930 ikasle k hasi dute 2014-2015 ikasturtea katalanezko murgiltze eredua egiten duten Bressola eskoletan, Ipar Katalunian. Iaz baino 120 ikasle gehiago dira eta asko plazarik gabe geratu dira.
Eva Bertrana Bressolako zuzendariak El Punt Avui egunkariari adierazi dionez, murgiltze ereduan ikasteko eskaera asko izateak esan nahi du Ipar Katalunian katalanaren normalizazio bidean “irabazten ari garela”, baina bestetik, triste daude haurrak katalanez eskolaratu nahi dituzten Ipar Kataluniako guraso guztiek horretarako aukerarik ez dutelako.
Eskariari erantzun nahian hiru eskola handitu dituzte, Soler-ekoa, Perpinyàko Vernet-ekoa eta Nyils-ekoa. Ama eskolak eta Lehen Hezkuntzakoak dira horiek. 2015-2016 ikasturterako Perpinyàko institutua handitzea edo berria eraikitzea nahi dute. Epe luzera berriz, lizeoa eraikitzeko ilusioa dute, 2 urte dituztenetik katalanez ikasten ari diren haurrek eskola garai osoa katalanez egitea nahi baitute.
Ondoko bideoan Soler bressola eskolako irakasle eta ikasleak ageri dira katalanaren aldeko muxuz beteriko ekitaldian.
Júlia Ojeda literatura-kritikariaren ahotsa garrantzitsua da gaur egungo Kataluniako hedabideetan, eta prozesu independentistaren osteko Katalunia birpentsatzen ari den ardatz ugarietako batera hurbiltzen laguntzen digu. Matriotes-eko kide ere bada, “feminista eta... [+]
Carme Junyent hizkuntzalari katalana hil zen pasa den irailean. Hizkuntza-politikari buruz esaten zituenak arretaz segitu ditugu hemen, haren proposamen batzuk noizbait gurean aplikatzera ausartuko ginelako itxaropenez-edo, beharbada. Aho-bizarrik gabe jarduten zuen. Aldizkari... [+]
Manuel Albares Atzerri Ministroak erabilitako arrazoiak dira, besteak beste, katalana lehenesteak prozesua arinduko duela eta katalanak beste bi hizkuntzek baino hiztun gehiago dituela.
Irailaren 3an zendu da pankreetako minbiziaren ondorioz. Katalanak desagertzeko dituen arriskuez zorrotz hitz egin izan du hizkuntzalariak eta haren mezu gordinek deserosotasun ugari sorrarazten zuten. Azken unera arte borrokatu da bere hizkuntzaren alde. Bizitzako azken uneetan... [+]
Andorrako katalanaren defentsarako lege berriak katalanaren oinarrizko maila eskatuko du bertan bizi eta lan egin ahal izateko. A2 titulua baino maila baxuagoa eskatuko dute.