Hondartzetatik salbuespenezko espetxe politikaren bukaera exijituko du Etxerat-ek

  • Abuztuaren 2rako hondartzetan jarri du hitzordua Etxerat-ek, salbuespenezko espetxe politikaren behin betiko bukaera exijitzeko.


2020ko uztailaren 29an - 12:16

Urtero bezala, aurten ere hondartzetan jarri du hitzordua Etxerat-ek, salbuespenezko espetxe politikaren behin betiko bukaera exijitzeko. Abuztuaren 2an finkatu du hitzordua Lapurdi, Bizkaia eta Gipuzkoako hainbat hondartzetan –hondartzak zerrendaturik, albiste bukaeran–.

"Bada garaia"

"Bada garaia euskal presoen familiakoei, seme-alabei, gurasoei eta lagunei ezartzen zaien zigorrarekin eta sufrimenduarekin amaitzeko, eta bizirik eta etxean nahi ditugulako", Etxerat-ek berriro ere errepikatu duenez. COVID-19aren testuinguruan "urte korapilatsua" izan dela dio elkarteak: "Alarma-egoera deklaratu eta bost hilabete igaro dira eta ezjakintasun, segurtasun eza eta kezka egoera hau jasanezina da".

Hori horrela, salbuespen neurrien bukaera eta presoen Euskal Herriratzea exijituko dute hondartzetatik. Euskal gizarteak "konponbidean eta bakean, bizikidetzan aurrera egin nahi" duela entzunaraziko dute, argi utziz ondokoa: "ezin dugu onartu estatuek ehunka familien sufrimenduari eustea".

Horra Etxerat-ek jarritako hitzorduak:

- Bizkaia: La Arena, Laga, Laida, Lekeitio, Ondarru 12:00; Bakio 12:30; Ea eta Laidatxu 13:00.

- Gipuzkoa: Donostia, Hondarribia, Mutriku, Orio, Zarautz, Deba 12:00.

- Lapurdi: Hendaia, Donibane Lohitzune 12:00.

 

 


Kanal honetatik interesatuko zaizu: Euskal preso politikoak
26 urteko espetxealdia atzean utzita aske da Iñaki Garces otxandiarra

Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.


Euskal preso eta iheslari politikoen aldeko jaialdia egingo dute Ezpeletan larunbatean

Kontzertuen bidez euskal preso eta iheslariak laguntzea da xedea. Aurten, Rakatapunk, Xutik eta Esne Beltza dira egitarauan.


2024-01-15 | ARGIA
Espetxe politikan salbuespeneko arauak desagertzeko exijitu dute 68.000 lagunek Bilbon

Hamarnaka mila lagunek Bilboko kaleak bete dituzte larunbatean, euskal preso politikoen eskubideak betearazteko eskatzeko manifestazioan. Sarek gogorarazi du ez direla pribilegioak eskatzen ari eta azpimarratu du “euskal gizarte pluralaren ahalegina” ezinbestekoa... [+]


Eguneraketa berriak daude