35 urteurrena emanaldi berezi batekin ospatuko du gaur Euskalerria Irratiak

  • 1988ko azaroaren 7an egin zuen lehen emisioa Iruñerriko irratiak. Urteurrena aitzaki hartuta, Zentral aretoan “musika eta hitza” uztartuko dituen ekitaldi bat antolatu dute.


2023ko azaroaren 07an - 10:25
Azken eguneraketa: 12:20
35. urteurrena ospatuko du Euskalerria irratiak. // Argazkia: Euskalerria irratia

Euskalerria Irratia osatzen duten kideek Iruñeko Zentral aretoan “musika eta hitza” uztartuko dituen ekitaldi bat egingo dute gaur 19:00etan. Anari, Ibil Bedi eta Raimundo el Canastero arituko dira festan.

Proiektuak hasieratik izan ditu ardatz euskara eta komunitatea. 2015era arte lizentziarik gabe aritzea “oztopo lasterketa” izan zela nabarmendu du irratiko esatari Reyes Ilintxetak, Nafarroako Hitzak jaso duenez. Halaber, koordinatzaile Juan Kruz Lakastak azpimarratu du bazterketaren aurka egiteak “borrokaren ikur” bilakatu duela irratia.

Lakastak iragarri du "pauso garrantzitsua" izango duela aurki irratiak: “Oraindik ezin dugu zehaztu, baina jauzi handia izanen da irratiarentzat”. Halaber, Naizen adierazi du gaur egun Euskalerria Irratia “proiektu komunikatibo bizi eta sendoa” dela: “Denon artean lortu dugu eta denon artean ospatu behar dugu”.


Kanal honetatik interesatuko zaizu: Euskalerria Irratia
Euskalerria Irratiak podcasten aldeko apustua eginen du denboraldi honetan

Irrati urtea astelehenean, hilaren 18arekin, abiatuko dute, albistegiak eta arratsaldeko magazina indartuta. Azaroaren 7an, irratiak 35 urte beteko ditu eta hainbat ekimen gauzatuko  dituzte urteurrena ospatzeko.


Hedabideak publizitate instituzionalik gabe Iruñean
Langa bat gehiago

Kalkulua zehatza da. Iruñeko biztanleen %10,5 da euskalduna. Navarra Sumak gidatutako Iruñeko Udalak publizitate instituzionala lortzeko gutxienez audientzia osoaren %10 izatea exijitu die hedabideei. Euskarazko hedabideek publizitatea lortzeko hiriko biztanle... [+]


Maiaren publizitate banaketaren aurka helegitea aurkeztu du Euskalerria Irratiak

Euskalerria Irratiak helegitea aurkeztu du Nafarroako Auzitegi Administratiboaren aitzinean, Iruñeko Udalaren publizitate instituzionalaren esleipenaren kontra.


Eguneraketa berriak daude