Igor Gonzalez presoaren heriotza salatu dute Bilbo eta Baionako mobilizazioetan
Igor Gonzalez Sola euskal preso politikoaren heriotza salatzeko manifestazioak egin dira Bilbon eta Baionan igande honetan, Sare eta Bakegileen deialdiei jarraituta. Bietan azpimarratu da, bestelako espetxe politika behar dela.
Bilbon eguerdian egin da manifestazioa, Eliptika plazatik hiru ilara luzetan abiatuta, koronabiruseko garaian manifestazioak egiten ari diren bezala. Sareko ordezkariak, alderdi politikoetakoak eta sindikatuetakoak joan dira buruan. Abiatu aurretik Sareko ordezkariek adierazi dute Igor Gonzalezen heriotza inoiz gertatu behar ez zen zerbait dela, eta horrek erakusten duela egungo espetxe politika amaitu egin behar dela.
Ezker abertzaleko hainbat buruzagi izan dira manifestazioan, EH Bilduko Maialen Iriarte esate batera, edo Sortuko Arkaitz Rodriguez. LAB, ELA eta ESK sindikatuetako ordezkariak ere izan dira bertan.
Areatzako zubitik igaro da manifestazioa, handik Alde Zaharrera sartu da eta Plaza Berrian amaitu. “Presoak kalera, amnistia osoa”, “espetxeak apurtu” eta “Igor gogoan zaitugu” izan dira manifestazioan zehar oihukatu direnetakoak. Manifestazioaren amaieran Sareko ordezkariek gogorarazi dute euskal instituzioetan akordio handia dagoela espetxe politikari buruz eta hori indarrean jarri beharko litzatekeela; hala izan dadin, egungo espetxe politika amaitzeko konpromisoan beste urrats bat ematea eskatu diete erakundeei.
Zehatzago, Sarek honako neurriak betetzea eskatu du: bat, urruntze-politikaren amaiera, eta hala eskatzen duten presoak Euskal Herriko kartzeletara eramatea; bi, gaixotasun larriak dituzten presoen askatasuna, espetxeko harresietatik kanpo arreta jaso dezaten; eta hiru, graduen progresioa aplikatzea, gainerako presoei bezala.
Jendetza bildu da Baionako espainiar kontsulatuaren aitzinean Igor Gonzalez Sola euskal presoaren heriotza salatzeko @berria @Artisans_Paix pic.twitter.com/T4M3fbeApQ
— Ekhi Erremundegi (@EkhiErremundegi) September 6, 2020
Baionako elkarretaratzean Etxegarai
Baionan ere eguerdian elkartu dira ehunka lagun Espainiako Kontsuletxearen aurrean, horien artean Jean René Etxegarai, Euskal Elkargoko lehendakari eta Baionako alkatea. Anais Funosas Bake Bideko ordezkariak hitz egin du bertan eta haserrea erakutsi du heriotza berri honengatik: “Zeren zain da gobernua bake prozesuari egin beharreko ekarpena egiteko?”. Datorren irailaren 19rako “mobilizazio indartsua” egingo dutela iragarri zuen.
Eusko Jaurlaritzak oharra kaleratu du asteburuan Igor Gonzalezen senideei eta hurbilekoei doluminak agertuz. Hemen oharra, bere osotasunean: “Suizidioa izan dela badirudi ere, Eusko Jaurlaritzak espero du heriotza horren inguruabarrak berme guztiekin ikertzea. Horrelako gertaerek presoen errealitatearekin zerikusia duten eragile guztien hausnarketa sustatu behar dute. Era berean, beharrezkoa da gogoeta operatibo bat egitea espetxe-politika gehiago humanizatzeari buruz eta euskal gizartearen egungo errealitatera eta erronka berrietara argiago egokitzeari buruz”.
Astelehen honetan, halaber, Sarek bilkura deitu du Iruñeko Merindade plazan, 20:00etan.
Ahotsa.infoko bideo honetan ikus daiteke Bilboko mobilizazioa.
