Hondarribiko Alardea: beste behin, bitan zatituta
Bi Alarde izan dituzte aurten ere Hondarribiko jaietan: parekidea eta tradizionala. Goizean, txalo artean hartu dute Jaizkibel konpainiaren desfile parekidea gehienek, nahiz eta txistuak ere entzun diren eta hainbat erakundetako ordezkariren “falta” egon den.
8:25ean abiatu du Jaizkibelek kalejira, Alarde tradizionalak baino ordu erdi lehenago. Alarde parekidearen aurkako jendea Hondarribiako Kale Nagusian pilatu da, plastiko beltzak eskuetan, txistuka eta oihuka. Ertzaintza bertan egon da.
Instituzioen artean, Gipuzkoako Diputazioarena izan da aurtengo huts nabarmenena. Azken urteetan ez bezala, Diputazioko inongo ordezkarik ez dio harrera egin alarde parekideari. Txomin Sagarzazu Hondarribiko alkateak ere uko egin dio Jaizkibelen desfileari harrera egiteari, eta alarde ez-parekidea soilik hartu du.
Emakunde, Arartekoa, EH Bildu edota Udalbiltzako ordezkariak izan dira, besteak beste, Alarde parekideari babesa azaltzen. Ibilbidea “giro bikainean” egin dutela nabarmendu dute Jaizkibel konpainiatik.
Konpainia parekideak 2023ko jaien eta irailaren 8ko alardearen balorazioa egin du, eta aurtengoa "urte pozgarria" izan dela azpimarratu. Nabarmendu du udalak egindako keinuek lagundu dutela elkarbizitza espazioak sortzen, baina alarde baztertzaileari ere harrera egitea... [+]
Arartekoak ostiralean jakinarazi du azkenean ez duela alarde baztertzailea agurtuko. Halere, Hondarribiko alkateak, Gipuzkoako ahaldun nagusiak eta Eusko Jaurlaritzako Giza Eskubideen sailburuordeak emakumeak baztertzen dituen alardeari harrera egin diote.
Hondarribiko alardearen bezperetan, alarde tradizionalaren baitatik sortutako proposamenez, udal aldaketak zabaldu ditzakeen ateez eta Gipuzkoako ahaldun nagusiak iragarritakoaz (alarde tradizionalari eta Jaizkibel konpainia parekideari egingo diela harrera) hitz egin dugu... [+]
Hauteskundeen ondoren zabalduko den aro berri honetako alkatea "konponbidearen alkate bilakatzea" espero du Guztion Alardeak.
Bilera izan berri dute bi aldeek. Guztion Alardeak bere diagnostikoa eta zenbait gogoeta plazaratu zituen bilera horretan, eta fundazioak hauekiko desadostasuna agertu zuela esan dute.