Homofobiaren aurkako lege aitzindaria onartu du Kataluniak
Lesbiana, gay, transexual eta bisexualen (LGTB) eskubideak bermatzeko legea onartu du Kataluniak ostegun honetan. Kolektibo horietako pertsonak diskriminatzen dituztenentzat zigorrak izango dira aurrerantzean.
Gehiengo zabalez onartu dute Kataluniako Parlamentean LGTB-en Batzorde Nazionalak aurkeztutako lege-ekimena. Alderdi gehienek eman diote babesa, baina PPk aurka bozkatu du eta CiUko sozio txikienak, UDCk, desadostasuna adierazi du legearen zenbait puntutan, gai horri hezkuntzan egingo zaion tartean, esaterako.
Arlo ugaritan izango du eragina; hezkuntzan, osasunean, lan merkatuan, kulturan edota kirolean hainbat neurri hartuko dituzte aurrerantzean berdintasuna eta errespetua bermatzeko. Horrez gain, aldiro estatistikak egiteko konpromisoa hartu dute legearen aplikazioa eraginkorra dela ziurtatzeko.
Homofobo, lesbofobo eta transfoboei zigorrak
Onartutako testuak arau-urratze arinak, larriak eta oso larriak ezberdintzen ditu. Horren arabera, 132 eurotik 16.000 eurora bitarteko isunak ezarriko dizkiete LGTB pertsonak iraindu, baztertu eta erasotzen dituztenei, eta diskriminazioa lan-arloan emanez gero, erantzuleei lanpostuan jardutea debekatu ahal izango diete.
LGTB kolektiboko pertsonen aurkako delituak eta faltak Kode Penalaren arabera zigortuko dituzte, gainerako delituak bezala.
Eliza kexu
Sektore katolikoek ez dute begi onez ikusten legearen onarpena, eta bereziki zigorren aurka agertu dira. Jaume Balcells Tarragonako artzapezpikuak 2012an egindako adierazpenetan LGTB kolektiboaren jokabidea “gizartearentzat desegokia” zela esan zuen. Hitzok gaur esan izan balitu, lege berriaren arauak urratuko lituzke.
Pasa den otsailaren 24an Egia, Justizia eta Erreparaziorako ekitaldi bat antolatu zuten Bilbon, Mugarik Gabe erakundeak, Bizitu Elkarteak, Feministaldek, Mujeres del Mundok, Zehar Errefuxiatuekin elkarteak eta Colectiva Feminista Para el Desarrollok. Hiru indarkeriak ardaztu... [+]
Maiatzaren 5ean mobilizatzeko deia luzatu dute 800 eragilek Politis komunikabidean plazaraturiko iritzi artikulu baten bitartez. Tartean daude besteak beste, Annie Ernaux idazlea, Hiesaren aurka dabilen Act Up elkartea, Planning Familial talde feminista ezaguna,... [+]
Gorputzak, identitateak, desirak, justizia soziala, ahalduntzea eta memoria: sei arlo horien bueltako unitate didaktikoak kaleratu dituzte, DBH eta Batxilergoko ikasleekin lantzeko. LGBT+ pertsonen testigantzak, diskriminazioa eta aldarrikapenak oinarri, “armairuan... [+]
Apirilaren 26, 27 eta 28 hauetan iraganen da Euskal Herriko bolleren topaketa, Leitza herrian. Izenak argiki dioen gisara bollerei irekitako jardunaldiak dira, baina, oro har, sexu/genero disidente oro da gomitaturik. Egitarau aberatsa eta askotarikoa ondurik, taldean... [+]
LGTBI kolektiboko hamar lagunetik bederatzik sekretuan mantentzen du bere sexu-joera laneko nagusien aurrean, eta lautik hiru ez da armairutik ateratzen lankideekin. Zergatiez, beldurrez eta arriskuez hitz egin dute Espainiako LGTBI+ Federazioak egin duen ikerketan.