Jesus Maria Gomez Ezkerro 'Txutxo', 2001eko urtarrilean atxilotu zuten, 2021ean hirugarren gradua ezarri zioten, eta 2023ko otsailean baldintzapeko askatasuna eman zioten. 24 urte geroago aske geratu da.
26 urtez euskal preso eta iheslariak etxeratzeko aldarria oholtza gainera eraman ondoren, Hatortxu Rock jaialdiak bere azken edizioa egingo du ostegunetik igandera bitartean, Lakuntzan (Nafarroa). Jaialdian bildutako dirua preso sein senideentzat dispertsioak zekarren zama... [+]
"Euskal Herriaren jazarpena elikatzen du Euskal Herriaren bakearen bidean egindako akordiotzat saldu duten honek", adierazi dute larunbatean Arrasaten eginiko prentsa agerraldian.
Kartzelan 27 urte egon eta gero askatasunean geratu dela iragarri du Etxerat elkarteak.
Eusko Jaurlaritzak 2022an eskuratu zuen Zaballako (Araba), Basauriko (Bizkaia) eta Martuteneko (Gipuzkoa) kartzelen gaineko eskumena, eta ordutik uhalen edo eskuburdinen bidez loturik izan dituzten pertsonen inguruko datu batzuk eman ditu Maria Jesus San Jose (PSE-EE) sailburuak... [+]
Nafarroako espetxean dauden pertsonen bizi baldintzak aztertu ditu elkarteak. Ondorioztatu du Nafarroako Gobernua kartzelaren kudeaketaz arduratu beharko litzatekeela.
Espainiako Auzitegi Goreneko Fiskaltzak, Iratxe Sorzabal atxiloturik egon zenean "tratu gizagabeak" eman zizkiotela aitortzen duen epaia baliogabetzea eskatu du, eta berriz epaitu dezatela nahi du, 1995ean Irunen jarritako lehergailu baten harira.
PPk Senatuan proposatu du, gainera, euskal preso politikoek damua erakutsi behar izateko xantaia areagotzea.
Historikoa izan da, Monarkia Espainiarreko epaitegi batek honako ebazpen hau onartu du: "Iratxe Sorzabal zaintzeaz arduratzen ziren funtzionarioek elektrodoak aplikatu zizkioten deklaratzera behartzeko, eta horrek zera dakar, haren oinarrizko giza eskubideak nabarmen... [+]
Antolakunde "antierrepresiboak" ekainaren 7an Amnistia Eguna antolatu du Senperen. Eguna aldarriz josteko, egun osoko egitaraua antolatu dute. Nazioarteko beste erakunde batzuekin eta Aroztegiko Komitearekin mahai inguruak antolatu dituzte.
Ekimena larunbatean abiatuko da, Lesakatik, eta igandean amaituko da, Iruñean. Behin betiko konponbidea eskatzeko eta oraindik etxerako bidea egiteko duten presoen eskubideak aldarrikatzeko, orotara 544 kilometro egingo dituzte. Ekimena aurkezteko agerraldia... [+]
UPNk jarritako salaketa bati erantzunez hartu du erabakia auzitegiak. Apirilaren 17an gazte topagunearen baitan Berriozarren antolatutako "Kurdistan eta Euskal Herriko preso politikoen" aldeko ekitaldia da UPNk bertan behera utzi nahi izan duena "terrorismoaren... [+]
ELA, LAB, ESK, STEILAS, CGT-LKN, CNT, HIRU, EHNE eta ETXALDE sindikatuak, Sarek abiatutako Gotzon SOS kanpainara batu dira. 2019an antzeman zioten gaixotasun genetiko sendaezina 68 urteko preso politiko bilbotarrari. Sindikatuek gaixotasun larriak dituzten presoak kartzelatik... [+]
“Saihestu egingo dira giza eskubideen, ordenamendu juridikoaren eta espetxeetako tratamendu psikosozialaren aurkako balioak eta jarrerak babestea, justifikatzea eta goratzea ekar dezaketen adierazpenak”, dio, besteak beste, agiriak. Azaroan Eusko Jaurlaritzako... [+]