Igandean energiari buruzko bertso saio berezia Zizurkilen
Urriaren 22an, energiaren gaiaz bere zabalean hausnartzeko plaza izango da Zizurkil. Gipuzkoako Mendiak Askek antolatu du, eta puntako bertso saioaren bidez eskaini nahi diete herritarrei aukera eguneroko bizitzan erabiltzen dugun energiaren inguruan iritzi ezberdinak jasotzeko eta kontraesanak agerian jartzeko, "ondoren bakoitzak bere ondorioak atera ditzan". Eguerdiko 12:00etan izango da bertso saioa, eta ondoren herri bazkaria. Bazkariko txartelak agortuta daude, baina bertso saiokoak eskuratzeko aukera badago oraindik.
Aitor Bizkarra, Andoni Egaña, Maialen Lujanbio eta Oihana Iguaran arituko dira Saroi Jauregik jarritako egoerak bertsotan gorpuzten. Gipuzkoako Mendiak Aske taldeak iragarri du "bertso saio berezia" izango dela Zizurkilgoa: "Punta-puntako bertsolariak izango dira oholtzan eta haien bitartez, iritzi ezberdinak kontrastatu eta entzungo dira; azken batean, gaiari buruz herritarren artean solasaldi lasaia nahi da sortu, guztiok izaten dugulako bakoitzak bere iritzia. Halaber, denok eguneroko bizitzan ditugun kontraesanak ere mahai gaineratu nahi dira".
Bertso saioa San Millan elizan, 12:00etan
Dagoeneko agortu dira bertso saioaren ostean egingo den herri bazkariko sarrerak. Bertso saiorako edukiera handiagoa da, eta oraingoz badago sarrerak erosteko aukera. 10 euroan (umeek borondatea) daude salgai puntu hauetan: Antzuolan (Aitz Garbi), Azkoitian (Etxe-Aitz eta Atraskua), Azpeitian (Urtzi), Lazkaon (Biziola), Elgoibarren (Jai Alai eta Lanbroa), Itziarren (Burugorri), Soraluzen (Arrano eta Pil Pilean), Zestoan (Uztapide) eta Zizurkilen (Plaza Etxeberri, Iriarte eta Egarri).
Egunean bertan ere sarrerak eskuratzerik egongo da, baldin eta ordurako geratzen badira.
Energiaren sektoreari loturiko konpainiak bere zuzendari nagusia aldatu du, doikuntzak iragartzearekin batera. Euskal Herriko lantegietan ia 3.000 langile aritzen dira eta sindikatuak kezkatuta agertu dira, kaleratzeak ekar litzakeelako erabakiak.
Energia krisiak eta Ukrainako gerrak hauspotuta, Gas Natural Likidotua (GNL) bihurtu da munduko lehengai estrategiko eta preziatuenetakoa. AEBetako hegoaldean gasa modu horretan biltegiratu eta esportatzeko planta erraldoiak egin asmo ditu industriak, baina Joe Bidenen gobernuak... [+]
"Elite ekonomiko baten pribilegioak iraunarazten diren aldi berean, konponbide faltsuak eskaintzen dizkigute, egiazko konponbideek beharko luketena onartu gabe: oligarkia energetikoa erabat auzitan jartzea, hazkunde ekonomikoaren aginduarekin haustea, gure eredu produktibo... [+]
Berdeago Azoka egingo dute martxoaren 22tik 24ra, Durangoko Landako Gunean. Energia-eraginkortasunaz eta kontsumo arduratsuaz kontzientziatzeko helburua du Jasangarritasunaren Euskal Azokak, ingurumena babesteko irtenbideak tarteko.