Hutsetik hasi nahi du Nafarroako Gobernuak Euskalerria Irratiaren lizentziaren afera
Euskalerria Irratiko ordezkariek Nafarroako Parlamentuan gogorarazi dute 1998ko lehiaketako lehen fasean haiek izan zirela puntuaziorik hoberena eskuratu zutenak, eta epaileek hala adierazita, puntuazioa ezin dela berriro ere hutsetik hasi.
Auzitegi gorenak Net21 eta Radio Universidad de Navarra irratiei emandako lizentziak indargabetu egin zituen urtarrilean, 1998an hasitako auziari amaiera emanaz.
15 urtez luzatu den ibilbide judiziala
1998an irrati baimenen esleipena bi fasetan banatu zuten: lehenengo fasean kontratazio mahaiak lau alor puntuatu zituen. Puntuazio horietan, Euskalerria Irratiak jaso zuen balorazio hoberena. Bigarren faserako, ordea,Nafarroako Gobernuak mahaia desegin eta Angel Sanz (orduko komunikazio zuzendaria) izan zen puntuazioa egiteaz arduratu zena.
Euskalerria Irratiko kideek helegitea aurkeztu zuten eta epaileek puntuazioa irizpide politikoen baitan egina zela baieztatu zuten, Euskalerria Irratia baztertu eta lizentziak Net21 eta Opus Dei-ko Radio Universidad de Navarrari eman izanak oinarri sendorik ez zuela frogatuta.
Bigarren fasearen puntuazioa errepikatu zen orduan. Oraingoan Opus Deirekin harreman estua zuen kanpoko enpresa baten esku (DOXA Consulting) utzi zuen Nafarroako Gobernuak.
Bigarrenez Euskalerria Irratikoek helegitea aurkeztu, eta epaileen ebazpenak baliogabetu egin zuen irratia lizentziarik gabe uzten zuen erabakia. DOXA Consulting enpresak puntuazioa aurrera eraman ezin zuela ebatzita.
Nafarroako Gobernua izan zen orduan Auzitegi Gorenean helegitea aurkeztu zuena eta urte hasieran iritsi den epaia helegite horren aurkakoa da: 1998. urtera atzera egin eta lehenengo fasea ontzat ematen du, bigarrena baliogabetuta.
Nor dabil “nahieran”?
Ibilbide judizial honetan epaileek lau peritu independenteren balorazioak erabili dituzte. Balorazio horiek frogatu dute Euskalerria Irratiak aurkeztu zuela proiekturik hoberena, eta erabakia 1998an aurkeztutako proiektuen ezaugarrien arabera hartu behar dela.
Hori ikusita, irrati euskalduneko langileek prozesu berri bat hutsetik hasi beharrean perituen txostenak kontuan izango dituen lehiaketa abian jartzea eskatu dute, lehenengo fasean gauzatutako puntuaketa ere errespetatuko duena.
Juan Luis Sanchez de Muniain Nafarroako kultura kontseilariak, berriz, lizentzien esleipena zerotik hasi nahi duela azaldu du, prozesua “legearen arabera” egin dadin.
Argi azaldu du gainera, ez duela Net 21 eta Radio Universidad de Navarrari emandako lizentziak Euskalerria Irratiari emateko asmorik: «Hori egingo banu, emititzeko lizentziak nahierara banatzea litzateke, eta guk legedia bete behar dugu».
1988ko azaroaren 7an egin zuen lehen emisioa Iruñerriko irratiak. Urteurrena aitzaki hartuta, Zentral aretoan “musika eta hitza” uztartuko dituen ekitaldi bat antolatu dute.
Irrati urtea astelehenean, hilaren 18arekin, abiatuko dute, albistegiak eta arratsaldeko magazina indartuta. Azaroaren 7an, irratiak 35 urte beteko ditu eta hainbat ekimen gauzatuko dituzte urteurrena ospatzeko.
Kalkulua zehatza da. Iruñeko biztanleen %10,5 da euskalduna. Navarra Sumak gidatutako Iruñeko Udalak publizitate instituzionala lortzeko gutxienez audientzia osoaren %10 izatea exijitu die hedabideei. Euskarazko hedabideek publizitatea lortzeko hiriko biztanle... [+]
Euskalerria Irratiak helegitea aurkeztu du Nafarroako Auzitegi Administratiboaren aitzinean, Iruñeko Udalaren publizitate instituzionalaren esleipenaren kontra.
Martxoaren 28an Iruñeko Kondestable aretotik zuzenean antolatu du emisioa Euskalerria Irratiak, herritarrei bertatik bertara ikusi eta entzuteko aukera eskainiz. Bi orduan hamaika pertsonak aurten mendea bete duen euskarazko hedabideari buruzko ertzak landu dituzte.
Euskalerria Irratiak atzo ospatu zuen bere 30. urteurrena Iruñeko Kafe Zentral Antzokia betez. Bertan bildu zuen bere komunitate sendoa: langile, kolaboratzaile, iragarle, bazkide eta entzuleak, besteak beste.
Euskalerria Irratiak hiru hamarkada beteko ditu azaroaren zazpian. Lizentzia ukapen guztien gainetik eta bazterkeria ekonomiko guztien azpitik irrati iruindarra hiru hamarkada betetzera iritsi bada, bere komunitate ahaltsu eta eskuzabalari esker izan da. Eta komunitate horretako... [+]
Astelehenean hasiko da Eukalerria irratia FMko 98.3 frekuentzian emititzen. Legezkotasun, indar eta kalitate osoz.
1997an abiaturiko bi irrati lizentzien esleipen prozesu luzea amaierara iristen ari da. Iruñerriko euskaldunak behingoz irrati euskalduna modu legezkoan entzun ahal izatetik gero eta gertuago daude. Lizentzia lortzeko prozesu luzearen berri ematen da ondoko lerroetan.
Iruñerriko euskal munduaren ispilu zen asteazken gauean Iruñeko Zentral Kafe Antzokia. Eta Nafarroak bizi duen aldaketarena ere bai. Euskalerria Irratiak 27 urteren ondoren lizentzia lortu duela ospatzen ari ziren guztiak.
Irailaren 30ean, Iruñeko Kafe Antzokian egingo den ekitaldi batekin ospatuko dute "euskaldun eta euskaltzaleekin" Euskalerria Irratiari lizentzia eman diotela.
Duela 30 urte ekin zion Euskalerria Irratiak uhinak airean jartzeko baimenak bideratzeari. Azkenean, 1987an lizentziarik gabe ekin zion irratigintzari eta 27 urteren ondoren etorri da hainbeste desiotako baimena. Mikel Bujanda ibilbide horren guztiaren lehen lerroko lekuko... [+]