bultzatuz; protokolo feminista eraginkorrak bultzatzea, besteak beste irakasleen plangintzak berrikusiz; eta unibertsitate publikoa defendatzeagatik kausaren bat irekia duten guztiak absolbitzea.
Joan den astean 80 bat aktibistak Bartzelonako campus inguruko errepidea moztu zuten, aldarrikapenei oihartzuna eman asmoz. Oraingoan errektoretzaren erantzuna nahi dute.
Grebara jo dute bigarren hezkuntzako, lanbide heziketako eta unibertsitateko ikasleek. Ikastetxeen ohiko jarduna gelditu eta kaleak hartu dituzte “negozioen eta inposizioen” hezkuntzaren kontra Bilbon, Donostian, Gasteizen eta Iruñean. Goizeko aurreneko... [+]
Ikasle Abertzaleak taldeak grebarako deia egin du martxoaren 20rako. Negozioen eta inposizioen hezkuntza borrokatu goiburuarekin manifestazioa ere eginen dute 12:00etan Iruñeko Foruen Plazatik aterata. Unibertsitatera sartu aurretik eta goi mailako ikasketak egiterako... [+]
Asteazken gaueko gertakariak salatzeaz gain, Polizia unibertsitatetik “kanporatzea” exijitzeko eta EHUren “erantzukizuna” seinalatzeko mobilizazioa egin dute.
Eusko Legebiltzarraren aurrean elkartu dira Ikasle Abertzaleak-eko kideak martxoaren 13rako ikasle grebara deitzeko. “Azken hilabeteetan borroka prozesuak martxan jarri ditugu Euskal Herriko ikastetxe eta campusetan eta, orain, pausu bat gehiago emateko unea dela uste... [+]
Sabai zati bat erori da berriki EHUren Ibaetako campusean, eta ez da lehen aldia. Azpiegituren "egoera kaskarra" salatu dute, itogin ugari eta berogailu matxuratuak tarteko (ikusi irudiak albiste bukaeran). "Arazoei aurre egiteko aurrekontua egina zutela esan... [+]